Облыстық сәулет және қала құрылысы басқармасымен келісілген 2010 жыл
жүктеу/скачать 245,5 Kb.
|
«Сырдария аудандық қала құрылысы және сәулет бөлімі» мемлекеттік мекемесінің 2011-2015 жылдарға арналған СТРАТЕГИЯЛЫҚ ЖОСПАРЫ Тереңөзек, 2010 жыл Мазмұны
1. Миссия және көрінісі Миссия: Сырдария ауданында халық мекендейтiн және тiршiлiк ететiн қолайлы ортаны қамтамасыз ету мақсатында сәулет және қала құрылысын дамыту. Көрінісі: Аудандағы елді мекендердің аумағын тұрақты түрде дамыту және құрылыстар салу, құрылыс салу сапасының жоғары деңгейін қалыптастыру. 2. Қазіргі жай–күйді талдау Бүгінгі таңда, аудан көлемінде 1 кент және 14 ауылдық округтер бар. Аудандағы халықтың саны 39,697 мың адам. Аудан аумағын игеру барысында кешенді жоспарлауды анықтайтын тиісті қала құрылысы құжаттары – елді мекендердің бас жоспарлары мен даму сызбалары өткен ғасырдың 1972-92 жылдары әзірленген. Елдi мекендердiң бас жоспарлары қаланы, кенттi, ауылды не басқа да қонысты дамытуды кешендi жоспарлауды айқындайтын және аумақты ұйымдастырудың бекiтiлген бас сызбасы мен аймақтардың қала құрылысын жоспарлаудың кешендi сызбасына сәйкес әзiрленетiн негiзгi қала құрылысы құжаты болып табылады. Жоғарыда аталған қала құрылысы құжаттарының ескіруі және кейбір елді мекендерде олардың болмауына байланысты 2007 жылға дейін құрылысқа жер телімдерін бөлу уақытша даму сызбалары арқылы жүзеге асырылып келді. Осыған орай, қала құрылысы саласында қордаланып қалған мәселелерді шешу мақсатында облыста «Қызылорда облысында қала құрылысын дамытудың 2008-2010 жылдарға арналған» өңірлік бағдарламасы қабылданып, жүзеге асырылуда. Аталған бағдарламаның аясында кенттің бас жоспары мен елді мекендердің даму сызбалары әзірленуде. 2008 жылы Тереңөзек кентінің бас жоспарларын әзірлеуге 10,658 млн. теңге және халық саны 5000-ға дейінгі 5 ауылдық елді мекендердің даму сызбаларын әзірлеуге 7,200 млн. теңге бөлінді. Жоғарыда көрсетілген барлық қала құрылыстық құжаттар толығымен әзірленді және қолданыстағы заңнама талаптарына сәйкес жергілікті мәслихаттардың шешімдерімен бекітіліп, 2009 жылдың қаңтар айынан бастап қолданысқа енгізілді. Сонымен қатар, 2009 жылы 5 ауылдық елді мекендердің даму сызбаларын әзірлеуге 6,904 млн. теңге, 2010 жылы 4 ауылдық елді мекендердің даму сызбаларын әзірлеуге 7,021 млн. теңге бөлінді. Сондай–ақ аудан аумағын кешенді және тиімді дамыту үшін қажетті облыс аумағын қала құрылыстық жоспарлаудың кешенді сызбасы әзірленбеген. Бүгінгі жаңа экономикалық даму кезеңінде аумақтардың жағдайы мен шаруашылық-экономикалық кешенді дамуы туралы ақпараттардың өте көп көлемде жинақталуы аумақтардың даму проблемаларын жүйелі түрде шешудің қажеттілігін тудырып отыр. Бұл проблемаларды шешу аумақтағы барлық салынған және салынатын объектілердің экономикалық, шаруашылық, табиғи және құқықтық жағдайлары туралы мәліметтерді жинау, жүйелеу, сақтау және жаңартып отыру жөнінде біртұтас басқару жүйесін жасау жолымен ғана жүзеге асырылады. Осыған орай, Базалық деңгейдегі мемлекеттік қала құрылысы кадастрын құру және жүргізу жөніндегі іс-шаралар енгізілді. Бұл мақсаттарға 2013 жылы – 42,983 млн. теңге қарастырылып отыр. Мемлекеттік қала құрылысы кадастры - қала құрылысын ретке келтіру аумағын, оны пайдаланудың әлеуметтік-құқықтық режимінің белгілері, инженерлік-техникалық жарақтану деңгейі, ресурстық жағынан қамтамасыз етілуі және айналадағы ортаның жағдайы бойынша сипаттайтын сандық және сапалық көрсеткіштердің бірыңғай жүйесі. Ауданның барлық елді мекендерінде жаңа қоныстану аумақтарының түбегейлі жоспарлау жобаларын әзірлеу (ТЖЖ ) жұмыстарын жүргізуді қажет етеді. Бірінші кезекте Тереңөзек кентінен 484 га елді мекендерден 100 га жерге түбегейлі жоспарлау жобаларын әзірлеу жұмыстары тұр. Бұл жұмыстарға 49869,0 теңге қаржы керек, шешілген жағдайда 2200 тұрғын үйге жер беріледі. 2011 жылға Тереңөзек кенті, Айтек каналының оңтүстік бетінен жаңа қоныстану аумақтарының түбегейлі жоспарлау жобаларын әзірлеу (ТЖЖ ) үшін жергілікті бюджеттен 8000,0 мың теңге қаржы қажет етіледі. Айта кету керек, жұмыс барысындағы оң нәтижелермен бірге өңірде сәулет және қала құрылысының үйлесімді дамуына кері әсерін тигізетін бірқатар проблемалар да бар. Бұл проблемалар мыналар: Бас жоспарлары әзірленіп, күшіне енген елді мекендердің түбегейлі жоспарлау жобаларының болмауы; Ауылдық елді мекендердің даму сызбаларының болмауы; Базалық деңгейдегі мемлекеттік қала құрылысы кадастрының автоматтандырылған ақпараттық–графикалық жүйесінің болмауы; қолданыстағы ғылыми-техникалық базаның халықаралық нормативтермен үйлеспеуі; сәулет, қала құрылысы және құрылыс саласында халықаралық стандарттарды енгізу деңгейінің төмендігі; экономика салалары бойынша типтік жобалардың болмауы. Аталған проблемаларды тиісті деңгейде шешкен кезде кенттің, ауылдардың не басқа да қоныстардың үйлесімді және тұрақты дамуы, сондай-ақ қоршаған ортаны қорғау және тарихи-мәдени мұра объектілерін сақтау, тіршілікті қамтамасыз ету жүйесінің, көлік және инженерлік коммуникациялардың, байланыс және энергетиканың жұмыс істеуі қамтамасыз етіледі. 3. Бөлім қызметінің стратегиялық бағыты және негізгі индикаторлары мен даму мақсаттары Аудандық қала құрылысы және сәулет бөлімінің негізгі стратегиялық бағыты Сырдария ауданында халық мекендейтiн және тiршiлiк ететiн қолайлы ортаны қамтамасыз ету мақсатында өңірде сәулет және қала құрылысын дамыту болып табылады. Сырдария ауданының сәулет және қала құрылысының келешектегі қалыптастырылған жүйесін құру. Құрылысы жүріп жатқан және салынуы жоспарланған (қайта жаңғыртылатын, кеңейтілетін, жетілдірілетін, күрделі жөнделетін) объектілер мен нысандардың мониторингісін жүргізуге, сондай-ақ облыстың елді мекендерінде білім беру, денсаулық сақтау және мәдениет нысандарының, инженерлік инфрақұрылымдар құрылыстарының сапалы жүргізілуіне жүйелі түрде бақылау жасау. Аудан орталығы және ауылдық елді мекендердің сәулеттік келбетін жақсарту мақсатында ауданның ескі бөліктеріне қайта жаңғырту жұмыстарын жүргізу, қайта жоспарлау арқылы аудан аумағында қазіргі заманға сай ғимараттарды салу жұмыстарын елді мекендердің белгіленген тәртіп бойынша бекітілген бас жоспарларына сәйкес кезең-кезеңмен жүзеге асыру. Тарихи-мәдени, инженерлік-техникалық, өндірістік, қаржы, әлеуметтік, еңбек ресурстары, материалдық, энергетикалық, табиғи және жер әлуеттерін ұтымды пайдалануды дамыту арқылы қала құрылысы мен әлеуметтік-экономикалық және экологиялық міндеттерді мемлекеттік қала құрылысы кадастры арқылы шешу. Сонымен қатар, жаңа технологияларды пайдалану және жергілікті құрылыс индустриясын дамыту арқылы аудан аумағында құрылыс жұмыстарының сапасын арттыру жөніндегі жұмыстарды жүргізу. Бас жоспарларға сәйкес елді мекендерде ескі және авариялық үйлерді бұзу жөніндегі жұмыстарды жүргізу.
4. Сырдария ауданының қала құрылысы және сәулет бөлімінің функционалдық мүмкіндіктері Бөлімнің ұйымдық құрылымына келесі алғы шарттар қарастырылған: «Сырдария аудандық қала құрылысы және сәулет бөлімі» мемлекеттік мекемесі туралы Ереженің аясында стратегиялық, бақылау және іске асырушылық функциялары бөлек көрсетілген; Бөлім басшыларының жеке жауапкершілігін арттыру; бөлімде мамандар бөлу арқылы жұмыс көлемін оңтайландыру; мамандар арасында функционалдық міндеттердің қосарлануын болдырмау. Бөлім қызметін жақсарту мақсатында төмендегі іс-шаралар жүзеге асырылатын болады: сәулет, қала құрылысы және құрылыс қызметін басқаруға қатысты жергілікті мемлекеттік органдардың өзара іс қимылының тиімді сызбасы әзірленіп, қолданысқа енгізіледі; аудандық сәулет және қала құрылысы бөлімі қызметінің тиімділігі мен сапалылығын рейтингілік бағалау жөніндегі Ереже әзірленіп, қолданысқа енгізіледі. Бағалауды жүргізу қолда бар кемшіліктерді анықтауға және оларды жою жөнінде тиісті шараларды қабылдауға мүмкіндік береді; басқарудың тиімді шешімдерін және тұрғындарға мемлекеттік қызмет көрсетудің сапасын арттыру мақсатында сәулет және қала құрылысы саласында «электрондық әкімдік» жүйесімен біріктірілген біріңғай ақпараттық базаны құру жөніндегі жұмыстар жүргізіледі; кадрлық әлеуетті дамыту жөніндегі жұмыстар жалғасын табады. Мемлекеттік қызметкерлерді конкурс арқылы іріктеудің және олардың қызметтік мансабын ұйымдастырудың негізі тетігі болып кәсіптік деңгей қала береді; бөлімнің қаржылық қызметімен байланысты тәуекелдіктерді болдырмау мақсатында алдын ала бақылау, уақытылы анықтау, талдау және тәуекелдіктерді бағалау шаралары қолданылатын болады; бөлімнің қаржылары мен активтерін басқару мақсатында бухгалтерлік есептің халықаралық стандарттарын енгізу жоспарлануда. Аумақтың дамуын болжау және ретке келтіру мақсатында аумақтың қала құрылысын жоспарлаудың кешендi сызбасын әзірлеуге және Сырдария ауданының Мемлекеттік қала құрылысы кадастрының біріңғай автоматтандырылған ақпараттық-графикалық жүйесін құруға қажетті қаржы көлемін облыстық бюджеттен бөлуді қарастыру қажет. Бөлім өз қызмет үдерісінде бірқатар тәуекелдіктермен ұшырасуы мүмкін. Қауіптің көзі мен түріне орай оларды басқарудың стандарттық және арнай ситуативтік шаралары жүзеге асырылатын болады. Төменде негізгі қауіптердің тізбесі көрсетіліп отыр.
5. Бөлім аралық өзара іс-қимылдар Бөлімнің стратегиялық бағыттары бойынша таңдалған мақсаттарға табысты жетуі басқа да мүдделі тараптармен өзара іс-қимыл жасау мен қалыптасқан жұмыс деңгейіне байланысты:
ЭжБЖБ - Қызылорда облысының экономика және бюджеттік жоспарлау басқармасы; АЭжБЖБ – Аудандық экономика және бюджеттік жоспарлау бөлімі; ЭжКШБ - Қызылорда облысының энергетика және коммуналдық шаруашылық басқармасы; ТҮКШ ,ЖК және АЖ – тұрғын үй коммуналдық шаруашылығы,жолаушылар көлігі және автомобиль жолдары; ҚБ - құрылыс бөлімі; ЖҚБ - жер қатынастары бөлімі; МСҚББ - Қызылорда облысының мемлекеттік сәулет-құрылыс бақылауы басқармасы; ӘӨК - Әлеуметтік өндірістік корпорация. 6. Нормативтік құқықтық актілер 1. Қазақстан Республикасының Конституциясы. 2. Қазақстан Республикасының 2001 жылғы 16 шілдедегі «Қазақстан Республикасындағы сәулет, қала құрылысы және құрылыс қызметі туралы» № 242 Заңы. 3. Қазақстан Республикасының 1995 жылғы 18 желтоқсандағы «Қазақстан Республикасының Үкіметі туралы» №2688 Конституциялық Заңы, 4. 1999 жылғы 1 маусымдағы «Қазақстан Республикасының азаматтық Кодексі». 5. 2008 жылғы 4 желтоқсандағы «Қазақстан Республикасының бюджеттік Кодексі».
2007 жылғы 15 мамырдағы «Қазақстан Республикасының еңбек Кодексі». Қазақстан Республикасы Президентінің 2008 жылғы 2 шілдедегі «Қазақстан Республикасының 2003-2015 жылдарға арналған индустриялық-инновациялық дамудың стратегиясы туралы» № 627 Жарлығы. Қазақстан Республикасы Президентінің 2007 жылғы 20 тамыздағы «Қазақстан Республикасының 2008-2010 жылдарға арналған мемлекеттік тұрғын үй құрылысы бағдарламасы туралы» № 383 Жарлығы. Салық және бюджетке төленетін басқа да міндетті төлемдер туралы (Салық кодексі) Қазақстан Республикасының 2008 жылғы 10 желтоқсандағы № 99-IV Кодексі . Қазақстан Республикасының 2003 жылғы 8 қаңтардағы «Инвестициялар туралы» Заңы. Қазақстан Республикасының 2006 жылғы 31 қаңтардағы «Жеке кәсіпкерлік туралы» № 124 Заңы. Қазақстан Республикасының 2003 жылғы 19 желтоқсандағы «Жарнама туралы» Заңы. Қазақстан Республикасының 1998 жылғы 24 наурыздағы «Нормативтік құқықтық актілер туралы» Заңы. Қазақстан Республикасының 2000 жылғы 27 қарашадағы «Әкімшілік рәсімдер туралы» №107 Заңы. Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» № 148 Заңы. Қазақстан Республикасының 1995 жылғы 19 маусымдағы «Мемлекеттік кәсіпорын туралы» № 2335 Заңы. «Нәтижелерге бағдарланған мемлекеттік жоспарлау жүйесін енгізу жөніндегі тұжырымдама туралы» Қазақстан Республикасы Үкіметінің 2007 жылғы 26 желтоқсандағы № 1297 Қаулысы. «Қазақстан Республикасы экономикасының бәсекеге қабілеттілігі мен экспорттық мүмкіндіктерін сапалы жаңа деңгейге жеткізудің 2008-2015 жылдарға арналған тұжырымдамасы туралы» Қазақстан Республикасы Үкіметінің 2007 жылғы 28 желтоқсандағы № 1332 Қаулысы. 19. Қазақстан Республикасының Министрлер Кабинетінің 1995 жылғы 6 шілдедегі «Мемлекеттік қала құрылысы кадастры туралы» № 931 қаулысы. 20. Қазақстан Республикасы Үкіметінің 2008 жылғы 6 мамырдағы «Объектілерді салу үшін бастапқы материалдарды (деректерді) және рұқсат беретін құжаттарды рәсімдеу мен беру тәртібін оңайлату жөніндегі кейбір шаралар туралы» № 425 қаулысы. 21. Қазақстан Республикасы Үкіметінің 2007 жылғы 1 қарашадағы «Қазақстан Республикасының 2008-2010 жылдарға Мемлекеттік тұрғын үй құрылысы бағдарламасын жүзеге асыру жөніндегі іс-шаралар жоспарын бекіту туралы» № 867 қаулысы. 22. Қазақстанның 2030 жылдарға дейін даму стратегиясы. 23. Қазақстан Республикасы Үкіметінің 2008 жылғы 23 желтоқсандағы № 1217 қаулысымен бекітілген Қазақстан Республикасының Индустрия және сауда министрлігінің 2009-2011 жылдарға арналған Стратегиялық жоспары. 24. Қызылорда облыстық мәслихатының 2009 жылғы 12 желтоқсандағы №17 шешімімен бекітілген «Қызылорда облысында қала құрылысын дамытудың 2008-2010 жылдарға арналған бағдарламасы». 25. «Қызылорда облысының сәулет және қала құрылысы басқармасы» мемлекеттік мекемесінің 2010-2012 жылдарға арналған стратегиялық жоспары
Каталог: upload -> userfiles -> file upload -> Қазақ тілі мен латын тілі кафедрасы Қазақ Әдебиеті пәні бойынша әдістемелік өҢдеу мамандығы: Фельдшер Мейірбике ісі Стамотология Курс: І семестрі: ІІ upload -> Ф 7 –007-02 Қазақстан Республикасы Білім және ғылым министрлігі upload -> 2011 жылдың 14 мамырында «Жалпы гигиена және экология», «Эпидемиология» кафедрасының ұйымдастыруымен және «Студенттік басқару ұйымының» ұйымдастыруымен Д. Е file -> Жоба 2014 жылғы мектепке дейінгі file -> Сырдария ауданы бойынша сайлау учаскелері file -> Халықаралық білім беру корпорациясы қазақ бас сәулет-қҰрылыс жүктеу/скачать 245,5 Kb. Достарыңызбен бөлісу:
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||