«мектепке дейінгі мекеменің Әдістемелік жұмысын ұйымдастыруда инновациялық технологияларды пайдалану» атырау облысы индер ауданы «райхан» балабақшасының Әдіскері

Қазіргі кезде егемен елімізде білім берудің жаңа жүйесі жасалып, әлемдік білім беру кеңістігіне енуге бағыт алуда. Бұл оқу-тәрбие үрдісіндегі елеулі өзгерістерге байланысты болып отыр. Себебі, білім  беру парадигмасы өзгерді, білім берудің мазмұны жаңарып, жаңа көзқарас, жаңаша қарым-қатынас пайда болуда. Келер ұрпаққа қоғам талабына сай тәрбие мен білім беруде мектепке дейінгі тәрбие педагогтарының инновациялық іс-әрекетінің ғылыми-педагогикалық негіздерін меңгеруі маңызды мәселелердің бірі. Ғылым мен техниканың жедел дамыған, ақпараттық мәліметтер ағыны күшейген заманда ақыл-ой мүмкіндігін қалыптастырып, адамның қабілетін, талантын дамыту білім беру мекемелерінің басты міндеті болып отыр. Ол бүгінгі білім беру кеңістігіндегі ауадай қажет жаңару тәрбиешінің қажымас ізденімпаздығы мен шығармашылық жемісімен келмек. Сондықтан да әрбір баланың қабілетіне қарай білім беруді, оны дербестікке, ізденімпаздыққа, шығармашылыққа тәрбиелеуді жүзеге асыратын жаңартылған педагогикалық технологияны меңгеруге үлкен бетбұрыс жасалуы қажет. Өйткені «Мектепке дейінгі тәрбие мен оқыту» стандарты деңгейінде оқу үрдісін ұйымдастыру жаңа педагогикалық технологияны ендіруді  міндеттейді.

Білім беру саласының өзі мектепке дейінгі тәрбиеден бастау алатынын ескерсек, балабақша қызметкерлерінің алдына қойылып отырған міндеттердің бірі – оқыту мен тәрбиелеудің әдіс тәсілдерін үнемі жетілдіріп отыру және қазіргі заманғы педагогикалық технологияларды меңгеру. Қазіргі таңда тәрбиешілер инновациялық және интерактивтік әдістемелерін ұйымдастырылған оқу іс-әрекеті барысында пайдалана отырып, оның сапалы әрі қызықты өтуіне ықпалын тигізуде.

Елбасы Н.Ә.Назарбаев “Қазақстан 2050: стратегиясы қалыптасқан мемлекеттің жаңа саяси бағыты” атты Жолдауында мектепке дейінгі білім беру жүйесіне 3 нақты тапсырма берген болатын, олар:

1. 
   Мектеп жасына дейінгі тәрбие мен білім беруге оқытудың қазіргі заманғы әдістемелерін енгізу;
   
2. 
   Балаларды мектепке дейінгі білім беру мен қамту мәселелеріне қатысты жүйелі ұсыныстарды егжей-тегжейлі әзірлеу;
   
3. 
   Мектеп жасына дейінгі білім беру деңгейінде үш тілді оқытуды жаппай енгізуді қамтамасыз ету.
   

“Инновация” ұғымын қарастырсақ, ғалымдардың көбі оған әртүрлі анықтамалар берген. Мысалы, Э.Раджерс инновацияны былайша түсіндіреді: “Инновация- нақтылы бір адамға жаңа болып табылатын идея”. Майлс “Инновация – арнайы жаңа өзгеріс. Біз одан жүйелі міндеттеріміздің жүзеге асуын, шешімдерін күтеміз»,– дейді. Оқу-тәрбие үрдісінде қолданып, айтарлықтай нәтиже беріп жүрген инновациялық педагогикалық технологиялар :

• 
  дамыта отырып оқыту әдістемесі
  
• 
  «тәй-тәй» технологиясы
  
• 
  ақпараттық технология
  
• 
  ойын технологиялары
  
• 
  топпен жұмыс
  
• 
  жобалау
  
• 
  рольдік ойындар
  
• 
  сыни тұрғыдан ойлау
  
• 
  проблемалық оқыту әдісі
  
• 
  «Миға шабуыл» әдісі
  
• 
  Эвристикалық әңгіме әдісі
  
• 
  Арт-кластер әдісі
  

• 
  Экскурсия сабағы
  

• 
  Жеке адамға бағдарлы технология
  
• 
  Коучинг технологиясы
  

• 
  Ұжымды ынталандыру
  
• 
  бағалау мен аттестация
  
• 
  тапсырма беру барысында
  
• 
  тапсырманы орындау барысында
  
• 
  мәселелерді шешу
  
• 
  жоспарлау мен қадағалау
  
• 
  қарым-қатынас мәселелері
  
• 
  ұжымды дамыту
  
• 
  команданы құру
  
• 
  топтық жұмыс
  

Педагогтардың, балалардың зерттеушілік мәдениетін қалыптастыру мақсатында аталған әдістермен қатар балабақшада жобалау жұмысы жақсы жолға қойылған. Осы орайда балабақша бойынша «Жобалау әдісі- инновациялық технология ретінде», «Шебер-классты өткізу әдістемесі» тақырыбында бірнеше семинар, «Үздік жоба», «Үздік шебер-класс» конкурстарымен қатар, «Интернет-фестиваль» заманауи сабақ конкурсы мен «Ашық сабақ-педагогикалық идеялар фестивалі» конкурстарын өткізу дәстүрге айналып отыр. Балабақша бойынша ұзақ және қысқа мерзімді жобалар жүзеге асырылуда. Балабақшадағы жобалау жұмысын жүзеге асыру кезінде ең алдымен балалардың жас ерекшелігіне назар аударамыз. Ұзақ мерзімді жобалар көбінесе жыл мезгілдеріне орай, ұзақ мерзімде бақылау жұмысын қажет ететін кезде, ал қысқа мерзімді жобалар ұйымдастырылған оқу әрекеті кезінде, ертеңгіліктер барысында жұзеге асырылады.

2014 жылдың маусым айында Астана қаласында «Мектепке дейінгі жастағы балаларды ерте жастан дамыту: жай-күйі, бағыт-бағдары және перспективалары» тақырыбында Халықаралық ғылыми-практикалық конференция өтті. Осы конференцияның секциялық отырысында мен «Жобалау технологиясы- балаларды ерте жастан дамытудың құралы» тақырыбында баяндама жасап, өз іс-тәжірибеммен бөлістім. Шетелдік және отандық ғалымдар бас қосқан бұл конференциядан алған әсерім шексіз.

Мектеп жасына дейінгі балаларды заман талабына сай ерте жастан дамыту үнемі жаңашылдықпен ізденісті талап етеді. Коучинг технологиясы, Lesson Stady әдістемесі сияқты жаңа технологиялар мен әдістемелерді енгізу мен басшылыққа алып жұмыс жасау- педагогтардың кәсіби құзіреттілігін қалыптастыру, шығармашылық белсенділігін арттыру, яғни жаңа формация педагогын қалыптастыру қажеттілігінен туындап отыр.

Берілген топтамада «Райхан» балабақшасы педагогтарының 2014 жылы облыстық инновациялық педагогикалық идеялар фестиваліне дайындаған материалдары ұсынылып отыр.

_____________________________________________________________________

тіс тазалағыш - зубная щетка.