Амангельдинова Іңкәр №23 «ЖОББМ» 4 «а» сынып оқушысы.
2020 оқу жылының қараша айының 23-нен бастап 2021 оқу жылының 15 мамыр аралығында аптаның дүйсенбі, сәрсенбі, жұма күндері волонтерлік жұмыс атқардым. Волонтерлік жұмысты бастамас бұрын Іңкәрдің анасы және сынып жетекшісі Канапиянова Алия Токтагазиновна танысып, әңгімелесу жұмыстарын қарастыра отырып Іңкәрдің қандай пәндер бойынша қиналатынын, қай пәндер бойынша тақырыптарды ауқымды қамтып жұмыс жасау қажеттігін білдім. Волонтерлік жұмыс барысында Іңкәрға қазақ тілі, математика, дүниетану, жаратылыстану, әдебиеттік оқу пәндері бойынша үй тапсырмаларын орындауға, әр пән бойынша сабақта өткен тақырыптары аясында сұрақтары болса сол бойынша түсіндіру, қайталау жұмыстарын жүргізе отырып кері байланыс орын алып отырды кері байланыста мен тест тапсырмаларын, серпілген сауал, бекіту сұрақтарын қою арқылы жүргіздім. Сонымен қатар қосымша олимпиада тапсырмаларына, бөлім бойынша жиынтық бағалау, тоқсан бойынша жиынтық бағалау тапсырмаларына алдын ала дайындық жұмыстарын жүргіздім. Қазақ тілі пәні бойынша
зат есім тақырыбы оқулықта берілген тапсырмаларды бірлесе орындадық. Қиындық туындаған жерлерді бірге шештік. Оқушы зат есімге сұрақ қоюды және оны сөйлем ішінен тауып астын сызуды үйренді. Математика пәні "Көбейту және бөлу амалдары" тақырыбы бойынша біртаңбалы сандарды көбейту амалдарын орындауды үйрендік. Тексеру үшін кері байланыс ретінде бөлуді үйренді. Ең бастысы мен өзімнің жасаған жұмысымның нәтижелі болғанына қатты қуанамын.
