Жеңгесі: -Біліп ем... Бір түрлі секем алып ем! Аққыз: Онда тұрған не бар? Жеңгесі: -Онда мән бар ғой... Білезігіңді алғаны білегіңнен ұстады дегені... Алқаңды алғаны кеудеңе шықтым дегені... Бөркіңді алғаны басың мендік дегені емес пе? Автор: Жазмыш дегеніңіз сол екен. Арын аттай алмаған Аққыз Ағадыр еліне келін болып түсті. Аққыздың ақыл көркіне таңдай қағып, Наймантайдың жігіттік өнеріне бас иіп, ауыздан-ауызға әдемі аңыздай әңгіме таралып жатты. 1-жүргізуші: Ақселеу Сейдімбек ең әуелі халқына көркем шығармашылығымен, мерзімді баспасөз беттерінде жиі жариялайтын мазмұнды мақалаларымен, очерктерімен танылды. Әдеби сынға да айтарлықтай үлес қосты. Жазған мақалаларында әдебиет пен тіл, мәдениет пен білім, өнер мен өмір, қоғам мен уақыт, ел мен жер, тарих пен ұлт келешегі туралы келелі - келелі мәселелерді көтеріп, оған қатысты ойсыздық, бейғамдық, тоқмейілсу, енжарлық пен еріншектік, астамшылық пен қанағатсыздықты сыншылдықпен көрсете алды. Ендігі кезекте Ақселеу Сейдімбековтің әңгімелерінен үзінділерді тыңдай отырыңыздар.
