Тақырып: Әдептен озбайық Құндылық: Дұрыс әрекет Қасиеттер

Оқушыларға дұрыс әрекет құндылығының мәнін ұғындыру, өмірлік құндылықтарды бағалай білуді үйрету.

1.Оқушыларға әдептілік, ұқыптылық және зиянды әдеттерден аулақ болуын ұғындыру.

2.Оқушылардың бойына әдептілік, ұқыптылық, зиянды әдеттерден аулақ болу,өз-өзіне сенімді болуын дамыту.

3.Оқушыларды әдептілікке, ұқыпты болуға тәрбиелеу.

Журналдар, желім,

А3 қағазы, маркерлер,

интерактивті тақта, баяу музыка, түрлі-түсті қағаз

1. 
   Ұйымдастыру кезеңi. Тыныштық сәтi.
   

Орманға саяхат

Біз ауа кемесімен аспанға көтерілдік. Аспаннан ұшақ ішінен қарағанда біздің туған өлкеміздің шексіз-кең байтақ әсерін көріп отырмыз. Қараңдаршы биік таулары қандай керемет. /Үзіліс/

Өзен-көлдерінде балықтарды тулап жүр. /Үзіліс/ Ормандарында құстар сайрап, аңдар асыр салып жүр /Үзіліс/. Кең далада самал жел еседі /Үзіліс/. Біздің отанымыздың әсем қалалары мен ауылдарында қайырымды, еңбекқор адамдар тұрып жатыр /Үзіліс/.

Біздің жүрегіміз Отанымызға деген мақтаныш сезіміне толы.

Рахмет!
3.Үй тапсырмасын тексеру №9, «Сұлулық» тақырыбына шағын эссе жазу.

Кезекпен оқып беру.

Аға әдепті болса,іні әдепті,

Апа әдепті болса,сіңлі әдепті.

Қазақ мақалы

Осы мақалдың мәнін ашып беріңіз?

/балалар өз ойларын айтады/

Бір жұрттың бас әкімі екінші бір байға жолығысып сөйлесіп тұрғанда, қасынан бір жарлы мұжық өтіп бара жатып иіліп, бас ұрып салем берді дейді. Оған қарсы әлгі үлкен әкім төре онан да төменірек бас ұрып салем алды. Қасындағы бай:

• 
  Тақсыр, осынша жұрттың әкімісіз,осы бір мұжыққа неге сонша бас ұрасыз?-деп айтты дейді.
  

• 
  Ешбір ілім-білім үйренбеген мұжық сонша иіліп, әдептілік көрсеткенде, мен онан әдепсіз болып қалайын ба?-депті.
  

1. Әңгіме не туралы?

2. Неліктен әкім мұжыққа сәлем берді?

3. Егер осындай жағдайда болсаң сен не істер едің?

Тақырыбы: «Әдептен озбайық»

1топ.Таратылған түсті журналдың суреттерін қиып алып коллаж жасау. Коллаж жасау талаптары беріледі.

2 топ. Осы тақырып бойынша 4 жол өлең шығару.

Әр топ өз жұмыстарын қорғау.

Мені үлкендер әдепті деп мақтайды,

Мінезімнен теріс қылық таппайды.

Ал егер сен жалқау болсаң тілазар,

Ондай әдет жақсылыққа жатпайды.
Қайырмасы:

Айтқан тілді аламын,

Айтқан жерге барамын.

Мен әдепті, мен әдепті баламын!

Қарсы алдынан кесіп өтпей көлденең,

Қашанда мен ұлкендерге жол берем.

Абайсызда қалса біреу сүрініп,

Сол заматта сүйеніш боп қол берем.

Тілін алып кішінің де кәрінің,

Көңілінен шығып жүрмін бәрінің.

Ата- ананың айтқан сөзін тыңдауды,

Әдептілік белгісі деп таныдым

«Әдептілік-әдемілік» тақырыбына эссе жазу.

Баяу музыка орындалады.

-Балалар, денелеріңді түзу ұстап, бастарыңды жоғары көтеріп, ыңғайланып отырыңдар. Көздеріңді жұмыңдар. Ауаны терең жұтып, еркін тыныс алыңдар. Өздеріңнің тыныс алуларыңды бақылап, бақытқа, сүйіспеншілік пен тыныштыққа толы таза, шипалы ауаны тұла бойларыңмен толық сезініңдер.Әдепті адам өзіне және өзгелерге, қоршаған ортаға түсіністікпен,сыйластықпен, құрметпен қарайды.Әдеп сақтау-адамгершіліктің белгісі.Әдептілікті сақтайық,тәлім-тәрбиеден озбайық .

Ал енді көздеріңді ашыңдар.Сабақ аяқталды. Сау болыңыздар!