Зерттеу жұмысының басты нысаны болып Ақтөбе облысының флорасындағы кальцефит өсімдіктер алынды.
Жалпы облыс көлемінде флоралық арнайы аймақ шегін зерттеу жұмыстарындағы секілді біз де кальцефит өсімдіктердің биоалуантүрлілігін зерттеу барысында оларға жан-жақты ботаникалық сипаттама беруді, олардың таралуы ерекшеліктері мен экологиялық тобы туралы мәліметтер жинақтап, талдадық. Тиісті тіршілік формаларына іріктеу жасалып, тиісті әдебиеттерге шолу жасау арқылы шаруашылық-құндылық тұрғыдан маңызды перспективті түрлерін анықтап, нақты баға бердік.
Ақтөбе облысы флорасындағы кальцефиттердің тіршілік ету ортасын анықтау далалық маршрутты әдіс бойынша жүргізілді, өсімдіктердің өсу ортасының кординаттары арнайы GPS навигатор арқылы мақсатты экспедиция құрамында болған уақытта тіркелді(Кесте).
