Курстың академиялық саясаты

Студент барлық сабақтарға қатысуға міндетті. Қандай да бір себептермен сабаққа қатыса алмаған студент өтілмеген материалды өзбетінше игеруге міндетті.

Студент бақылау тапсырмаларын орындауға және бекітілген мерзімде тапсыруға міндетті. Мерзімінен кеш тапсырылған бақылау жұмыстарының бағасы төмендетіледі.

Рубеждік бақылау қорытындысы шығарылғанда студенттің сабақтарға қатысымы, өзіндік жұмыстарды орындауы және бекітілген мерзімде тапсыруы, сабақтардағы ауызша және жазбаша жауаптары, рубеждік бақылау жұмысының нәтижесі ескеріледі.

Студент науқастануына байланысты немесе басқа дәлелді себептермен сабақтарға қатыспай, рубеждік бақылауды мерзімінде тапсыра аламаса, дәлел құжаттар негізінде жеке тапсыру құқығына ие болады. Мұндай жағдайда ұсынылған дәлел құжаттар негізінде рубеждік бақылау мерзімі студент үшін жеке бекітіледі.

Студент сабаққа уақытында келуі тиіс. 10 минуттан артық кешіккен студентті оқытушының сабаққа кіргізбеу құқы бар.

Сабақ кезінде ұялы телефондар сөндірілуі тиіс.

Мүмкіндігі шектеулі студенттер е-mail арқылы пән оқытушыларынан консультация, әдістемелік көмек алуына болады.