Ішке. Бір рет қабылдауға – 1 немесе 2 таблеткадан (толығымен ерігенше ауызда ұстау керек – тамақ қабылдағанда болмайды). Күніне 2 рет қабылдау керек; қажет болған жағдайда – тәулігіне 4 қабылдауға дейін. Емдеу курсы – 1-3 ай; қажет болған жағдайда емдеу курсын 6 айға дейін созуға немесе 1-2 айдан соң қайталауға болады.
Емдеуді бастаған соң 3-4 апта ішінде жағдайдың тұрақты жақсаруы болмаса, дәрігерге хабарласу керек.
Транквилизаторлар
Транквилизаторлар –адамның эмоциялық жағдайына таңдамалы тыныштандырғыш әсер көрсететін заттар.
Олар адамды тыныштандырып, ішкі кернеулікті, үрейді және қорқыныш сезімін азайтады. Осыған байланысты бұл топтың препараттарын анксиолитиктер (үрейге қарсы) деп айтамыз.
әсер ету механизмі: олар ОНЖ-да ГАМҚ-рецепторларымен тығыз байланысқан бензодиазепинді рецепторлармен байланысады. ГАМҚ - гамма-аминомай қышқылы – ОНЖ-ның тежеуші медиаторы. Бензодиазепинді рецепторларды ширықтырғанда ГАМҚ-рецепторларының белсенуі байқалады, ал ол клиникада кейбір психикалық қызметтердің тежелуімен көрінеді.
