Халық ақыны Фариза Оңғарсынова Жүрегін әнмен тербеткен

Ән-саз пәні мұғалімі: Жетімекова С.І

Мақсаты:

Жыр дүлділі,ақын жазушы Фариза Оңғарсынованың өлеңдерінің мазмұнын терең ұғындыруға ,ақын шығармалары арқылы елін, жерін, Отанын сүйе білуге,сөз өнерін қадірлеп қастерлей білуге, ақынжандылыққа тәрбиелеу.

Жоспар

Қайырлы күн Құрметті Ұстаздар мен оқушылар!Армысыздар ардақты көрермендер мен кеш қонақтары!

Республикалық «Бір ел –бір кітап» акциясы ел арасында аса танымал жобалардың біріне айналды.Оқырман қауым жалпыға бірдей оқуға ұсынылған туындыларды өте қызығушылықпен оқи отырып,автордың өмірбаянымен және шығармашылық жолымен терең танысуға мүмкіндік алды.2013 жылдың халық жаппай оқитын кітабы ретінде халық ақыны Фариза Оңғарсынованың «Дауа» атты лирикалық жыр кітабы ие болды.

Өлең оқылады:

Фариза Оңғарсынова

ТУҒАН ЕЛ

Аймалайды өпкен желі,

Нұрға оранып көк пен жері.

Бала сағым бұлдырайды,

гүлмен ойнап бөктердегі.

Қаз-үйректің таныс әні

ерке өзенмен табысады.

Бір-бірінен күле қашып,

ақ толқындар алысады.

Терек, қайың жымыңдасып,

самал желмен тұр ымдасып.

Жапырақтар тербеледі,

бір-бірімен сыбырласып.

Гүл жамылған өлкедегі

бұталар да ән төгеді.

Күн шуағы аймалаған,

елім неткен көркем еді!

Пауза:

2.Негізгі бөлім:

Жүргізуші: Жыр дүлділі, қазақ ақыны,халық жазушысы Фариза Оңғарсыноваға арналған «Жүрегін әнмен тербеткен» атты әдеби-сазды кешімізді бастаймыз.

Орындайтын: 8-сынып оқушысы Тулеев Досбол

Алғашқы өлеңдері баспасөз беттерінде 1958 жылдан бастап шыққан. Әр жылдары 20-дан астам өлеңдер жинақтары, очерктері, таңдамалы шығармалары, "Біздің Камшат" повесі, аудармалары "Жазушы", "Жалын", "Молодая гвардия" баспаларынан жарық көрді.

 1979 жылы жарық көрген "Сенің махаббатың" жинағындағы "Сырласу немесе ақын әйелдің анасымен диалогы" атты поэмасы ақын творчествосының шындық шырқауы, негізгі қағидасы. Шындық, қайсарлық, адамгершілік, махаббат, сенім сияқты философиялық категориялар Ф. Оңғарсынованың поэзиясында нанымды, салмақты көрініс тапқан.

1984 жылы "Үйім — менің Отаным", "Маңғыстау монологтары", "Революция және мен" өлеңдері топтамалары үшін Қазақ КСР Мемлекеттік сыйлығының лауреаты атанды.

7-сынып оқушылары өлең оқиды.

Жүргізуші:

Жетпiсiншi жылдары қазақ руханиятына Фариза Оңғарсынова келгенде қараша үйде еңсес түсiп, қалғып-мүлгiп отырған бiз­дiң үстiмiзге көне түркi дүниесiнен үстi-басы алтынмен апталып, күмiспен күптелген Томирис ханша кiрiп келгендей болып едi. Қазақ жырының өңiне қан жүгiрiп, орта ғасырдағы жыраулық дәстүр, жауын­герлiк-рыцарлық поэзия төркiн жұртына қайтып келдi. Бұл – “адасқан ұлдың ата-жұртына қайтып ора­луы­на” пара-пар құбылыс болды! Қазақтың баяғыда көзден бұлбұл ұшқан көне ұлттық мақамы еуропалық-классикалық өлең мәде­ниетiмен жасанып, жаңғырып, арада бес ғасыр өткенде өзiнiң қаһарына қайта мiндi. Ежелгi қазақ поэзиясының күллi әлем жырында мүлдем кездеспейтiн ыршыған ырғақтарымен қауыша табысқан тұста арқамызға аруақ қонғандай болғаны әлi есiмде. Ұлы Мұқағалидың: “Фариза, Фаризажан, Фариза қыз,Өмiрде ақындардың бәрi жалғыз” дейтiнi осы кез.

Иә, ол рас... Өмірде ақындар ғана емес, дәл осындай жан тебірентер әсем ән де жалғыз. Бұл өлеңге композитор Әбиірбек Тінәлив ән жазған. Ән болып шырқалмағанда Мұқағали Мақатевтыңкөп өлеңдерінің бірі болып қана қалар ма еді

Фариза Оңғарсынова

ҰСТАЗ

Заводта болсаң, күнбе-күн

Дәрігер болсаң, түрлі емің –

сырқаулы жанның бағы шын.

Ал сенің еңбек жемісің

өзгеше тіпті басқадан:

ол - өзін арнап ел үшін

осынау жүрген жақсы адам.

Жақсы адам – елдің тірегі,

байлығы туған халықтың,

шапағын шашар үнемі

көгінде тұрған жарық күн.

Сан жастың қамын шертесің,

тағдырын ойлап толғанып.

Әр үйдің бір-бір еркесін

үйреттің өзің қолға алып.

ұстазсыз жанда сөнбек күн,

шәкіртсіз өмір – сусыз жер.

Көрінбес ғажап еңбектің

бейнетін кешіп жүрсіздер.

Жүректе тұрар жалқы үнің,

жанымнан жалын жігер күт.

Ұстазым, сенің әр күнің,

әр сәтің тұрған бір ерлік!
Қорытынды бөлім:

Кеш қонақтарына сөз:

Аудандық «Кең Жылыой» газетінің тілшісі Қайрат Нұртайұлы Дүйсенбетовке

Мектептің оқу-ісінің меңгерушісі:Жолдыбике Назарқызы

Қазақ тілі және әдебиеті пәні мұғалімі Меңтай Ідірісқызы

Хор: ән : «Ертеңі – ертегі Құлсары»

Сөзі : Бүркіт Базарбаев

Әні: Қосан Үбіғалиев