Сабақтың тақырыбы: Кесінді. Кесіндінің ұзындығы. Сынық сызықтар. Сабақтың мақсаты

Күні: 08.09.2016 ж.

Оқушылармен амандасу, танысу, оқушы қатысын тексеру.

1. 
   Екі нүкте арқылы неше түзу жүргізуге болады?
   
2. 
   Қандай сәулелер толықтауыш сәулелер деп аталады?
   
3. 
   Сүуленің түзуден ерекшелігі неде?
   

Кез келген екі нүктені бір ғана кесіндімен қосуға болады. түзуін жүргізіп (1-сурет), оның бойынан А және В нүктелерін белгілейік. Сонда біз түзудің екі нүктемен шектелген бөлігі – АВ кесіндісін салдық. А және В нүктелері кесіндінің ұштары деп аталады.

1-сурет 2-сурет

Кесінді – оның ұштары болатын екі нүктемен шектелген итүзудің бөлігі.

Кесіндінің ұзындығы – оның бойындағы таңдап алынған өлшем бірлігі неше рет орналасқанын көрсетеді. Мысалы, 2-суреттегі CD кесіндісінің бойында өлшем бірлігі үшін алынған 1 см ұзындық 4 рет орналасқан. Онда CD кесіндісінің ұзындығы 4 см. Жазылуы: CD = 4 см.

3-сурет

№50. 1) Дәптерге ұзындығы 6 см NP кесіндісін салып, белгіленуімен жазыңдар.

2) Дәптерге ОА сәулесін салыңдар. ОА сәулесінің О басталу нүктесінен бастап, сәуле бойына ұзындығы 2 см кесінді салыңдар. Сәуле бойына осындай 100 кесінді салуға бола ма? Не себепті?

№51. Дәптерге ұзындығы 8 см АВ кесіндісін сызыңдар. Оны бірі екіншісінен 2 см қзын екі кесіндіге бөлетін нүктені табыңдар. Табылған нүктені О әрпімен белгілеп, кесінділердің әрқайсысының ұзындығын көрсетіп жазыңдар.

№52. АВ кесіндісінің ұзындығы 18 см. Оның бойындағы 5 нүкте осы кесіндіні ұзындықтары бірдей кесінділерге бөледі. Әрбір кесіндінің ұзындығы неше сантиметр?

№54. Сәйкес ұзындықты таңдап алыңдар:

1. 
   Үстелдің биіктігін;
   
2. 
   Кітаптың қалыңдығын;
   
3. 
   Телеграф бағандарының арақашықтығын;
   
4. 
   Сырдария өзенінің ұзындығын.
   

1. Кез келген екі нүктені неше кесіндімен қосуға болады?

2. Сынық сызық дегеніміз не?

3. Сынық сызықтың түрлері.

№53, №56, №51 (2).