Логикалық есептер

«Білім туралы» Заңның 8-бабында білім беру жүйесінің басым міндеті ретінде оқытудың жаңа технологияларын енгізу, білім беруді ақпараттандыру, халықаралық, ғаламдық, коммуникациялық желілеріне шығу деп аталып отыр.

Әлемдік білім беру кеңістігіне ену педагогика теориясы мен оқу-тәрбие үрдісіндегі елеулі өзгерістерге байланысты: білім беру парадиагмасы өзгерді, білім берудің мазмұны жаңарып, жаңа көзқарас, басқаша қарым-қатынас пайда болуда.

Президенттіміз Н.Ә.Назарбаевтың жолдауында: «Ұлттың бәсекеге қабілеттілігі бірінші кезекте білім деңгейімен айқындалады» - деген байламы жеке адамның құндылығын арттыру, оны дайындайтын ұстаз жауапкершілігінің өсуі, тынымсыз еңбек, сапалы нәтиже деген ұғыммен егіз.

Тәуелсіз ел тірегі-білімді ұрпақ.

Қазіргі мектеп жағдайындағы білім берудің ұлттық моделіне өту оқыту мен тәрбиелеудің соңғы әдіс-тәсілдерін, жаңа инновациялық педагогикалық технологияны игерген, психологиялық-педагогикалық диагностиканы қабылдай алатын, педагогикалық жұмыста қалыптасқан бұрынғы ескі сүрлеуден тез арада арылуға қабілетті және нақты тәжірибелік іс-әрекетті талап етілуде.

Тұлғаны шапшаң ойлай білуге, айнала қоршаған дүниені танып білуге, зерделей білуге дағдыландыру үшін ұсынылып отырған математика пәнінен «Логикалық тапсырмалар» жинағының бір ерекшелігі тұлғаның танымдық қабілетін арттырады. Жадының алуан түрін, логикалық,құзіреттілік (есту, ойлау, ойлану, есте сақтау, көру т/б) дамытады.

Жеке тұлғаның дамуы мен қалыптасуына көмек ретінде ұсынылып отырған бұл жинақ үлгісі тұлғаны әлеуметтендіреді Әр сыныпқа берілген тұлғаны дамытуға арналған тапсырмалар 1- 4 сынып оқушыларына септігін тигізеді. Бұл жинақ үлгісі математика оқулығымен тығыз байланыстыра отырып, терең білім беруге бағытталған.