Сабақ өткізілді. Білім беру саласы : «Коммуникация»

а) Балаларды әртүрлі ертегілерді танып білуге, ертегіні мазмұндауға үйрету және ертегіге деген қызығушылығын арттыру.

ә) Есте сақтау қабілеті мен тіл байлығын дамыту;

б) Балаларды достық сезімге, шығармашылыққа тәрбиелеу.

Көрнекіліктер: Ертегілердің суреттері,үлестірмелі материалдар,бейнетаспа.

Билингвальді компонент: ертегі- сказка, бауырсақ- калабок, шалқан- ребка

Ұйымдастырылған оқу қызметінің барысы:

Балабақша әдемі,

Балалардың әлемі.

Орындық пен үстелге,

Отырамыз әдемі.

Негізгі бөлім:

-Балалар, бүгін біз ертегілерді еске түсіріп көрейікші. Сендер ертегілерді жақсы көресіңдер ме? Әрине, барлық балалар ертегіні жақсы көреді.

-Балалар, есікті біреу қағып тұрған сияқты, кім екен?

Тосын жағдай:

Топқа ертегі кейіпкерлері Ешкі, қоян, ата кіреді.

-Салеметсіңдерме, балалар!

-Балалар, бізге сендердің көмектерің керек боп тұр.

-Көмектесесіңдер ме?

-Біз өзіміздің қай ертегіден екенімізді ұмытып қалыппыз, ертегі еліне бара алмай жүрміз.

- Айтыңдаршы мен кіммін?

Балалар жауабы: Ешкісіз

-Қай ертегіге барайын?

-Балалар жауабы: «Жеті лақ» ертегісіне барыңыз.

-Мен кіммін? –деп, қоян сұрайды.

-Қоянсыз.

- Сіз «Бауырсақ» ертегісіне барыңыз.

-Ал, мен қайда барамын?- деп, ата сұрайды.

-Сіз ата «Шалқан» ертегісіне барыңыз.

-Балалар, рахмет сендерге біз енді ертегілер еліне қайтамыз.

Ешкі: балалар жаңа осында келе жатқанда жолдан бір қорапша тауып алдым. Ішінде тәтті кәмпиттер бар екен, тапсырмаларды орындасаңдар, осы кәмпиттерді аласыңдар.

- Сау болыңдар, балалар!

Балалар, тапсырмаларды орындаймыз ба?

Бізге үш тапсырма беріпті. Алғашқы тапсырманы орындайық.

-Балалар, «Бауырсақ» «Жеті лақ» «Шалқан» ертегілерін есімізге түсіріп көрейікші, осы ертегілерді айтып беріңдер дейді.

Алдымен «Бауырсақ» ертегісін бастайық.

-Мен ертегіні бастап берейін, қалғанын сендер жалғастырып айтыңдар.

«Жеті лақ» ертегісін оқып беріп, қалғанын балалар жалғастырады.

• 
  Балалар, «Шалқан» ертегісінің кейіпкерлерін бөліп берейін, соны өзіміз сахналап ойнайық.
  

Музыкалық әуен арқылы балалар аң құстардың қимылын салып билейді.

Балаларға тапсырма беру.

Иогурт қорапшаларының сыртына «Бауырсақ» «Жеті лақ» «Шалқан» ертегілерінің кейіпкерлері жапсырылған. Сол кейіпкерлерді рет-ретімен үстел үстіне орналастырып қою.

3-тапсырма

Балаларға бейнетаспа арқылы көптеген ертегілердің суреттерін көрсетіп, етегілердің атауларын сұрау.

-Балалар, бүгін біз қандай ертегілерді есімізге түсірдік?

Балалардың жауабы: Бауырсақ, Жеті лақ, Шалқан.

Осы ертегілердің қайсысын өзіміз ойнап бердік?

Балалар жауабы: «Шалқан» ертегісін ойнадық.

Ертегі әлемінен кімдер келді?

Балалар жауабы: Ешкі, ата, қоян.

Қандай ертегілердің кейіпкерлерін білесіңдер?