Күні: Ұйымдастырылған оқу іс- әрекеті

Дыбыс пен әріптің айырмашылықтары қандай?

- Балалар, енді осы дыбыстарды хормен жеке-жеке айтамыз: а, э, и т.б.

Тәрбиеші суреттерді көрсете отырып балалар оның ішіндегі сөздерге мән береді. Көбелек, домбыра, орындық, үйрек т.б. тауып оқиды, осы сөздердегі дауысты дыбыстарды тауып олардың айтылу ерекшеліктеріне назар аударады.

Баланың білімін жан-жақты тексеру. Әр түрлі жаттығулар арқылы орындалады.

Тәрбиеші бірнеше сөздер айтады. Балалар сол сөздегі дауысты қанша болса қолдарын шапалақтап білдіртеді. Мысалы: күшік, кітап, өзен, дала, қаз, балапан т.б.

"Ұйқасын тап" ойыны.

Орыннан орынға ауысқан,

Ұшқалақ қарала... (сауысқан)

Бәрі бірдей жұмысқа

Шығады кім? (құмырсқа)

Топтық жұмыс. Жаттығулар орындайды. Дауысты дыбыстарды тауып астын сызады. Сөйлемдер құрайды.

Өздерің білетін дауысты дыбыстарды атаңдар.

- Жануарлардың "дыбысын" келтірейік ...

- Сиыр қайтеді?

- Есек қайтеді?

- Өз атын өзі шақыратын құсты білесіңдер ме?

- Көкек. ко-кек, кө-кек.. Соңғы (к) дыбысты созып айтып көрейікші

- Балалар, дыбыстар кедергіге ұшырап шығуынан жасалатын дыбыстарды дауыссыз дыбыстар дейміз. Дауыссыз дыбыстарда үн болмайды немесе өте аз болады.

- Дауыссыз дыбыстар 26. Қане 26-ға шейін санап көрейікші. Көп екен ә? ...

Бірнеше дауыссыз дыбыстарды айтқызу: Т. ...ы; р. ...ы; к. ...і; г. ...і.

Бас бармақ — әкем,

Балаң үйрек - шешем,

Ортан терек - ағам,

Шылдыр шүмек - әпкем,

Кішкентай бөбек - мен.

Бір үйде біз нешеуміз?

Бір үйде біз (бесеуміз).

Дәтердегі сөздерді буынға бөледі, дыбыстық талдау жасайды.

Жетпей тұрған фигураны салады.

Кубик, қонжық, дәптер сөздерін буынға бөледі, дыбыстық талдау жасайды.

Дәптердегі элементтерді жазады, машинаның суретін салады

"Адасқан әріптер" ойыны жүргізіледі.

Жаңа сабақты түсінгенін байқау.

Тірек—схема бойынша сөйлем құрау. Сабақты бекіту.

— Бүгінгі сабақта не үйрендік?

— Дауысты дыбыстарды атаңдар.

— Дауыссыз дыбыстардың ерекшелігі неде? Бағалау, мадақтау.