Алқабилердің ант қабылдауы (ҚР ҚІЖК 558-бап)

Алқабилер алқасы құрылып болғаннан кейін төрағалық етуші немесе сот отырысының хатшысы сот отырысының залында қатысып отырғандардың барлығына орындарынан тұруды ұсынады.

Содан соң төрағалық етуші алқабилерге ант қабылдау ұсынысымен өтініш жасайды. Ант мынадай мазмұннан тұрады: "Алқабидің міндеттерін атқаруға кірісе отырып, өз міндеттерімді адал және бейтарап атқаруға, сотта қаралған барлық дәлелдемелерді, дәлелдерді, істін мән-жайын назарыма алуға, ерікті азамат және әділ адам ретінде істі өзімнің ішкі нанымым мен ар-ожданым бойынша шешуге салтанатты түрде ант етемін". Алқаби "Ант етемін!" деген сөздерді айтумен антты қабылдауын растайды. Алқабилердің ант қабылдағаны туралы сот отырысының хаттамасына жазба жасалады.