Б Хақназар ханның портретін, ордасының суретін, қылыш немесе қанжарды көрсетіңіз.
Осы заттардың арасында қандай байланыс бар? деген сұрақ қойыңыз. Оқушылардың болжауын тыңдаңыз.
Зерттеу сұрақтары:
Қасым ханнан кейінгі билік еткен хандар кезінде айырылған Қазақ хандығының жерлерін Хақназар хан қалай қалпына келтірді?
Қазақ хандығына көз тіккен сыртқы жаулардың шапқыншылық жоспарларын қалай тойтара білді?
Зерттеу мен талдау
Т Оқушыларға Хақназар ханның жүргізген сыртқы саясаты туралы ақпараты бар карточкалар таратыңыз.
Карточкалардағы мәліметтерді қолданып таңдаған позицияларын дәлелдеуді талап етіңіз:
1. Хақназар хан - Қазақ хандығын нығайтушы.
2. Хақназар – көреген, мәмілегер хан.
Хақназар билігінің кезеңіндегі саяси жағдай туралы негізгі ой түйінді жасауға тапсырма беріңіз.
Хақназар хан билігі кезеңі туралы бейнематериалды көрсетуге болады.
Т Мәліметтерге сүйене отырып карта арқылы Қазақ хандығы аумағының Хақназар хан тұсындағы өзгерістерін көрсетуді тапсырыңыз.
Б Оқушылардың интерпретациясынан кейін тақырыпты жалпылаңыз: ХVІ ғ. Қазақ хандығының көршілес мемлекеттермен қандай қарым - қатынаста болғанын түсіндіріп, Хақназар ханның неліктен бірнеше елдің ханы атанғанын оқушылардан сұраңыз.
|