Сабақ мақсаты: Жақсылық жасаудың адам өміріндегі маңыздылығы туралы түсініктерін кеңейте отырып, дұрыс әрекет жасауға үйрету

1.Оқушыларға жақсылық пен дұрыс әрекет жасау туралы білімдерін толықтыру.

2.Оқушылардың бойында кішіпейілділік, жанашырлық, мейірімділік, қайырымдылық қасиеттерін дамыту;

3.Оқушыларды риясыз жақсылық жасауға тәрбиелеу.

слайд,оқулық.

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Оймен осы нұрды қолдарыңызға түсіріңіз. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Олар сізді тек жақсылық жасау үшін жақсы жерлерге апарады.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды ата-аналарыңа туысқандарыңызға, мұғалімдеріңізге, достарыңызға, таныстарыңызға және ең жақсы көретін адамға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Оны осындай әсем қалыпта сақтаңыз.

Жаймен көзіңізді ашуға болады.

Рахмет.

№16 «Жақсылық пен жамандық» ертегісін

оқу, мазмұнын айту. 79 бет

1. 
   Ертегі не туралы?
   
2. 
   Жақсы қасиет дегенімізді қалай түсінесіңдер?
   
3. 
   Жаман қасиет дегенімізді қалай түсінесіңдер?
   
4. 
   Ертегіден адамның табиғатқа деген сүйіспеншілігін қалай көреміз?
   
5. 
   Өз өмірлерінде осындай жағдайлар кездесті ме?
   

«Жақсының жақсылығын айт, нұры тасысын» Халық мақалы

(оқушылар талдап болғасын 2 рет қыздарға айтқызу 2рет ұлдарға айтқызу. Барлығы бірге 4рет айтып шығады)

1. 
   Балалар, жақсылық жасау деген сөздің мағынасын қалай түсінесіңдер?
   
2. 
   Жақсылық жасау деген не?
   
3. 
   Жалпы адамның бойында қандай қасиеттер болады?
   
4. 
   Жақсылықты риясыз жасау дегенді қалай түсінесіңдер?
   

М.Көккөзов

Қиыршық қызыл құм жолаушының бетіне тиеді. Керуеннің шыққанына бірнеше күн болған. Ұзақ жүрістен, ыстықтан, желден шаршаған керуендегілердің бірі ояу, бірі түйе үстінде мүлгіп келеді. Қанша күн жүргенін де есептемейді. Бір күні жолай аштықтан, шөлден әбден қалжыраған адам кездеседі. Ес – түссіз жатыр екен. Бірақ керуеннің алды бұл адамға назар аудармай өте береді. Сонда керуеннің соңындағы бір шал түйесінен түсіп, ессіз жатқан адамның қасына барады. Жатқан адам: «Су...» дейді. Аспан айналып жерге түскендей ыстық, аңызақ желмен сапырылған қиыршық құм сексеуіл түбіне ұйлығады.

Шал торсығын алып, жатқан адамның беті – қолын жуып, су ішкізеді. Әлгі адам есін жиған соң, шал оның алақанына қарап: «Сен менің жауым екенсің.Бірақ шөлде бәріміз туыспыз. Мен қартайдым. Сен жассың, су іш те, өмір сүр», дейді дее түйесіне мінгізіп, керуеннің срңынан жіберіпті. «Өзіңіз қайтесіз?» - десе «Менің демім санаулы», - дейді шал.жолаушы керуенді қуып жетуге ентелейді. Ұясына батып бара жатқан күн де адамның жақсылығы зая кетпесе екен дегендей, ұзақ аялдайды. Бұл кезде жолаушы керуенді қуып жетеді.

Шал ақ матаға оранып құмға жата кетеді.

Күндер, айлар өтіп, керуен кері қайтады. Жолаушыларға шексіз құмның арасынан шалқыған су көрінеді. Таяп келсе, көл жиегі көкорай шалғын, қамыс екен. Керуеншілер шал оранған ақ жамылғыны ғана байқайды. Бұлақтың нәзік сылдыры жүректі сипағандай сезіледі. Бұлақ адамға адамның жақсылық жасаған жерінен пайда болыпты. Нәзік сылдыры жақсылықтың өшпес үні тәрізді.

1. 
   Әңгіме не жайында айтылған?
   
2. 
   Шалдың әрекеті туралы не айта аласыңдар?
   
3. 
   Сендер солай жасар ма едіңдер?
   

5. Бүгінгі күнде бізде осындай жағдайларды кездестіреміз бе?

№17 Б.Әділовтың «Қанат пен Жанат» мәтінін оқып, мазмұнын айту. 83 бет.

Баяу музыка қосылады.