Маңғыстау облысы Түпқараған ауданы Баутин ауылы



Дата11.01.2017
өлшемі132,29 Kb.
Маңғыстау облысы

Түпқараған ауданы

Баутин ауылы

«Ақбота» балабақшасының тәрбиешісі

Байсеитова Гулзи Байсеитқызы


Тақырыбы: «Менің тәуелсіз – Қазақстаным.»

Мақсаты: ҚР рәміздері туралы түсініктерін кеңейту. Сөздік қорларын

дамыту. Тәуелсіздік жайлы балалардың ойларын дамыту арқылы

Отанымызды қорғайтын азаматтар тәрбиелеу.

Көрнекілік: ҚР рәміздері, Астана суреті, слайд.

Әдіс-тәсілдер: ҚР туралы әңгімелеу, сұрақ-жауап, мақал-мәтел, тақпақтар

айту.


Тәрбиеші: Балалар біздерге қонақтар келіпті, алдымен амандасып алайық!

Балалар: Сәлеметсіздер ме?

Тәрбиеші: Амансызба достарым,

Сендерді көрсем қуанам,

Қуан, шаттан алақай!

Қуанатын кез келді.

Күліп шықты күн бүгін,

Қайырлы таң, балалар!



Тәрбиеші: Ал, қанеки, балалар! Біз бүгін достық шеңберінде бір-бірімізге

жылы лебімізді, достық сенімдерімізді білдірейікші. (Тәрбиеші

балаларларға гүл шоғын ұсынады.)

Балалар: Аспанымыз ашық болсын,

Деніміз сау болсын

Еліміз тыныш болсын,

Туымыз көк аспанда желбіресін

Береке-бірлік болсын,

Нанымыз көп болсын,

Елімізде тыныштық болсын.

Еліміз бай болсын,

Әрқашан күн сөнбесін,

Әке-шешеміз аман болсын,

Бәріміз дос болайық.

Тәрбиеші: Балалар сендер тілектерің мен достық сенімдеріңді тамаша жет-

кіздіңдер. Ендеше мен де жақсы тілегімді айтқым келеді.

Күніміз ашық болсын

Түніміз тыныш болсын,

Ауамыз таза болсын

Суымыз мөлдір болсын.

Бәріненде денсаулығымыз мықты болсын! – деп осы гүл шоғын

ортаға қойғым келеді.



Тәрбиеші: Жақсы балалар, өз орындарыңа бара қойыңдар!

(Әнұран орындалады.)



Тәрбиеші: Қазір қай мезгіл?

Балалар: Қыс мезгілі.

Тәрбиеші: Қыс мезгілінде неше ай бар?

Балалар: Үш ай бар.

Тәрбиеші: Аттарын айтайықшы?

Балалар: Желтоқсан, қаңтар, ақпан.

Тәрбиеші: Қыс мезгіліндегі ауа-райының ерекшелігі?

Балалар: Қар жауады, боран болады, аяз болады. Су бетіне мұз қатады.

Адамдар қалың киінеді.



Білім беру саласы: Қатынас.

Оқу іс-әрекетім: Тіл дамыту.

Тақырыбы: Менің тәуелсіз – Қазақстаным.

Тәрбиеші: Бүгінгі біздің сабағымыз ерекше. Өйткені біз бүгін тәуелсіздік

мерекесіне арнап, келген қонақтарға өз отанымыз жайлы айтып

береміз.

Тәрбиеші: Біз қай мемлекетте тұрамыз?

Балалар: Қазақстан.

Тәрбиеші: Біз қандай мемлекетпіз?

Балалар: Тәуелсіз.

Тәрбиеші: Біздің ұлтымыз кім?

Балалар: Қазақпыз.

Тәрбиеші: Біз қай тілде сөйлейміз?

Балалар: Қазақ тілінде.

Тәрбиеші: Біздің мемлекетіміздің астанасы қай қала?

Балалар: Астана қаласы.

Тәрбиеші: ҚР елбасы кім?

Балалар: Нұрсұлтан Әбішұлы Назарбаев.

Тәрбиеші: (Осы жерде слайд көрсетіледі. Астана қаласына қысқаша шолу.)

Балалар кім Отан жайлы тақпақтар біледі?



Мадина: Отанды біз Атамекен

Деп аялап атаймыз

Өйткені оны мекен еткен,

Бабамыз бен Атамыз.



Ақдидар: Отанды жас – кәрімізде.

Туған жер деп сүйеміз,

Өйткені онда бәрімізде

Туып өмір сүреміз.



Амина: Отан деген – Атамекен,

Отан деген – Туған жер,

Отан – Ана

Отан – үлкен

Қазақстан – туған ел.

Айзере: Отан менің ата-анам

Отан – досым, бауырым,

Отан – өлкем, астанам,

Отан – аудан, ауылым.



Тәрбиеші: Ал, енді кім Отан туралы мақал-мәтел айтады?

Ислам: Отан оттан да ыстық.

Асел: Отансыз адам – Ормансыз бұлбұл.

Айзада: Отан елдің анасы.

Әлкерім: Туған елдей – ел болмас.

Туған жердей – жер болмас.



Тәрбиеші: Сергіту сәті: Көтеріліп шаңырақ.

Керегелер керіліп,

Өрімдей боп өріліп,

Бәріміз жүрсек айналып,

Киіз үй боп көрініп.

Тәрбиеші: Балалар, әр мемлекеттің өз рәміздері болады. Біздің еліміздің ҚР

рәміздерін білесіздер ма?



Балалар: Ту, Елтаңба, Әнұран.

Тәрбиеші: Дұрыс айтасыңдар. ( Слайд көрсетеді. Рәміздерді балалардан сұ-

рау. Пішіні, түсі, авторлары жайында толықтай түсінік беріледі.)



Тәрбиеші: Ал, енді қысқаша ғана көрінісімізді тамашалайық.

Бөлме іші кілем, төсек, стол, домбыра, тері, шашбаулар макетімен безендірілген күй әуенімен қолында ұршығы бар әже келіп отырады. (Аққу күйі.)



Даулет: Қолында қамшысы бар бала атқа мініп, ойнап жүреді.

Ол әжесіне жүгіріп келіп мойнына асылып еркелейді.



Даулет: Әже, не істеп отырсыз?

Әже: Ой, құлыным мен ұршық иіріп отырмын. Кел, отыр ойыннан шаршаған

боларсың.



Даулет: Әже, біз балабақшада Тәуелсіздік мерекесіне дайындалып

жатырмыз. Әнұранды орындадық.

Әже, Тәуелсіздік деген не?

Әже: Е, құлыным-ау! Тәуелсіздік деген бұл үлкен әңгіме. Осы күнге жету

үшін, қазақ халқы талай қиыншылықты бастан кешірді. Қайсар батыр

аға-апаларымыздың арқасында егеменді ел болдық. Тәуелсіздік алғаны-

мызға 23 жыл болды. Өзіміздің туымыз, елтаңбамыз, әнұранымыз бар.

Аллаға шүкір!

Даулет: Әже мен сізге тақпақ айтып берейін бе?

Әже: Айта ғой, құлыным!

Даулет: Күміс күй мен әнге толып тұла бой,

Қуанышқа кенелтеді асыл ой.

Шаттандырған баласы мен бабасын,

Тәуелсіздік күні бүгін – ұлы той!



Әже: Ой, ақылдым, өркенің өссін!

Даулет: Әже, мен ұйықтап алайыншы, шаршадым!

Әже: Ұйықтай ғой, құлыным! (Орнынан тұрып кетеді.)

Алтын адам: (Алтын адам кіреді, баламен амандасады.)

Даулет: Ассалаумуағалейкум, ата! Сіз кім боласыз?

Алтын адам: Мен сіздердің бабаларың болам,

Аман қалған шабуылдан жүздеген,

Батыр халық екенбіз ғой біз деген

Аямаған жұрттан нанын, тұзбенен,

Жомарт халық екенбіз ғой біз деген.

Өзіңдікі – елің де,

Өзіңдікі – жерің де.

Өзіңдікі – өзің еткен бақ.

Тәуелсіздік төрінде.

Ей, балақай қазақ халқының болашағы сендерсіңдер, «Қазақ» деп соққан жүректерің осы алаудай мәңгі өшпесін! (Қолындағы шырақты береді.)



Даулет: (Ұйқысынан оянады.) Әже, әже қайдасың?

Әже: Оу, құлыным, не болып қалды?

Даулет: Мен түс көрдім!

Әже: Айналайын, қандай түс көрдің?

Даулет: Мен түсімде Алтын адамды көрдім. Ол маған жанып тұрған

«шырақ» берді.



Әже: Оу, құлыным, жақсы түс көрген екенсің. «Шырақ» деген бұл біздің

еліміздің биіктен көрінуі. Әне, әне, жарқырап күн де шықты. Тәуелсіз-

діктің таңы атып келеді. Туымыз да биікте желбіреп тұр. (Әже баланы

ертіп кетіп қалады.)



Тәрбиеші: Балалар, рәміздер туралы тақпақтар білеміз бе?

Қожа: Мен бақытты баламын

Қазақстан елінде,

Қазақстан жалауын.

Көтеремін жоғары.


Дидар: Көк аспандай көкпеңбек.

Қазақстан жалауы.

Көк емес ол тектен-тек,

Елдің ашық қабағы.



Ақерке: Бұлт баспасын күнімді.

Тарылмасын өрісім,

Биік ұстау туымды,

Қасиетті борышым.



Шаhризада: Елтаңбасы елімнің,

Неткен айбат, әдемі

Тұнығындай көңілдің,

Ортада аспан әлемі.



Естай: Ата, айтшы ал енді!

Тәуелсіздік деген не?

Тамсандырар әлемді,

Ән бе, әлде өлең бе?



Ханшайым: Құт, береке шаңырақ

Орын алған ол төрден.

Қанатты құс арғымақ

Екі жақтан көмкерген.



Рауан: Тәуелсіздік жолында.

Талай-талай тер төккен,

Билігім өз қолымда.

Еркіндігім елтаңбам.

Слайд көрсету: (Желтоқсан оқиғасына қатысқан боздақтар.)

Тәрбиеші: Балалар, бізге тәуелсіздік оңай келген жоқ, осы жолда

ата-аналарымыз, аға-апаларымыз көп күресті. Олар: Қайрат Рыс-

құлбеков, Ләззат Асанова, Ербол Сыпатаев, Сәбира Мұхамед-

жанова апаларымыз бен ағаларымыз. Олар тәуелсіздік жолында

жандарын қиды. Міне, осы аға-апаларымыздың арқасында

Тәуелсіз мемлекетке қол жеткіздік. Біздің жақсы өмір сүріп, білім

алып отырғанымыз осы аға-апаларымыздың арқасы. 1991 жылы

16 желтоқсанда Тәуелсіздікке қол жеткіздік.



Қорытынды: Балалар, бізде қандай мереке?

Балалар: Тәуелсіздік мерекесі.

Тәрбиеші: Балалар, желтоқсан оқиғасы қай уақытта болды?

Балалар: 1991 жылы 16 желтоқсан.

Тәрбиеші: Осымен сабағымыз аяқталды, қош, сау болыңыздар!

(Балалар хор Атамекен)
Каталог: files
files -> Бастауыш білім беру деңгейінің ОҚу пәндері бойынша үлгілік тақырыптық жоспарлары
files -> Астрономия Мазмұны
files -> Қазақстан тарихы 5 сынып. 2013-2014 оқу жылы
files -> Расул гамзатов
files -> Жамбыл атындағы республикалық жасөспірімдер кітапханасы Қазақстан ақын – жазушылары ХХ ғасырда
files -> «№ мектеп-лицей» мемлекеттік мекемесі Күнтізбелік- тақырыптық жоспар
files -> Ермұхан Бекмахановқа Сыздайды жаным, мұздайды қаным, жан аға!
files -> Жамбыл атындағы республикалық жасөспірімдер кітапханасы Қазақстан ақын – жазушылары ХХ ғасырда
files -> Қазақстан Республикасы Білім және ғылым министрлігі, жергілікті атқарушы органдар көрсететін білім және ғылым саласындағы мемлекеттік қызмет стандарттарын бекіту туралы


Достарыңызбен бөлісу:


©www.engime.org 2017
әкімшілігінің қараңыз

    Басты бет