ТОРҒАЙ СИЕЗІ Марттың 8-інде Орынборда Торғай облысының орыс-қазағының жалпы сиезі болды. Сиез
басында Торғай облысының комиссары һәм Орынбор гүбірнесінің комиссары Цвиллинг
болды. Сиез ашылған соң Цвиллинг ұзын сөзбен бастан кешіріп тұрған заман халымен
өкілдерді таныстырып, сиез ретті сиез болатын болса, қоятын екі шартты орнына келтірсін
дейді. Ол шарттар: 1) жиылған өкілдердің өкілет қағазы тексерілсін. Қағазы жоқ
контрреволюционер (бостандық дұшпаны) адамдар сиезден шығарылсын; 2) бұл сиез
Орынбор гүбірнесінің сиезімен қол ұстасып, іс қылатын болсын. Егер бұл шарттар орнына
келмейтін болса, сиез тоқтаусыз жабылады деген. Жиылған өкілдер «Бұл — сиездің құқын
жоямын деген сөз. Екі шартына да көнбейміз» деген. «Егер Цвиллинг қорқыта беретін
болса, Ақтөбеге барып сиез жасаймыз» деген.
Соңынан Орынбордан алынған хабарға қарағанда сиезге кipген қазақтардың ішінен Ахмет
Бірімжанов, Ғұбайдолла Теміров, Сарыбай Берікбаев һәм Сәлімгерей Сайдалин сенімсіз
табылып, сиезден қуылып шығыпты.
