Қазақстан Республикасында діни экстремизм мен терроризмге қарсы іс-қимыл жөніндегі 2013 2017 жылдарға арналған мемлекеттік бағдарламаны іске асыру жөніндегі іс-шаралар жоспарын бекіту туралы

террористік тұрғыдан осал объектілердің, тұрғындардың, уәкілетті мемлекеттік органдардың күші мен құралдарының экстремистік және террористік әрекет салдарларын азайтуға және жоюға дайындығының дәрежесі 2017 жылы 100 % құрайтын болады

1) террористік қызметтің салдарларын барынша азайту және жоюға терроризмге қарсы операция жүргізу бойынша толық дайындық талаптарына жауап беретін терроризмге қарсы күрес жөніндегі жедел штабтардың үлес салмағы 2017 жылға қарай 100 %-ға жетеді;

2) тұрғындарды ақпараттандыру мақсатымен ресми бұқаралық ақпарат құралдарында (республикалық және жергілікті) терроризм актісінің ықтимал қатері немесе жасалуы, терроризмге қарсы операция жүргізу кезінде азаматтардың өзін-өзі ұстау ережелерінің жыл сайынғы орналастырылуын қамтамасыз ету;

3) 2017 жылға қарай пайдалануға жаңадан берілетін террористік тұрғыдан осал объектілердің қазіргі заманғы қауіпсіздік жүйелерімен қамтамасыз етілу деңгейі 100 % құрайды, ал қолданыстағыларының қамтамасыз етілуі – кемінде 70 % құрайтын болады;

4) 2017 жылға қарай терроризм актісінің қатері немесе жасалуы кезінде қажетті қауіпсіздік пен ден қою шараларына террористік тұрғыдан осал объектілердің жауапты қызметкерлерінің кемінде 90 %-ы оқытумен қамтылатын болады;

5) кәсіби авариялық-құтқару қызметтері мен құрамаларының қажетті қазіргі заманғы жабдықтармен жарақтандырылуы жыл сайын 1,5-2 %-ға арттырылады;