Әдебиеттер тізімінде оқу ақпаратттық жұмысқа дайындалуға және жасауға қажетті және басқа да материалдар көрсетіледі.
Физика пәні бойынша зертханалық жұмыстарды орындау процесінде техникалық оқу құралдарын қолданудағы техника қауіпсіздігі мен өмір қауіпсіздігінің типтік ережелері:
Жұмысты сырт киіммен жасауға болмайды.
Оқытушының рұқсатынсыз жұмысқа кірісуге болмайды. Алдын-ала жұмыс жасауға оқытушыдан рұқсат алу керек.
Жұмыс үстеліне құралдар, қондырғылар мен материалдарды, оларды құлатып, сындырып, төгіп алмайтындай етіп, ұқыпты орналастыру қажет.
Жұмысты жасау алдында оның мазмұны мен орындалу ретін мұқият оқып алу керек.
Тәжірибе кезінде өлшеу құралдарына шамадан тыс жүктеме (қызып кетуі) беруге болмайды.
Механизмдердің дұрыстығын бақылаңдар. Құралдың айналып жұмыс істеп тұрған жеріне еңкейіп, ұстауға болмайды.
Электр тізбектерін жинағанда қорғанышы бар сымдарды қолданыңдар.
Жиналған схеманың дұрыстығына көз жеткізгеннен кейін ғана, электр көзіне қосады.
Электрлік құралдардың корпусына, ажыратылған конденсаторлардың қысқыштарына қол тигізуге болмайды.
Изоляцияланған электр құралдарын қолдану керек.
Жұмысты жасап болғаннан кейін, алдымен электр көзін сөндіріп, сонан соң тізбекті ажыратады.
Ток көзіне қосылған электр құралындағы ақауды байқасаң, құралды тез арада электр көзінен ажыратып, оны оқытушыға не лаборантқа айту керек.
Зертханада тазалық пен ұқыптылық сақтау қажет. Жұмысты орындап болғаннан кейін жұмыс орнын ретке келтіру керек.
Студенттерге қолданған құрал-жабдықтар мен материалдар үшін жауапкершілік жүктелетінін есте ұстау керек.
Зертханадан шығар алдында электр вилкалары токтан ажыратылғанын тексеру керек.
Достарыңызбен бөлісу: |
