Кодексінің 9 бабына, «Қазақстан Республикасындағы жергілікті мемлекеттік басқару және өзін-өзі басқару туралы»

Қазақстан Республикасының 2008 жылғы 4 желтоқсандағы Бюджет кодексінің 9 бабына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының  2001 жылғы 23 қаңтардағы Заңының 6 бабы 1 тармағы 1) тармақшасына сәйкес және аудан әкімдігі ұсынған 2016–2018 жылдарға арналған аудандық бюджет жобасын қарап, аудандық мәслихат ШЕШІМ ҚАБЫЛДАДЫ:

1. 2016-2018 жылдарға арналған аудандық бюджет тиісінше 1, 2 және 3-қосымшаларға сәйкес, оның ішінде 2016 жылға мынадай көлемде бекітілсін:

1) кірістер – 17 423 576 мың теңге, оның ішінде:

салықтық түсімдер – 17 326 638 мың теңге;

салықтық емес түсімдер – 25 693 мың теңге;

негізгі капиталды сатудан түсетін түсімдер – 71 245 мың теңге;

2) шығындар – 17 423 576 мың теңге;

3) таза бюджеттік несиелендіру – 0 мың теңге, оның ішінде:

бюджеттік несиелер – 0 мың теңге;

бюджеттік несиелерді өтеу - 0 мың теңге;

4) қаржы активтерімен жасалатын операциялар бойынша сальдо - 0  мың теңге, оның ішінде:

қаржы активтерін сатып алу – 0 мың теңге;

мемлекеттік қаржы активтерін сатудан түсетін түсімдер– 0 мың теңге;

5) бюджет тапшылығы (профициті) – - 0 мың теңге;

6) бюджет тапшылығын қаржыландыру (профицитін пайдалану) – 0 мың теңге; оның ішінде:

қарыздар түсімі – 0 мың теңге;

қарыздарды өтеу – 0 мың теңге;

бюджет қаражатының пайдаланылатын қалдықтары - 0 мың теңге.

2. Жалпы мемлекеттік салықтар түсімінің жалпы сома нормативі 2016 жылға келесідей көлемде ескерілсін:

- төлем көзінен салық салынатын табыстардан ұсталатын жеке табыс салығы – 100%;

- төлем көзінен салық салынбайтын табыстардан ұсталатын жеке табыс салығы – 100%;

- әлеуметтік салық – 50%.

3. Аудан бюджетінен облыстық бюджетке бюджеттік алымдардың 2016 жылға арналған көлемі 12 189 005 мың теңге сомасында белгіленсін.

4. 2016 жылға жергілікті атқарушы органдарының резерві 314 000 мың теңге сомасында бекітілсін.

5. Азаматтық қызметші болып табылатын және ауылдық жерде жұмыс істейтін әлеуметтік қамсыздандыру, білім беру және мәдениет саласындағы мамандарға қызметтің осы түрлерімен қалалық жағдайда айналысатын қызметшілердің айлықақыларымен және ставкаларымен салыстырғанда жиырма бес пайызға жоғарылатылған лауазымдық айлықақылар мен тарифтік ставкалар бюджет қаражаты есебінен белгіленсін.

6. 2016 жылға қаладағы аудан, аудандық маңызы бар қала, кент, ауыл, ауылдық округ әкімінің аппаратын қаржыландыру мөлшері 4 қосымшаға сәйкес бекітілсін.

7. 2016 жылға арналған аудандық бюджетті орындалу процесінде қысқартуға жатпайтын аудандық бюджеттің бағдарлама тізбесі 5 қосымшаға сәйкес бекітілсін.

8. Осы шешімнің орындалуын бақылау аудандық мәслихаттың бюджет, қаржы, экономика және кәсіпкерлікті дамыту мәселелері жөніндегі тұрақты комиссиясына (Б.Сұлтанов) жүктелсін.

9. Осы шешім 2016 жылдың 1 қаңтарынан бастап қолданысқа енгiзiледi.

«2016-2018 жылдарға арналған аудандық бюджет туралы» аудандық мәслихаттың 2015 жылғы 23 желтоқсандағы XXXV сессиясының № шешіміне 1 қосымша