Тақырыбы: Астана-мақтанышым! Мақсаты



Дата28.01.2018
өлшемі54,93 Kb.
Тақырыбы: Астана-мақтанышым!

Мақсаты: 1. Балаларға еліміздің бас қаласы Астана туралы мәлімет беру.

2. Астана туралы деректермен білімін дамыту.

3. Отанға деген сүйіспеншілігін арттыру.Елжанды азамат болуға тәрбиелеу.

Көрнекілігі: Астананың көрікті жерлерінің суреттері, қанатты сөздер.

Тәрбиеші: Балалар, Астана-еліміздің бас қаласы. Әр елдің баласы өз Отанын, туған жерін қадірлей білуі керек. Біз елдің болашақ патриоттарымыз. Ата-бабамыз жасап берген ұлы жолды алдағы уақытта жалғастыруымыз керек. Балалар , біз осы астана туралы не білеміз? Астана туралы мәлімет жинақтаңдар. Батырғалиева Нұргүл Астана сөзінің шығу тарихы, яғни, атауы туралы бізге айтып берсін.

-Қаланың атауы қазақ тілінен алынған. Қазақша ол сөз елдің бас қаласы дегенді білдіреді. Астана сөзі қазақ тіліне парсы тілінен ауысқан. Онда ол «киелі орын», «босаға» деген мағыналарға ие.

-Астана қаласының бұрынғы атаулары туралы не білеміз?

-1862 жылы Ақмола қала мәртебесін алды.

-1962 жылы қалаға Целиноград атауы берілді.

-1998 жылы 6 мамыр жаңа елорданың атауы Астана болып өзгертілді.

- Елордасы Ақмоланың атын не үшін өзгертті?

Асель: Себебі,мола-қазақ ұғымында зират, өлген адамның мүрдесі деген мағынаны беретін болса,екіншіден шетелдіктер оны сөзбе-сөз аударып,қала болашағына қорқынышты тұжырымдар жасап жатты. Сондықтан, бас қалаға елді елең еткізер ат қажет еді. Астананың атауына байланысты Елбасы: Шынын айтқанда, астананың атауын ауыстыру ұдайы ойымнан шықпай, үнемі іздеумен болдым. Сөйтіп жүргенде,бір жолы түнде дәлірек айтсам,сағат түнгі екіде Астанадеген атау ойыма сап етіп, көкейіме қона кеткені, Астана дегеніміз-астана қазақша әдемі естіледі.

1 бөлім. Астана шежіресі.

Астана туралы білетін,жинақтаған өлеңдері, жырлары болса айтып ортаға.



Альбина:Алатау бастағанда асқарала,

Қосылды қуанышқа жас бала да.

Алматы өзінің жан жалғасында,

Арнайды ақ батасын астанаға

Айзада: Ата-баба салтымен,

Абай, Жамбыл даңқымен

Құлагердей құлшынып

Орнап мәңгі біршілік

Әруақ қонған жас қала.

Советов Нұрлыбек пен Серғалиев Бекарыс өз шығармашылығынан Астананың15 жылдығына арнап жазған өлеңдерін оқып берді.

Астанам бас қалам

қасында мақтанам

Астана жас қала

Жүректен толғанған.

Советов Нұрлыбек

Қазақстан жері үлкен, кең дала

Суы мөлдір, өзені көп, гүлдер өсіп жайқала

15-жылың құтты болсын

Бас қаласы-орман қала Астана

Серғалиев Бекарыс

Хор: «Елімнің жүрегі»-әні

Тәрбиеші:Күннен-күнге көркейіп, сән мен салтанаты жарасқан Астана барша қазақстандықтардың жүрек лүпілін еселеп, сәулет өнерінің қайталанбас үлгісін паш етуде.

2 бөлім. Ғажайып қала-Астана.

-Балалар, сендер осы елордамыз Астанадағы қандай ғимараттарды білесіңдер?

-Қалаға келген қонақтарды осы ғимараттармен қалай таныстырасыңдар?

Фатима: Бәйтерек

Қазағым, қара орманым-байтақ елім

Жақсыны, жаманды да байқап едің.

Асыраған мерейіңді асқақтатып,

Елбасы бойлап өскен бәйтерегің.

Нұрсұлтан-ел тірегі, алтын діңгек

Алыптың халқы ғана нарқын білмек

Қазағым шаттанатын кезің келді

Алашқа қорған болар ұл тудым деп.

Танытып терезесі теңдігіңді

Әлемге әйгіледі елдігіңді

Тереңге тамыр жайды Бәйтерегің

Сақтай біл ұлан-байтақ кеңдігіңді.

-Бәйтерек дегеніміз не? Ол туралы не білеміз?

-Осы бәйтерек ағашы туралы айтылған аңыз әңгімені кім біледі?

Жақсылық: «Нұр Астана»мешіті.

-Есілдің сол жағалауындағы еліміздің бас мешітінің алтынмен апталған негізгі күмбезінің биіктігі 43метр, одан өзге 25 кіші күмбездері бар, биіктігі 63 метр төрт мұнарасы бар. Имандылық үйінің сәулеті қызықтыра көз тартады. Мұнда бір мезгілде 10 мың адам намаз оқи алады.



Арсен: Пирамида

-Іргетасы дүниенің төрт бұрышына бірдей қарап, адамзатқа шапағат сыйлайтын, ұшарбасы алтын күнге ұмтылған пирамида қазақ елін көзге елестетеді екен. Алыстасаң аласарып,жақындасаң биіктей беретін,ал ішіне кірсең жан дүниең мейірленетін бұл ғимараттың бүкіл болмысы қазақ халқының биік болмысы мен достыққа адалдығын көрсетеді екен.



Мадина: Тәуелсіздік сарайы

-астана қаласындағы Тәуелсіздік сарайы Елбасымыздың тікелей бастамасымен 2007 жылдың желтоқсанында алғашқы кірпіші қаланған сарай құрылысы бір жылдың ішінде толық аяқталды.Астана қаласының он жылдық мерейтойына арналып салынған бұл ғажайып ғимарат Есіл өзенінің сол жақ жағалауында орналасқан.



Тәрбиеші: Балалар сендер байқап отырған болсаңдар, Астана қаласының барлық көрікті жерлері қай өзеннің жағалауына салынған? Олай болса Есіл өзені туралы не білеміз?

Аяжан: Есіл-республикамыздың солтүстік өңіріндегі Қарағанды,Ақмола, Торғай, Көкшетау, Солтүстік Қазақстан облыстарының жерін басып өтетін өзен атауы. Есіл деп аталатын елді мекен де бар. Есіл атауының алғаш дүниеге келуі туралы зерттеушілердің екі пікірі бар. Бірі-Есіл атауын «жасыл»деген зат түсімен байланыстырса, екіншісі-етістік түбірін тілге тиек етеді.

Қазақстанымыздың киелі ордасы туралы Нұрлыбек жырламақшы.

Айқында небір өткелін,

Кеңейтіп тарих беттерін.

Сенімін саған тапсырған.

Тәуелсіз елдің, текті елдің.

Шығармай жұртты қақпадан.

Басылар соқса ақ боран.

Ортаймас ырыс –құттары

Астана жайна, баққа оран.

Мұздақпен жапқан жотасын

Алатау саған ата шын,

«Астана-кіші інім»-деп

Алматы берген батасын.



Мадина: Қастерлей тыңдап осы үнді

Құлақтан еміп есілді

Қанатын жайып, көкке өрлеп

Астана кеңге көсілді

Қазақтың үлкен үйісің

Шежіре, аңыз, күйісің.

Әділдік жақтан наркескен,

Дуалы сөздің биісің

Өсірер әлі-ақ тербетіп,

Болашаққа ұл-қыз бесігін

Астана таңы арайлы,

Әлемге барша қарайды.



3 бөлім. Викториналық сұрақтар. Сен білесің бе?

  1. Қазіргі кезде Астана қаласының тұрғындарының саны қанша адамға жетті? 700 мың

  2. Астана рәмізі «Бәйтеректің» ұзындығы не себептен 97 метр? Бұл сан астананың Алматыдан Астанаға 1997 жылы көшірілуіне байланысты

  3. Жаңа көпірдің ұзындығы? 214метр

  4. Жаңа көпірге қандай ат берілді? Сарыарқа

  5. Астанадағы ең басты қатынас жолы? Республика даңғылы

  6. Көпірдің оң жағалауында тұрған биік ғимарат? Астана Тауэр

  7. Қазақстанның схемалық картасы іспетті парк қалай аталады? Атамекен

  8. «Думан» океанариумына теңіз суымен толтырылған қанша аквариум сыйып тұр? 13 үлкен аквариум

  9. 1900 жылы Ақмола уезінің ең мықты балуаны және қара күш иесі кім еді? Қ Мұңайтпасов

  10. Қазақстан тәуелсіздік алғаннан кйін ғарышқа самғаған қазақ ғарышкері кім? Талғат Мұсабаев

Қорытындылау. Хор «Көк тудың желбірегені»

Міне, 1998 жылдан бері көркейіп келген Астана әсем қалаға айналды. Астананың өркендеуі Қазақстанның өркендеуі дегендей, Астанаға әсем ғимараттар мен мәдени сарайлар салынғалы бері Астанамызға күн сайын жан-жақтан туристер, қонақтар ағылып келіп жатыр.



Інжу: Ортақ мекен-жер шары

Төбемізде бір аспан

Барлық ұлттың баласы,

Достығымыз жарасқан.



Туыспыз біз бәріміз.
Каталог: uploads -> doc -> 051b
doc -> Сабақ тақырыбы: Шерхан Мұртаза «Ай мен Айша» романы Сабақ мақсаты: ҚР «Білім туралы»
doc -> Сабақтың тақырыбы Бала Мәншүк ( Мәриям Хакімжанова) Сілтеме
doc -> Ана тілі №2. Тақырыбы: Кел, балалар, оқылық Мақсаты
doc -> Сабақ жоспары «Сәулет және дизайн» кафедрасының арнаулы пән оқытушысы, ҚР «Еуразиялық Дизайнерлер Одағының» мүшесі: Досжанова Галия Есенгелдиевна Пәні: Сурет және сұңғат өнері
doc -> Сабақ Сабақтың тақырыбы : Кіріспе Сабақтың мақсаты : «Алаштану» курсының мектеп бағдарламасында алатын орны, Алаш қозғалысы мен Алашорда үкіметі тарихының тарихнамасы мен дерекнамасына қысқаша шолу
doc -> Тәрбие сағаттың тақырыбы: Желтоқсан жаңғырығы
doc -> Сабақтың тақырыбы : Әбунасыр Әл- фараби Сабақтың мақсаты
doc -> Сабақ жоспары Тақырыбы: Үкілі Ыбырай Мектеп:№21ом мерзімі
051b -> Зат есім. 1-деңгей. 1-жаттығу
051b -> Сабақтың мақсаты: «Біле бер, қанша білсең тағы тіле, Жетерсің мұратыңа біле, біле.»


Достарыңызбен бөлісу:


©www.engime.org 2017
әкімшілігінің қараңыз

    Басты бет