Сабақтың тақырыбы: Астана қаласындағы жаңа ғимараттар. Септік жалғауын бекіту.
ЖББ №65 ОМ
Каймолдина Г.К.
Сабақтың мақсаты: Оқушылардың Астана туралы білімдерін толықтыру, жүйелеу. Зат есімнің септік жалғауын бекіту. Міндеттері: - Астана тақырыбына байланысты жаңа сөздермен таныстыру.
Қазақша тілдік қатынасты еркін игерту, ауызекі тілдесімде жүйелі сөйлеуге үйрету.
Өзге ұлт өкілі балаларының қазақ тілінде дұрыс айту, жазу қабілеттерінің жетілуіне, ой-өрісінің дамуына көмек көрсету.
Табиғатқа, қоршаған ортаға деген сүйіспеншіліктерін арттыру, әдемілікке, сұлулыққа құштарлықтарын ояту.
Септік жалғауларын меңгерту
Сабақтың көрнекілігі: Интерактивті тақта-флипчарт (слайд, видео, күй), деңгейлік тапсырмалар жазылған кеспелер, ұпай саны белгіленген түрлі-түсті суреттер. Сабақтың түрі: Саяхат сабақ
Сабақта қолданылатын әдіс-тәсілдер: Сұрақ-жауап, әуенді видио көру, әңгімелесу, деңгейлеп оқыту, миға шабуыл, класстер. Пәнаралық байланыс: Орыс тілі, география.
Күтілетін нәтиже:
Астана туралы әңгімелеу.
Үйренген жаңа сөздерін күнделікті тұрмыста пайдалана білу.
Әсемдікке, әдемілікке баулу.
Сабақтың барысы: І. Ұйымдастыру кезеңі: -Сәлеметсіңдер ме, балалар! -Отырыңдар. -Көңіл-күйлерің қалай? (Интерактивті тақта-флипчарт) -Олай болса, балалар, мына суреттердің ішінен қазіргі көңіл-күйлеріңе қайсысы жақын, сол суретті таңдай қойыңдар.
-Жақсы, олай болса, сабағымызды бастамас бұрын мен сендерге бүгінгі сабақтың ерекшелігін түсіндіріп кетейін. Бүгінгі сабақ«Саяхат сабағы»деп аталады.
-Барлығы түсінікті болса, сабағымызды бастайық. II. Үй тапсырмасын тексеру: -Үйге қандай тапсырма берілді? (Сөздік жаттау, Астанадағы мұражайлар мәтінін мазмұндау. «Мұражай» сөзін септеу) Өз-өзіңді тексер (Интерактивті тақта-флипчарт) -Қазір қаламдарыңды алыңдар, үй жұмысын тақтамен салыстыра отырып, тексеріп шығамыз.