Сабақтың тақырыбы: Бердібек Соқпақбаев «Менің атым- Қожа» хикаяты бекіту сабағЫ: «Қожа бейнесі»

1. Қожаның іс-әрекетіне, мінез-құлқына екі түрлі көзқараста баға бере отырып өз пікірлерін, көзқарастарын дәлелдеу;

2. Жақсыдан үйреніп, жаманнан жирене білетін азамат пен азаматша тәрбиелеу; 3. Оқушының тіл байлығы мен дүниетанымын дамытып, шығармашылық қабілеттерін ұштау.

ІV. САБАҚТЫҢ ТҮРІ: талдау, жинақтау, бекіту.

V. САБАҚТЫҢ ӘДІСІ: дебат (ойбөліс элементтері), сұрақ- жауап, сын тұрғысынан ойлау технологиясының элементтері, тест, сахналық көрініс т.б.

VІ. САБАҚТЫҢ ФОРМАСЫ: топпен, жеке оқушымен.

VІІ. САБАҚТЫҢ КӨРНЕКІЛІГІ: АКТ, Б.Соқпақбаевтың “Менің атым Қожа” кітабы, Еркін Рахышевтің “Менің де атым Қожа” фильмінен үзінді, слайд арқылы кесте, тірек сызба, суреттер, веен диаграммасы.

VІІІ. ПӘНАРАЛЫҚ БАЙЛАНЫС: әдебиет, тарих

кино: Абдолла Қарсақбаевтың «Менің атым- Қожа» фильмі және Еркін Рахышевтің «Менің де атым Қожа» фильмі».

І. Ұйымдастыру кезеңі:

а) Сәлемдесу (шаттық шеңбері);

б) Сынып оқушыларын түгелдеу;

в) Оқушылар назарын сабаққа аудару.

ІІ.Үй тапсырмасын пысықтау.

«Бетпе-бет студиясы» әдісі

Б. Соқпоқбаевтың өмірі мен шығармашылығы туралы сұрау.

(«Менің атым...» тақырыбында әр оқушы өз ойын жеткізеді)

- Сендерге қандай есімдер ұнайды?

- Сендер өз аттарыңа ризасыңдар ма?

- Повесть қалай басталатын еді? Қожа өз атына риза ма?

- «Шілдеханаға келгендер маған пәлендей әйдік ат бермеген», -дейді кейіпкер. Ол кім? (Қожаберген). «Шілдехана». Бұл қандай дәстүр?

Бұл әдісте, оқушылардың қолына берілген алғыр, пысық, ақылды, ақкөңіл, тиянақсыз, жағымпаз, өтірікші, шыдамсыз, есті, әділетті, тентек деген сөздерді тақтада ілулі тұрған плакатқа іледі. Әр оқушы өзінің ілген сөзін міндетті түрде қорғайды. Сөйтіп, әр оқушы Қожа бейнесін өздері ашады.

Ендеше, сіздерді екі топқа бөлемін: жақтаушы топ және даттаушы топ.

Біздің бүгінгі бекіту сабағымыздың тақырыбы- Қожа бейнесі.

-Қожа бейнесін жан- жақты аша түсу үшін ең алдымен Қожа қандай бала? деген сауалға жауап іздейміз.

І топ- жақтаушы топ: спикерлері Қожаның іс- әрекетін дұрыс деп танып, оның жағымды мінез- құлқын санамалап, дәлелдейді.

ІІ топ- даттаушы топ: спикерлері Қожаның ісін теріске шығарып, оның жағымсыз мінез- құлқын санамалап, дәлелдейді.

1 оқушы- сарапшы: екі топтың пікірін саралап, қорытынды шығарады.

Резолюция:

І топтың қарары- «Қожа- жақсы бала»;

ІІ топтың қарары- «Қожа- тентек бала».

Дефиниция:

І топ: Қожа- хикаяттың басты кейіпкері.

Жақсы- ақылды, сезімтал, патриот, алғыр, т.б.

Бала- оқушы, ұл бала.

ІІ топ: Қожа- хикаяттың басты кейіпкері.

Тентек- бұзық, сотқар, қызғаншақ, шыдамсыз, т.б.

Бала- оқушы, ұл бала.

Заманның ағымына қарай ой-пікірді ашық, дәлел мен дәйекті келтіре отырып нақты сөйлеу XXI ғасырдың жастарының міндеті.

«Жақсыдан үйрен, жаманнан жирен»,- дейді халық мақалы. Қожа туралы көзқарасымызды ортаға салу үшін ең әуелі Венн диаграммасын толтыруға беремін.

-Ал, енді екі жақты пікірді сарапқа салып, қорытынды шығару үшін сөз сарапшыға беріледі.

Сарапшы: Барлық мектепке аты шулы "сотқар" Қожа, бар ынтасын салып, жақсы болуға тырысады. Әкесінен жетім қалған Қожаберген, үйлеріне келіп жүретін, Қаратайдан шешесін қызғанады. Досы Сұлтан екеуі неше түрлі қызық оқиғаларды бастарынан кешіп, көрермендерді талай рет қуантады. Ауылда беделі жоғары болған Қадырдың баласы, Қожа, әкесінің абыройын "шелектеп" төктім деп уайымдайды. Дегенмен, Қожа – ашық мінезді, арам пиғылы жоқ, ақкөңіл бала.
Шылымның зиянын түсінеді:   

Сұлтан берген темекіні тартып көреді, бірақ содан кейін темекіге жоламайтын болады.

- Міне, содан бері темекіні аузыма алмақ түгілі иісі мұрныма келсе, зытып жөнелемін,- дейді.

Қожа өз ісіне өзі есеп бере алады.

Хикаяттың әр тарауында Қожа әр қырынан суреттеледі.

Десек те, Қожаның тентектігі тектен-тек емес, белгілі бір логикадан туындайды. Адам жанын түсіне, ұға бермейтін шолақ белсенділерге, екі жүзділерге қаны қайнайды.

Сонымен, бүгінгі екі топтың пікірлерін саралай келіп, “Қожа – түбі адам болатын бала” деген тұжырым жасаймын.

1. «Менің атым Қожа» повесінің алғашқы аты?

А) «Қожаберген» В) «Өзім туралы повесть»

С) «Менің де атым Қожа» Д) «Балалық шаққа саяхат»

2. «Қысқы кешті» айтып 2-лік алған кім?

А) Балабекова В) Тұрсынбаев С) Қара Көже Д) Сары Көже

3. Жанардың фамилиясы?

А) Балабекова В) Майқанова С) Қадырова Д) Тұрсынбаева

4. «Түбінде адам болатын бала» деген кімнің сөзі?

А) Сұлтан В) Анасы С) Ахметов Д) Майқанова

5. «Ағаттықтың азабы» бөлімінде не туралы айтылады?

А) Орыс тілі сабағына дайындалмай келуі

В) Тәртібінің педкеңесте қаралуы

С) Мұғалімнің сөмкесіне бақа салуы

Д)Лагерьге жолдама үшін мұғалімге ренжуі.

6. Қожаның шын аты кім?

А) Қожабай В)Қожаберген С)Қожатай Д) Қожаберді

7. «Қожаны болашақ С. Мұқановымыз» деген кім?

А) Оспанов В)Майқанова С)Ахметов Д) Сәйбек қарт

ХҮІІ.Қорытындылау. Сабақты қорыту.

Повесть сендерге ұнады ма?

Қандай әсер алдыңдар?

Қожа қандай кейіпкер?