Шұғыл жәрдем беру және сүйемелдеу емін жүргізуге тіреледі. Ең алдымен науқастың төсегінің бас жағын жоғарырақ ұстау, оттегі ингаляциясы және назотрахеялдық сорғышпен кеңірдекті тазарту керек. Медикаментті емде жүрек гликозидтерін мөлшерлеп венаға жібереді. Жүрек гликозидтерін пайдалануға болмайтын жағдайлар: брадикардия, атриовентрикулярлық блокада, қарыншалық тахикардия, септикалық эндокардит, анурия; экссудативті перикардитте де гликозидтерді қолдануға сақтық керек. Лазикс не фуросемид, тәулігіне 2-5 мг/кг, бронхоспазмды кетіру үшін 2,4% эуфиллин. Өкпе ісінуінде және жүрек астмасында аминазин, пипольфен, промедолды, реополиглюкинмен қосып венаға салғанның жақсы әсері бар. Психомоторлы қозуды басу үшін седуксен, дроперидол қолданылады. Журектің жедел ағымды жеткіліксіздігінде гипо және гиперволемияның екеуінің де қауіпті әсері бірдей. Сондықтан полярлық қосынды 10 глюкоза, инсулин, панангин 1,0 4,0 мг, 0,25 новокаин, одан басқа гемодез, реополиглюкин, ацидоз,болса 4 натрий гидрокарбонат ерітіндісін белгілі мөлшерде енгізу керек.
