Подготовка учителя новой формации в республике казахстан – приоритетное направление деятельности высшего педагогического учебного заведения


БЕЙНЕЛЕУ ӨНЕРІН ОҚЫТУДА "ОҚУ МЕН ЖАЗУ АРҚЫЛЫ СЫН ТҰРҒЫСЫНАН ОЙЛАУДЫ ДАМЫТУ" ТЕХНОЛОГИЯСЫН ПАЙДАЛАНУ ЖОЛДАРЫ



бет6/13
Дата11.01.2017
өлшемі4,16 Mb.
#7180
1   2   3   4   5   6   7   8   9   ...   13

БЕЙНЕЛЕУ ӨНЕРІН ОҚЫТУДА "ОҚУ МЕН ЖАЗУ АРҚЫЛЫ СЫН ТҰРҒЫСЫНАН ОЙЛАУДЫ ДАМЫТУ" ТЕХНОЛОГИЯСЫН ПАЙДАЛАНУ ЖОЛДАРЫ
Сейдуалиева А.Н. ( Алматы қ., ҚазМемҚызПИ )
Бүгінгі таңда барлық елдер бірінші орынға білім беру сапасын қоюда. Себебі, ХХІ ғасыр білімді, іскер, жан-жақты дамыған, өз ісіне және өзгенің ісіне әділ баға бере алатын, өзіне сенімді азамат тәрбиелеуді талап етіп отыр. Өркениетті елдердің жоғары технологиясын меңгеру, дүниежүзілік білім кеңістігіне шығу мәселесін шешу қолға алына бастады. Осыған орай әр студентке белгілі көлемде білім дағдыларын меңгертумен бірге оларды шығармашылық бағытта, жан-жақты дамыту бүгінгі күннің басты мақсаты. Әсіресе, жоғарғы оқу орындарында болашақ кәсіби педагог мамандарын даярлау мақсатында студенттерге сабақ барысында жаңа технологияның әдіс-тәсілдерін қолданудың маңызы өте зор.

Болашақ мұғалімдерді даярлау қай уақытта болмасын ең өзекті мәселелер қатарына кіретіні белгілі жәйт. Себебі, қоғамның әлеуметтік–экономикалық міндеттері заманына сай өзгерістерге ұшырап, өскелең ұрпақты соған лайықтап өмірге бейімдеудің жаңа талаптары туындап отырады.

Қазақстан Республикасы жалпы білім беретін мектептері білім мазмұнының тұжырымдамасында: «қазіргі кезеңде білім берудегі негізгі мақсат – жан-жақты білімді, өмір сүруге икемді, іскер, өзіндік ой толғамы бар, адамгершілігі жоғары, қабілетті жанды қалыптастыру. Республикадағы әлеуметтік-экономикалық құрылымның өзгеруі білім беру мазмұнында жаңалықтар енгізуді қажет етеді» - делінген.

ХХІ ғасырдағы білім беру жүйесі қандай болуы керек деген мәселе әркімді де толғандырары сөзсіз. Білім беру ісінің барлық саласына жаңаша көзқарас, жаңаша қарым-қатынас, (білім мазмұнын жетілдіру, жаңа базистік оқу жоспарына көшу, жаңа буын оқулықтары мен оқу-әдістемелік кешендерге көшу, т.б.) ұлттық менталитет, жаңаша ойлау қалыптасуда. Сондықтан оқытудың жаңа технологиялары қолданылуда. Жаңа оқыту технологиясы бойынша материалдар сипаттамалы түрде емес, шынайы проблема негізінде берілуі тиіс.

Жаңа технологияны сабақ барысында белсенді түрде жете қолданып, студент зердесіне жеткізуде оларға берілетін біркелкілігі мен біртұтастығының сақталуында, білім меңгеру деңгейінің кеңеюіне жаңа технологияның маңызы зор. Соның бірі –"Оқу мен Жазу арқылы сын тұрғысынан ойлауды дамыту" технологиясы. Бұл технологияның тиімділігі – студенттің ойлауын дамытып, танымдық белсенділіктерін арттырады. Сонымен бірге өз пікірін жеке, жұпта, топта тұжырымдап айтуға еркін сөйлеуге, өзіне сенімді болуға, пікір айтуға, пікір таластыруға, жолдастарының ойын тыңдауға, жауаптарды бағалай білуге көп әсерін тигізеді. Сын тұрғысынан ойлау жобасының стратегияларын қолдану әсіресе, табиғатынан тұйық, өз ойын еркін жеткізе алмайтын, өздеріне сенімсіздеу студенттерге пайдасы шексіз. Студент өз ойын сын тұрғысынан дәлелдеуге тырысады. Бұл бағдарламаның өзіндік ерекшелігі мен ережелері бар.

Ерекшелігі - сабақтың барысы үш кезеңнен тұрады: қызығушылықты ояту кезеңі, мағынаны ажырату кезеңі, ой-толғаныс.

Ережелері: кешікпей келу, бір-бірінің пікірін мұқият тыңдау, қол көтеріп сөйлеу, мұғалімнің тапсырмасын бұлжытпай орындау, сабаққа белсенді қатысу, бір-бірімен тәжірибе алмасу.

Қорыта келгенде сын тұрғысынан ойлау жобасының стратегияларын қолдану барысында студент бойында мынадай қасиеттер қалыптасады.


Жан-жақты ізденушілігі

жетіледі

білім, іскерлік дағдыны жауапкершілік

қалыптастыру



ақыл-ойы қарым-қатынас

дамиды

жолдастарын шығармашылығы



тыңдайды дамиды

тіл байлығы жетіледі


Осы бағытта "Бейнелеу өнерін оқытудың әдістемесі" пәнінен өткізген сабақ жоспарының үлгісін ұсынамыз.

Сабақтың тақырыбы: Бейнелеу өнерінің түрлері мен жанрлары

Сабақтың мақсаты: Білімділік: Студенттің бейнелеу өнері жайында түсініктерін кеңейтіп, бейнелеу өнері мен жанрлары туралы білімдерін жетілдіру. Бейнелеу түрлері мен жанрларына жеке тоқталып, сипаттама беру.

Күтілетін нәтиже:

а)оқу мен жазу арқылы сын тұрғысынан ойлау технологиясын қолдану арқылы студенттерге тақырыпты меңгерту;

ә)тақырып бойынша танымдық тапсырмалар беру, өз ойларын тұжырымдауға, жеке топта жұмыс жасауға дағдыландыру;

б)студенттердің ойлау, талдау, анализ жасау сияқты қасиеттерін қалыпастыру;



Сабақта қолданылатын әдістер: үш кезеңін қолдану: қызығушылықты ояту, мағынаны ажырату, ой толғаныс,"Бес жолды өлең" INSERT түртіп алу әдісі т.б.

Сабаққа керекті құралдар: ватман қағаз, маркер, әр түрлі жанрдағы суреттер т.б.

Сабақтың барысы:

І. Қызығушылықты ояту. Студенттердің қызығушылығын ояту үшін олардың жалпы бейнелеу өнері туралы туралы не білетіндерін анықтау мақсатында жазбаша сұрақтар мен тапсырмалар беру.



  1. Өнер дегеніміз не?

  2. Өнердің қандай түрлерін білесің?

  3. Бейнелеу өнерінің түрлерін ата

  4. Мүсін, сәулет, сәндік қолданбалы өнері туралы не білесің?

  5. Берілген сұрақтар төңірегінде көршіңнің не білетінін анықта.

Тақтаны пайдаланып, студенттер өз ойларын қорытады (тақтаға өнер туралы білетіндерін жазады).

ІІ. Мағынаны ажырату. Мағынаны ажырату кезеңінде студент жаңа ақпаратпен танысады, тақырып бойынша жұмыс істейді, тапсырмалар орындайды. Өз бетімен жұмыс жасап, белсенділік танытады. Бұл кезеңде INSERT түртіп алу әдісі қолданылады (қалам арқылы оқығандарына белгі қояды).

Белгілер: V –білемін, + -жаңа білім, ? – күмән туғызады.

ІІІ.Топпен жұмыс. Студенттер 5 топқа бөлінеді.



1-топ. Сызба арқылы кескіндеменің түрлеріне талдау жасалады. Пайдаланатын материалдарына қарай кескіндеменің түрлері; кескіндеменің орындалу тәсілене қарай бөлінуі. Кескіндеме жанрлары: пейзаж, натюрморт, тұрмыстық жанр, тарихи жанр, батальдық жанр, анималистік жанр, мифологиялық жанр.



2 топ. Сызба арқылы мүсін өнерін талдауға кіріседі. Мүсін өнерінің түрлері, оның орындалу тәсіліне қарай бірнеше түрге бөлінуі

Мүсін өнері

Мүсін өнері орындалу тәсіліне, ауқымды ерекшелігіне байланысты



3-топ. Сызба арқылы графиканың түрлеріне талдау жасайды.



4 – топ. Сызба арқылы сәулет өнерін талдайды. Әлемнің жеті кереметі; өзінің атқаратын қызметіне қарай сәулет өнерінің бірнеше түрге бөлінуі; Қазақстанның ежелгі қалалары.


5 – топ. Сызба арқылы сәндік қолданбалы өнерді талдау. Қолөнердің жасалу, қолдану тәсіліне, ерекшелігіне байланысты бірнеше түрге бөлінуі; қазақтың ою-өрнектерінің жіктелуі;

ІV. Сабақты қорыту.

а) студенттердің меңгерген ұғымын анықтап, қосымша сұрақтарына жауап беру;

ә) ой-толғаныс кезеңінде студенттер меңгерген ұғымдарын саралап, ой елегінен өткізеді;

б) студенттер тақырыпқа байланысты ойларын қорытып, оны "Бес жолды өлең" әдісі бойынша мазмұнына сыйғызуға тырысады.

Әдісті қолдану барысында әр студентің өз шығармашылығын көрсетуге мүмкіндік жасалады.

V. Студенттердің өздік жұмысы.


  1. Қазақстанның бейнелеу өнері жайында конспекті жазу;

  2. Кесте толтыру (бейнелеу өнерінің түрлері мен жанрлары)

VІ.Бағалау. Студенттің өздік жұмысын орындағаны үшін - 80 пайыз; кестені толтырғаны үшін -20 пайыз; берілген екі тапсырмада орындалса -100 пайыз;

Сабақтың осы жобада өтуі студенттердің еркін сөйлеп, ойларын ашық жеткізулеріне, сыншыл көзқарастарға төтеп берулеріне мүмкіндік тудырады. "Оқу мен жазу арқылы сын тұрғысынан ойлауды дамыту" технологиясының стратегияларын сабақ барысында қолдану олардың сын тұрғысынан ойлау қабілетін дамытуға, өз беттерінше және топ болып жұмыс істеу арқылы ұйымшылдыққа, жауапкершілікке тәрбиелейді.

Әдебиеттер


  1. Қазақстан Республикасы жалпы білім беретін мектептері білім мазмұнының тұжырымдамасы. – А., Республикалық баспа кабинеті. 1995.

  2. Тұрғанбаев Б.А. Дамыта оқыту технологиялары. – А., 2000.

  3. Қабдықайырұлы Қ., Монахов В.М., Оразбекова Л.Н., Әлдібаева Т.Ә. Оқытудың педагогикалық жаңа технологиясы. Ы.Алтынсарин атындағы Қазақтың білім академиясының Республикалық баспа кабінеті. -А.,1999.

Түйіндеме

Мақалада "Оқу мен Жазу арқылы сын тұрғысынан ойлауды дамыту" технологиясының әдіс-тәсілдері қолданылған бейнелеу өнерін оқыту пәнінен сабақ жоспары берілген.
Резюме

В статье говорится о технологии критического мышления и о его развитии через письмо и чтение, а также приводятся поурочные планы уроков изобразительного искусства.



ЖАЛПЫ ПЕДАГОГИКА, БІЛІМ БЕРУ ТАРИХЫ ЖӘНЕ ЭТНОПЕДАГОГИКА

Жаңа әлеуметтiк даму жағдайында мектеп оқушыларына патриоттық тәрбие берудiң ҒЫЛЫМИ-практикалық НЕГІЗДЕРІ
Иманбаева С.Т., Қалиев С.Қ., Таубаева Ш.Т. (Алматы қ., ҚазМемҚызПИ)
Елімізде бейбітшілік пен ұлтаралық бірлік, ішкі және сыртқы саясат мәселелері, соның ішінде ұлтаралық мәдениетті қалыптастыру мен патриоттық тәрбие беру мәселесі негізгі орын алады. Сондықтан да, біздің алдымызда тұрған негізгі міндет ұлттық мәдениет пен әлемдік өркениетті өзара сабақтастыра отырып бүгінгі ХХІ ғасыр ағымына лайықты тұлға қалыптастыру.

Қазақстан Республикасы білім беру жүйесінің ұлттық моделі әлемдік білім кеңістігінде болып отырған өзгерістерге сәйкес, 1997 жылы ЮНЕСКО ұсынған білім берудің Халықаралық стандарттық классификациясына сәйкес жасалды. «Қазақстан -2030» стратегиялық бағдарламасына және «Білім туралы» Заңына сәйкес мемлекеттік білім беру жүйесінің құрылымы, білім берудің мазмұны айқындалды. Бүгінгі әлемдегі жаһандандыру үрдісінде жастарды жалпы адамзаттық құндылықтармен қаруландыратын Қазақстан Республикасының Президенті Н.Ә.Назарбаевтың Қазақстан халқына әр жылдары жолдаған жолдаулары, «Қазақстан Республикасы азаматтарын патриоттық тәрбиелеу жөніндегі мемлекеттік бағдарламасы», «Қазақстан Республикасы мектеп оқушыларына патриоттық тәрбие берудің тұжырымдамасы», т.б. құжаттар негізгі орын алады.

Н.Назарбаевтың Қазақстанның болашағы - қоғамның идеялық бiрлiгiнде атты еңбегiнде ұлт iшiндегi бiрлiктi нығайту, отансүйгiштiкке тәрбиелеу, азаматтық келiсiм ахуалын жасау мәселелерiне тоқталып, Бiздiң тағы бiр аса маңызды идеологиялық мiндетiмiз - Қазақстандық Отансүйгiштiкке тәрбиелеу, әрбiр азаматтың өзiн-өзi айқын билеуiн қалыптастыру. Шынайы Отансүйгiштiктi, нағыз азаматтықты қалыптастыру жеке бастың өзiн саяси тұрғыдан айқын сезiнуiн, өз Отанын саналы түрде таңдауын көздейдi,- делiнген.

Көп ұлтты Қазақстан халқы үшiн Отансүйгiштiк сезiмiнiң рухани саладағы тату-тәттi тiрлiгі, азаматтық келiсiмге ғана емес, мемлекеттiң материалдық негiзiн нығайтуға да тiкелей ықпалы бар. Отансүйгiштiк рух - қазақ елiнiң әлемдiк өркениеттi елдер көшiне қосылып, дүние жүзiлiк қауымдастықтан лайықты орын алуына мүмкiндiк беретiн бiрден-бiр күш.

Қазiргi кезде республикамыздың егемендiгi мен бейбiтшiлiгiн сақтауда жастарды Қазақстандық патриотизм арқылы Отансүйгiштiкке баулуға үлкен мән берiлiп отырғандығы үкiметтiң қаулы-қарарларында, ғылыми-зерттеу жұмыстарында және күнделiктi басылым беттерiнде айқын аңғарылады.

Философиялық тұрғыда патриотизм - адамгершiлiк және саяси принцип, сезiм, оның мазмұны – Отанға сүйiспеншiлiк, оған адалдық, оның өткенi мен қазiргiсiне деген мақтаныш, Отан мүддесiн қорғауға құлшыныс. Патриотизм – адамның мыңдаған жылдар бойы бекiген ең терең сезiмдерiнiң бiрi“.

Педагогикалық тұрғыда Патриотизм әдетте Отанға сүйiспеншiлiк деп аталатын, нақты бiр әрекет бейнесiнде және қоғамдық сезiмдердiң күрделi жиынтығында көрiнiс беретiн, балаларының Отан-анаға деген көзқарасын сипаттайтын қоғамдық және адамгершiлiк принцип“

Психологиялық тұрғыда Патриотизм тұлғаның бойында - Отанға деген сүйiспеншiлiк, бойындағы күш қуаты мен бiлiмiн Отан игiлiгi мен мүддесiне жұмсау, туған жерiн, ана тiлiн, елдiң әдет-ғұрпы мен дәстүрiн құрмет тұту.

Жоғарыда берiлген анықтамаларды саралай келе әр кезеңде де патриотизм ұғымы Отанға деген сүйiспеншiлiк тұрғысынан қарастырылады. ХХІ ғасырдағы жаһандандыру процесi бүкiл әлем халықтарын бiрiктiру арқылы өркениеттiлiктi сақтап қалу барысында бар күш жiгерiн жұмсап отырған тұста патриотизм ұғымы кең тұрғыда тек Отанға деген сүйiспеншiлiк емес, әлемдiк тұрғыда қарастыруды қазiргi қоғамдағы және әлемдегi даму үрдiсi талап етедi. Бүгiнгi жаһандану процесi тұрғысынан алатын болсақ “патриотизм ұғымы халықтар мен ұлттардың өз Отанына, мемлекетiне деген сүйiспеншiлiгiмен қатар, әлемдiк дамудың тыныштығы мен бейбiтшiлiгiн сақтау үшiн барлық күш жiгерiн жұмсау”-деген мағынаны бiлдiредi.

Қазiргi таңда “ұлттық патриотизм”, “қазақ патриотизмi” және “Қазақстандық патриотизм” ұғымдары қолданылады.

Ұлттық патриотизм ұғымына әр түрлi көзқарас бар. Ұлттық патриотизмдi жекеленген, оқшауланған ұғым деп қабылдауға тырысады. Жоқ, ұлт бар жерде, ұлттық патриотизм бар. Қазақ халқының жер бетiнен жойылмай сақталуы да ата-бабаларымыздың ұлттық рухының жоғары болуында десек артық айтпаған болар едiк, яғни бұл тарихи шындық.



Ұлт дегенiмiз – адамдардың тарихи қалыптасқан әлеуметтiк-этникалық, қауымдық бiрлестiгiнiң жоғары түрi. Ұлт болып қалыптасу үшiн оның құрамына кiрген адамдар тобының материалдық, территориялық және экономикалық жағдайлары, тiлi мен әдебиетiнiң, әлеуметтiк хал-ахуалының, мiнез-құлқының сол ұлтқа тән кейбiр этникалық ерекшелiгiнiң ортақтығы болып табылады.

Ұлттық патриотизм дегенiмiз – елi мен жерi, халқының бостандығы және мемлекет ретiнде жер бетiнде сақталуы үшiн, ұлт намысын жоғары дәрежеде ұстау. Ұлттық патриотизмдi қазақ патриотизмi деп те қарастыруымызға болады. Ұлттық патриотизм - ұлт бостандығы, елi мен жерiнiң тәуелсiздiгi, бiлiм мен ғылым, мәдениет, спортта әлем сатыларының биiк шыңынан көрiнуi негiзгi ұстаным болып табылады.

Қазiргi таңда елiмiз өзiнiң тәуелсiздiгiн алуымен әлемдiк жаһандандыру үрдiсiнен орын алып отыр. Қазақстан бiлiм беру жүйесiнiң Болон декларациясына сәйкес әлемдiк бiлiм кеңiстiгiне кiруi, экономикалық еркiн аймаққа мүше болуға ұмтылысы жас ұрпақты тәрбиелеуде бiздiң алдымызға үлкен маңызды мiндеттердi жүктейдi. Қазақтанның қарқынды дамуы, әлемдiк кеңiстiкте танылуы патриоттық тәрбие мәселесiн тек мемлекеттiк тұрғыда ғана емес, әлемдiк тұрғыда бейбiтшiлiк пен тыныштықты сақтауға бағыттау тұрғысында iске асырмақ. Қазақстандық патриотизм әлемдiк тыныштық пен бейбiтшiлiктi сақтаудың негiзгi бiр тұғыры деп айтуға болады. Қазақстан Республикасының алғашқылардың бiрi болып ядролық қарудан бас тартуы, сынақ алаңдарын жабуы бұл әлемдiк бейбiтшiлiктi сақтауға жасаған негiзгi қадам болып табылады.



Қазақстандық патриотизм - Қазақстанды мекендейтiн барлық ұлт пен ұлыстардың, халықтардың Қазақстан мемлекетiнің әлемдiк биiктен көрiнуі үшiн бiлiм, мәдениет, экономика, әлеуметтiк тұрғыда дамуына жағдай жасай отырып, елiмiздегi бейбiтшiлiк, бiрлiк пен тәуелсiздiктi сақтау үшiн барлық күш жiгерiн жұмсауы. Дегенмен, көптеген баспасөз беттерiнде Қазақстандық патриоизм ұғымы кешегi “кеңестiк патриоизм“ ұғымына пара-пар деп бағалау да бар. Бұл жерде екi ұғымға тән идеология екi басқа. Кеңестiк дәуiрде бiр орталыққа бағындырылған, бiр ғана саясаттандырылған идеология болды.

Қазақстан көп партиялы мемлекеттер қатарына жатады. Яғни, көп партиялық бар жерде бiр ғана идеология болуы мүмкiн емес. Әр партияның өзiндiк идеологиясы бар. Барлық партиялардың бағдарламалары мен тұжырымдамаларында негiзгi мiндеттердiң бiрi болып - Қазақстандық патриотизмдi қалыптастыру, ұлттық экономиканы дамытуға өз үлестерiн қосу деп атап көрсетіледі.

Қазақстан Республикасы азаматтарын патриоттық тәрбиелеу жөніндегі мемлекеттік бағдарламасында «Қазақстандық патриотизм - әрбір азаматтың өз Отанының тағдырына, қауіпсіздігіне, болашағына деген жауапкершілігін сезіну, барлық отандастардың ұлты мен конфессиясына қарамастан жете құрметтеу, олардың салтын, дәстүрін, тарихымен мәдениетін құрметтеу, мемлекеттік рәміздеріне, мемлекеттік тілге құрметпен қарау. Туған жерге деген махабаты, Қазақстанды барлық азаматтардың біріңғай Отаны ретінде қабылдауы» деп түсіндіреді.

Расында да, Қазақстандық патриотизм көп ұлтты Қазақстан үшiн бiрлiк пен елдiктi сақтай отырып, демократияландырылған, әлемдiк өркениеттен орын алу идеологиясы негiзгi дiңгек болып табылады. Бұл жерде ел президентiнiң тұжырымы бойынша “Қазақстандағы ұлтаралық жарастықты негiзгi атамекеннiң иесi - қазақ халқы өз мойнына алуы керек. Өйткенi халқымыз ұлтаралық жарастықты, сыртқы дүниемен өзара тиiмдi ынтымақтастықта жүзеге асыра алса ғана өзiнiң өркениеттi мемлекетiне ие бола алады”,- деп қазақстандық патриотизмдi қалыптастырудың негiзгi тiрегi қазақ халқына үлкен үмiт артады.

ХХІ ғасыр ұрпағын тәрбиелеуде ұлттық мәдениет пен өркениеттiк даму үрдiсiн өзара сабақтастыра отырып тұлғаның бойындағы патриоттық құндылықтарды қалыптастыруымыз керек. Құндылық деген ұғым философиядағы, қоғамтанудағы және педагогикадағы негiзгi құбылыстардың бiрi болып табылады. Мәселен, философияда құндылық қоршаған дүниедегi объектiлердiң әлеуметтiк ерекшелiктерiн, олардың адам мен қоғам үшiн, қоғамдық өмiр мен табиғаттағы құбылыстардың дұрыс немесе бұрыс мәнiн (игiлiк, жақсылық пен жаманшылық, әсем және көрiксiздiк) түсiндiру үшiн қолданылады.

Мәдени-тарихи тәжiрибе дәлелдегендей жалпыәлемдiк құндылық болып саналатын: қайырымдылық, сүйiспеншiлiк, еркiндiлiк дегендер педагогикада адамгершiлiк өлшемдердiң көрсеткiшi болып табылады. Тәрбиенiң негiзi болып саналатын жалпыәлемдiк құндылықтардың бiрi – тәрбиенiң басқа адамға деген қажеттiлiгi, басқа адамдарды сүйе бiлуi. Әр адамның тағдыры әрқашан әлемдiк дүниемен, адамдармен, ұжыммен байланысты. Сондықтан демократияландыру, адамның құқығы мен бостандығын сақтау жағдайларында ұжымдағы қарым-қатынас мәселелерi бұл күнде ерекше маңызға ие болуда.

Жалпы тұлғаның бойындағы адамгершiлiк құндылық - адамдар арасындағы бiр-бiрiне деген түсiнушiлiк, iзгiлiк, мейрiмдiлiк, шыншылдық, кiшiпейiлдiлiк қатынас арқылы көрiнiс беретiн адамның бойындағы рухани қасиеттердiң жиынтығы. Тұлғаның бойындағы патриоттық құндылықты айқындауда жоғарыда патриотизмге берiлген анықтамаларға және құндылық, адамгершiлiк құндылық ұғымдарын философия, педагогика ғылымы тұрғысынан саралайтын болсақ, тұлғаның бойындағы патриоттық құндылық дегенiмiз - қоғамдағы iзгiлiк қарым-қатынасты, табиғат пен адам арасындағы мейрiмдiлiктi, ұлтаралық мәдениеттi ұлттық тілді дамыту, елi мен туған жерiн, Отанын сүю, мемлекеттiң тәуелсiздiгi мен бейбiтшiлiн сақтау үшiн күресу.

Философияның бiр бағыты экзистенциализм қағидасы бойынша – тұлға яғни адам әлемдегi ең негiзгi құндылық деп қарастырылады. Адам адамгершiлiк құндылықтарды таратушы дегендi бiлдiредi. Әрбiр адам өзiнiң “менiн” айқындай бiлуi керек, соны өмiрде қолдануы қажет. Өмiр, табиғат және адамның iшкi дүниесi үлкен күш. Ол адамды дамытуға, оның қоғамдық өмiрге қатынасын қалыптастыруда негiзгi орын алады.

Осы тұрғыдан алып қарағанда патриотизм - тұлғаның бойындағы сапалық белгi. Патриоттық құндылықтар негiзiнен патриоттық сезiм, патриоттық таным, патриоттық сана, патриоттық болмыс, т.б. қамтиды. Психологиялық тұрғыда патриоттық құндылықтар сапаға айналып, iс-әрекет (тұлғаның “менi”) тұрғысынан көрiнiс беруi қажет. Көп ұлтты Қазақстан халқы үшiн әр адамның бойындағы патриоттық құндылықты қалыптастыру негiзгi мiндет болып саналады.

Жаңа әлеуметтiк даму жағдайында мектеп оқушыларына патриоттық тәрбие беруде адамгершiлiк, құқықтық, экономикалық және азаматтық тәрбие беру жан-жақты қарастыруды қажет етедi. Көпұлтты Қазақстан үшiн патриоттық тәрбие - ұлттық құндылық пен өркениеттiк құндылықтарды жалғастырушы алтын көпiр болып табылады.



Жаңа әлеуметтік даму жағдайында мектеп оқушыларына патриоттық тәрбие берудің ғылыми-теориялық және практикалық негіздерін айқындай отырып патриоттық тәрбие берудің тұжырымдамасы жасалып, сол негізде тәжірибелік-эксперименттік жұмыстар жүргізілді. Тұжырымдаманың мақсаты: Жаңа әлеуметтiк даму жағдайында мектеп оқушыларына патриоттық тәрбие берудiң жүйесiн айқындай отырып, ұлтаралық мәдениеттi, елiмiздiң бейбiтшiлiгi мен егемендiгiн сақтауға, экономикасын дамытуға үлес қосатын тұлғаны қалыптастыру. Патриоттық тәрбие беру тұжырымдамасының мiндеттерi:

  • тұлғаның бойындағы патриоттық құндылықтардың негiзiн құрайтын көзқарастарды, ұлттық тілге, ұлттық салт-дәстүр және тарихи мұраларға деген сүйiспеншiлiк сезiмдерiн қалыптастыру;

  • Қазақстан Республикасы ата заңын құрметтеу және мемлекеттiк заңдарды орындау, қоғамдық қатынастарда заңдардың орындалуын нақты iске асырып, бойына сiңiру;

  • Қазақстан Республикасы мемлекеттiк нышандары – Елтаңба, Ту, Қазақстан Республикасы Ән ұранына деген құрметтi және оған деген мақтаныш сезiмдi қалыптастыру;

  • ұлтаралық мәдениеттi дамытуға және оны қоғамдық қатынастар барысында тұлғаның негiзгi қасиетiне айналдыру, дiн аралық қатынастар бойынша түсiнушiлiк;

  • халықтар арасындағы сүйiспеншiлiк пен достықты қалыптастыруға ықпал ету;

  • Қазақстан Республикасының бейбiтшiлiгi мен тұтастығын, Отанның экономикалық және экологиялық байлығын дамытуға, оны қорғауға әр қашан дайын болу;

  • мектеп оқушыларына патриоттық тәрбие берудiң жүйесiн негiздей отырып, ұлттық және әлемдiк бiлiм нәрiнен сусындаған ғылыми-техникалық прогресс көшiне iлесе алатын патриоттық құндылықтары қалыптасқан тұлғаны қалыптастыру.

Мектеп оқушыларына патроиттық тәрбие беру субъект-объект-субъект тұрғысынан қарастыра отырып, әртүрлi әлеуметтiк жағдайларда конституциялық және құқықтық нормаларды қадағалау, саясат, патриоттық идеяларды насихаттау, санада Отан алдындағы парыз, сүйiспеншiлiк, адалдық, мақтаныш сезiмiн қалыптастыру негiзiнде iске асырылу керек.

Патриоттық тәрбие берудiң негiзгi ұстанымдары:

  • жүйелi-ұйымдастыру тұрғысынан мектеп, ата-ана және әлеуметтiк ортаны өзара сабақтастыра отырып, мақсатты түрде оқушыларға патриоттық тәрбие берудi ұйымдастыру;

  • оқушылардың жас және дара ерекшелiктерiн ескере отырып, патриоттық тәрбие берудiң формалары мен әдiстерiн нақты пайдалана бiлу;

  • аймақтық ерекшелiктердi ескеру ұстанымы, туған елге, жерге, ауылға, қалаға, т.б. сүйiспеншiлiгi арқылы, ұлттық және Қазақстандық, әлемдiк патриотизмдi қалыптастыру;

  • кешендi тұрғыда ықпал ету ұстанымы, ұлттық, ұрпақтан-ұрпаққа жалғасқан патриоттық, әлеуметтiк құндылықтарды, тәжiрибелердi жүйелi түрде пайдалану;

  • белсендiлiк ұстанымы, Қазақстан Республикасының ұстап отырған бағытына сәйкес, оқушылардың патриоттық көзқарастарын қалыптастыру.

Жоғарыдағы ұстанымдар бiр-бiрiмен өзара байланыста, бiрлiкте iске асырылады. Жалпы патриоттық тәрбие берудiң алғашқы негiзi отбасында басталып, мектепке дейiнгi мекемелер, бастауыш мектеп, орта мектеп, қоғамдық-әлеуметтiк орта, мұғалiмдер мен тәрбиешiлер, әртүрлi қоғамдық ұйымдар, мектептен тыс мекемелерде жалғасын табады.

Патриоттық тәрбиенiң негiзгi мәселелерi және даму жолдарына тоқталатын болсақ, көпұлтты Қазақстан халықтары үшiн жаңа әлеуметтiк даму және әлемдiк интеграциялық үрдiс жағдайында патриоттық тәрбие берудiң кешендi жүйесi қарастырылмаған. Патриоттық тәрбие беру мәселесi негiзiнен мемлекеттiк дәрежеде айқындалып, шешiлетiн iргелi мәселе. Республикада ұлтаралық, ұлттық мәдениет, мәдени мұра мәселелерiн шешуге байланысты көптеген құжаттар бар. Дегенмен, тiкелей патриоттық тәрбие мәселесiн шешуге арналған бағдарламалар, тұжырымдамалар жоқтығы жұмысты жандандыруға керi әсерiн тигiзедi.

Көпұлтты Қазақстан халықтары үшiн жаңа әлеуметтiк даму жағдайында патриоттық тәрбие берудiң қажеттiлiгi және оның бүгiнгi күн тұрғысынан жүйелi зерттелмеуi; ұрпақтан-ұрпаққа жалғасқан ұлттық патриотизм мен бүгiнгi қоғамдағы патриоттық тәрбиенiң өзара сабақтастығының болмауы; мектепте, мектептен тыс мекемелерде оқушыларға патриоттық тәрбие беруге байланысты жүйеленген ғылыми әдiстеменiң жоқтығы бұл мәселенi теориялық және практикалық тұрғыда жан-жақты қарастыруды қажет етедi. Ол үшiн мемлекеттiк тұрғыдағы төмендегiдей құжаттар қажет:



  1. Қазақстан Республикасы азаматтарына патриоттық тәрбие берудiң тұжырымдамасы;

  2. Патриоттық тәрбиенi iске асыруға байланысты мемлекеттiк тұрғыда бағдарламасын бекіту;

  3. Республика азаматтарына патриоттық тәрбие берудiң әдiстемесi, ғылыми ұсыныстар.

Мектеп оқушыларына патриоттық тәрбие беруҚазақстан Республикасы саясатының негiзгi бiр бағыты болып табылады.

Қазақстан мемлекетiнiң тәуелсiз мемлекет болып жариялануы және Бiрiккен Ұлттар Ұйымына мүше болып қабылдануы жас қазақ мемлекетiнiң алдына үлкен мақсаттар мен мiндеттер жүктедi. Қазақ елiнiң тәуелсiздiгi мен егемендiгiн сақтап қалу әрбiр саналы азаматтың iсiне айналды.

Патриоттық тәрбие адамгершiлiк тәрбиенiң құрамдас бiр бөлiгi болып табылады. Патриоттық тәрбие Отанға деген сүйiспеншiлiк пен жауаптылықты, тұлғаның туған өлкеге, табиғатқа деген сүйiспеншiлiк сезiмiн қалыптастыру, Отанының басына қиыншылық туғанда ойланбастан қорғауға дайын тұру тұрғысынан қарастырылады. Ол қазақ халқының өткен ғасырдағы жауынгерлiк дәстүрлерiн марапаттау негiзiнде iске асырылады. Патриоттық тәрбие адамгершiлiк тәрбиенiң негiзгi бiр бағыты болып саналса, ал, патриоттық тәрбие беру саласына - әскери, әскери-патриоттық, ерлiк, жауынгерлiк, ұлтаралық қатынас, интернационалдық тәрбие беру жатады. Егер тәрбие бағыттарын өзара сабақтастыра, жүйелi түрде тұлғаның жас және дара ерекшелiктерiне сәйкес ұйымдастыра бiлсек бүгiнгi ХХI ғасыр жаһандандыру заман талаптарына сай тұлғаны қалыптастыруға мүмкiндiк бар деп толық айта аламыз.

Патриоттық тәрбиенiң негiзгi бағыттары:

әскери тәрбие - әскери тәрбие жұмысында жауынгердi, офицерлердi жоғарғы саяси саналық, өз Отанына шексiз берiлгендiк рухында баулу, жүктелген мiндеттi тыңғылықты орындауға, адалдыққа, қырағылыққа, соғыс қимылдарына әзiр тұруға, әскери қызметте батыл да табанды болуға тәрбиелеу;

әскери патриоттық тәрбие – жастардың Отан қорғауға әзiрлiгiн нығайтып, патриоттық сана-сезiмiн қалыптастыратын тәрбиенiң бiр саласы. Әскери патриоттық тәрбие арқылы жастар елiмiздiң өткендегi жауынгерлiк тарихымен таныса отырып, Отанымыздың намысын, бостандығын, тәуелсiздiгiн қорғауға үйренiп, қарулы күштердiң даңқты жауынгерлiк дәстүрлерiн алға апаруға даярлығын қалыптастыра отырып, Отан сүйгiштiкке тәрбиелеу;

интернационалдық тәрбие – (лат.inter - между, natio - парыз) - қазiргi заман жастарының халықтар достығы және басқа ұлттар еңбекшiлерiне деген құрмет сезiмiн дамытып, қалыптастыратын үздiксiз тәрбиенiң басты салаларының бiрi;

ерлiк тәрбиесi - ата-бабаларымыздың жауынгерлiк дәстүрi негiзiнде оқушылардың ерiк-жiгерiн, табандылық, батылдық қасиеттерiмен бiрге ұлттық сана, парыз, намысты қалыптастыра отырып, отансүйгiштiкке тәрбиелеу. Бүгiнгi күн тұрғысынан алып қарайтын болсақ, егемен елiмiздiң бейбiтшiлiгi мен бiрлiгiн сақтайтын жас ұрпақтың санасына жастайынан ата-бабаларымыз негiзiн салған ерлiк рухты ендiру.

Көне түркiлер, көшпендiлер тарихына, халқымыздың ерлiк және жауынгерлiк дәстүрiне шолу жасағанда ерлiк қасиеттiң әрбiр жауынгерге тән болғанын көремiз. Әрбiр жауынгерден батылдық, табандылық қасиеттердi талап еткен.

жауынгерлiк тәрбие - қазақ халқының көшпелi тiршiлiгiне байланысты – тұтас қазақ қолының жауынгерлiк сипаттағы әзiрлiгiн үзбей ұстауы, елiн, жерiн, тәуелсiздiгiн үнемi қорғауына дайын тұруды қамтамасыз ету. Қазiр әскери тәрбие мағынасында берiледi.

Қазiргi таңда, патриотизмнiң мазмұнын анықтау үшiн ұлттық құндылықтарды бүкiл адамзаттық құндылықтармен ұштастыру негiзгi көкейкестi мәселе болып табылады.

Елiмiздiң тәуелсiздiк алуы, әлемдiк дәрежеде танылуы Қазақстан Республикасының, әсiресе қазақ халқының алдына үлкен мiндеттердi жүктейдi. Олар, тәуелсiздiгiмiздiң берiк болуы, қоғамдағы бейбiтшiлiк пен ұлтаралық келiсiм, экономикамыздың, бiлiм мен мәдениетiмiздiң қарқынды дамуы.

ХХI ғасыр жастарын патриоттық рухта тәрбиелеуде бiз жоғарыда көрсетiлген тәрбие бағыттарын өзара сабақтастыра отырып, жүйелi түрде бүгiнгi үздiксiз бiлiм беру жүйесiне енгiзу арқылы егемен елiмiздiң бейбiтшiлiгi мен тәуелсiздiгiн қорғайтын азамат тәрбиелей аламыз.

Патриоттық тәрбиенi ұйымдастырудың негiздерi Қазақстан Республикасы Бiлiм және ғылым министрлiгi ұсынған “Тәлiм-тәрбие тұжырымдамасында” қазақ халқының жауынгерлiк және ерлiк тарихын, ұрпаққа ерлiктiң өшпес үлгiсiн қалдырған қас батырлардың өмiр-өнегесiмен таныстыру; өз жерiн, елiн қорғай алатын елжанды, ұлттық намысы мол жiгерлi азаматтар тәрбиелеу”,- деп ғасырлар бойы қалыптасқан ұлттық ерекшелiктер, салт-дәстүрлердi бүгiнгi ұрпақ тәрбиесiне пайдалануға аса мән бередi.

Қазақстан Республикасы әскери доктринасы және құрылыс тұжырымдамасына жауынгерлiк және ерлiк тәрбие мәселесiне аса мән берiп, “Ұлттық негiздегi бағдарлама қажет” деп атап көрсетiлуi өмiр талабынан туындаған тiлек. Яғни, алдымызда тұрған негiзгi мiндет – егемендi елiмiздiң тұтастығын, бейбiтшiлiгiн сақтайтын ұрпақты, әсiресе ұлттық ұландарды тәрбиелеу. Яғни, оқушылардың бойындағы патриотизмдi қалыптастыру негiздерi - отбасы, қоршаған орта, тарих, тұлғаның салауатты өмiр салты, мемлекет, т.б. негiзгi орын алады. Тұлғаның бойындағы патриотизмдi қалыптастыратын микрофакторлар, макрофакторлар, мегафакторлар, мезофакторларды өзара кiрiктiру арқылы жағдай тудыра отырып патриот тұлғаны қалыптастыруға болады. Патриотизмдi қалыптастыруда философияның негiзгi әлемдiк жалпы, жалпы, айрықша, бiрегей тұрғысынан қарастыру көзделедi.

Ұлы Абай “адамның адамшылығы-ақыл, ғылым, жақсы ата, жақсы ана, жақсы құрбы, жақсы ұстаздан болады“ - деген тұжырымы, микрофакторлар, макрофакторлар, мегафакторлар, мезофакторлардың патриоттық құндылықтарды қалыптастыруда негiзгi орын алары сөзсiз.

Көрсетiлген әр факторлардағы әлеуметтiк жағдайлар оқушының бойындағы патриотизмдi қалыптастыруға мүмкiндiк жасауы керек. Педагогика және психология ғылымдары тұрғысынан: патриотизм; мiнез-құлық; патриоттық тәрбие; патриоттық сезiм; патриоттық сана; тарихи сана; ұлттық мұрат (идея); ұлттық идеология; ұлттық сана; географиялық сана; мораль; патриоттық көзқарас; тағылым; iзгiлiк; менталитет, ұлттық парыз, мақтаныш, намыс, сезiм, сана, т.б. құндылықтар ұлттық идеяның негiзгi көрiнiсi сияқты iс-әрекеттер мен қасиеттердi оқушылардың бойына сiңiре бiлуiмiз керек.

Елiмiздегi бейбiтшiлiк пен ұлтаралық бiрлiк, iшкi және сыртқы саясат мәселелерi, соның iшiнде ұлтаралық мәдениеттi қалыптастыру мен патриоттық тәрбие беру мәселесi негiзгi орын алады. Сондықтанда, бiздiң алдымызда тұрған негiзгi мiндет ұлттық мәдениет пен әлемдiк өркениеттi өзара сабақтастыра, кiрiктiре отырып бүгiнгi ХХI ғасыр ағымына лайықты тұлға қалыптастыру. ХХI ғасыр ағымына лайықты тұлға - өз ана тiлiн бiлетiн, басқа тiлдi құрметтейтiн, тарихи зердесi жоғары, ұлттық салт-дәстүрден нәр алған, әлемдiк ғылыми-техникалық прогресс көшiне iлесе алатын адам.

Қазақтандағы бiрлiк пен татулық ел президентiнiң ұстанып отырған негiзi идеологиялық саясаты нәтижесiнде iске асып отыр деп толық айта аламыз. Бұл нәтижеге елiмiздiң тәуелсiздiгi мен әлемдiк бейбiтшiлiк пен ұлттаралық келiсiмдi дамытуымыздың арқасында жеттiк.

“Түркi халқы – батыр халық. Түркi халқы – арыстан ер халық” дегендей, түркi жұртының ұлттық ерлiк дәстүрi негiзiнде оқушы жастардың бойында патриоттық сезiмдi қалыптастыру ерекше орын алады. Оқушыларға патриоттық тәрбие берудегi негiзгi мiндеттерге қоршаған ортаға деген сүйiспеншiлiк, мемлекеттiк рәмiздерге (Әнұран, Мемлекеттiк ту, Ел таңба) зор құрметпен қарау, мақтаныш сезiмдi ұялату, қоғамға деген рухани-мәдени қатынас, елiмiздiң тәуелсiздiгi мен бiрлiгiн сақтау, Қазақстан көпұлтты мемлекет екенiн негiзге ала келе бүгiнгi қоғам мүшелерiнiң Қазақстандық патриоттық сезiмiн қалыптастыру.

Қазақстандық патриотизмдi қалыптастыру жүйесiне –отбасы, мемлекеттiк мекемелер, бiлiм беру мекемелерi, қоғамдық қозғалыстар мен ұйымдар, әртүрлi жоспарланған патриоттық шаралар, т.б. құрайды.



Көпұлтты Қазақстан үшiн жаһандандыру кезенiңде Қазақстандық патриотизмдi қалыптастырудың негiзгi бағыттары қазақ халқы ғасырлар бойы атадан-балаға мирас болып отырған елi мен жерiн көзiнiң қарашағындай сақтап ұрпақтан-ұрпаққа аманаттап отырған. Қандай қиыншылық замандада “малым арымның садақасы“ деген қағиданы өмiрлiк ұстанымына айналдырып, ерлiк туын жоғары ұстаған. Бүгiнгi ұрпаққа аманаттаған елi мен жерiнiң тәуелсiзiдiгiн сақтауда ерен ерлiкпен iстер атқарып отырған тарихи оқиғалар мен үкiметтiң қаулы-қарарларында, ел президентiнiң халыққа жыл сайынға жолдауынан және тарихи еңбектерiнен айқын байқаймыз.

Көпұлтты Қазақстан үшiн Қазақстандық патриотизмдi қалыптастырудың негiзiгi бағыттары Ел Президентi Н.Ә.Назарбаевтың Қазақстан халқына әр жылғы жолдауларында орын алған. Н.Ә.Назарбаевтың 2004 жылғы халыққа жолдауында “Бiз бiрлесе отырып, еркiн экономика мен ерiктi ұлт жасақтау жолында алға жылжуымызға қажеттi берiк негiз қаладық. Қазақстан бүгiн әлемнiң ең серпiндi дамып келе жатқан елдерiнiң бiрiнен саналады, бұл да барша жұрт таныған ақиқат. Елiмiздiң экономикалық және саяси дамуындағы түбегейлi жаңа кезең, Қазақстанды одан әрi жаңарту мен демократияландыру – бiздiң күн тәртiбiмiздегi мәселе осындай”-деп атап көрсеткен.

Егер тарихи дамуға зер салатын болсақ бiздiң мемлекетiмiзде тiлге, дiнге, салт-дәстүрлерге, тарихқа демократиялық тұрғыда ұлы бабаларымыз салып кеткен әдiлдiк пен шыншылдық негiзде iске асырып отыр. Расында да көп жағдайда, бiздiң даму бағытымыз ұлттық менталитетiмiздегi негiзi кенпейiлдiлiк, бауырмашылық қасиеттер бiрiншi кезекте тұрғаны көптеген басылымдар және әртүрлi ұлттардың Ассамблеясының есептерiнен айқын байқауға болады.

“Бiздiң туымыз - тәуелсiздiк, тiлегiмiз - бейбiтшiлiк, тыныштық. Осы мақсат жолында Қазақстандағы барлық ұлт өкiлдерiнiң бiр кiсiнiң баласындай, бiр қолдың саласындай күш бiрiктiруiне мүдделiмiз”, - деп Президенттiң халыққа жолдаған үндеуi елiмiздiң елдiгi мен бiрлiгiн сақтауға ат салысып отырған көп ұлтты елiмiз үшiн негiзгi мұрат болып табылады.

Бiздiң бүгiнгi алдымызда тұрған негiзгi мiндет - Ел Президентi атап көрсеткендей “Республикадағы қазiргi ұлтаралық жарасым ахуалын көздiң қарашығындай сақтай бiлу - барлық ұлттың, әрбiр азаматтың ең жауапты мiндетi. Қазақстандағы ұлтаралық жарастықтың негiзгi ұйтқысы болу мiндетiн алдымен осы атамекеннiң иесi - қазақ халқы өз мойнынан алуы керек. өйткенi халқымыз ұлтаралық жарастықты, сыртқы дүниемен өзара тиiмдi ынтымақтастықты жүзеге асыра алса ғана өзiнiң өркениеттi мемлекетiне ие бола алады, - деген сөзi арқылы қазақ халқының атадан-балаға мирас болып келген рухани-имандылық қасиеттерi бүгiнгi жаһандандыру заманында қазақ елiнiң өркениеттi елдер қатарында болуына негiзгi тiрек болары сөзсiз деп сенiм артады.

Көпұлтты Қазақстан үшiн Қазақстандық патриотизмдi қалыптастырудың негiзгi бағыттары:



бiрiншi, ұлттық экономиканың дамуы, қалыптасуы мен оның халыққа қызмет етуi;

екiншi, Қазақстанды мекендейтiн халықтардың еркiн дамуы, тiлi, дiнi, мәдениетi, әдет-ғұрпы, т.б. және Мемлекетке атын берген ұлттың тiлiн, дiнiн құрметтеу мен сол елдi Отаным деп тану, тәуелсiздiгi мен егемендiгiн сақтауға бiр адамдай ат салысу, елiмiздiң рәмiздерiне құрметпен қарау;

үшiншi, елiмiздегi және өңiрдегi бекем тұрақтылықты нығайтуға; өңiрлiк және халықаралық ынтымақтастықты дамыту;

төртiншi, ХХI ғасырдағы әлемдiк өркениеттен орын алу үшiн бiлiм мен мәдениеттi дамыту;

бесiншi, республикада мекендейтiн халықтардың рухани құндылықтарын жетiлдiру (фестивальдар мен ұлттық мәдениет үлгiлерiнiң көрмелерiн, олимпиадаларды өткiзудi дәстүрге айналдыру, радио, телемарафондар өткiзу, ұлттық мәдениет пен спорт түрлерiн насихаттаудың бағдарламаларын жасау,т.б.);

алтыншы, республикалық, алыс және жақын шет елдердегi медиабiлiм берудi тұлғанының мәдени құндылықтарын қалыптастыруға бейiмдеу.

Көпұлтты Қазақстан халқының отансүйгiштiк қасиетiн қалыптастыратын – азаматтық келiсiм, ұлттық бiрлiк. Қазақстанды мекендейтiн әрбiр ұлт өзiнiң мемлекет алдындағы мiндетi қоғамдық байлықты, яғни мемлекеттiң материалдық базасын нығайту, өмiрдегi тату-тәттi тiрлiктi, азаматтық келiсiмдi нығайта отырып ұлттық бiрлiктi сақтау, егемен елiмiздiң тәуелсiздiгiн сақтау ұлттық келiсiм, iшкi үндесiм - барша халқымыздың ынтымағы мен ара жарасымдылығында болып отыр.

Жаңа әлеуметтiк даму жағдайында мектеп оқушыларына патриоттық тәрбие беру тұжырымдамасының іске асуы Қазақстан Республикасы “Бiлiм туралы” Заңы, Қазақстан Республикасы 2015 жылға дейiн бiлiм берудi дамыту бағдарламасы және Қазақстан Республикасы тәлiм-тәрбие тұжырымдамасын орындалуына өзiндiк септiгiн тигiзедi.

Тұжырымдаманың теориялық негiзi мен практикалық ұсыныстары патриоттық тәрбиенi ұйымдастыруға және бүгiнгi егемен елiмiздiң тәуелсiздiгiн қорғайтын азамат тәрбиелеуге негiз болады.


әдебиеттер

  1. Назарбаев Н.Ә. Қазақстанның болашағы – қоғамның идеялық бірлігінде. Алматы: Қазақстан. 1993.-33 бет.

  2. Қазақстан Республикасы азаматтарын патриоттық тәрбиелеу жөніндегі мемлекеттік бағдарламасы. /Альянс. № 3,4 /2005. 5-11 б.

  3. Қазақстан Республикасы мектеп оқушыларына патриоттық тәрбие берудің тұжырымдамасы (Құрастырушылар: С.Т.Иманбаева, С.Қ.Қалиев, Ш.Т.Таубае-ва). Алматы. Қазақ мемлекеттік қыздар педагогика институты. 2005. 23-бет.

Түйіндеме

Жаңа әлеуметтiк даму жағдайында мектеп оқушыларына патриоттық тәрбие берудiң тұжырымдамасында патриоттық тәрбие берудiң жүйесiн айқындай отырып, ұлтаралық мәдениеттi, елiмiздiң бейбiтшiлiгi мен егемендiгiн сақтауға, экономикасын дамытуға үлес қосатын тұлғаны қалыптастыру көзделеді.


Каталог: attachments
attachments -> Формирование профессиональных умений и навыков
attachments -> Қазақ мемлекеттік қыздар
attachments -> ҚазақТҰтынуодағЫ
attachments -> История финансовой науки и ее развитие в России
attachments -> Актуальные проблемы международных отношений
attachments -> Ұлы баба есімі дәріптелді  Жаңа кітап баспадан шықты  Кітап тұсаукесеріне әзірлік
attachments -> Биография великого инструмента
attachments -> Урок музыкальной литературы в 5-м классе. Тема урока: И. С. Бах. Органное творчество
attachments -> «Найрозумніший» 8 клас І тур
attachments -> Қазақ мемлекеттік қыздар


Достарыңызбен бөлісу:
1   2   3   4   5   6   7   8   9   ...   13




©www.engime.org 2024
әкімшілігінің қараңыз

    Басты бет