1.4-қадам. жоба командасы Кез келген жоба шешуді қажет ететін көптеген міндеттерден тұрады. Шағын
жобаларда басқарушы және тікелей орындаушы функцияларын бір адам
атқара алады. Үлкен жобаларда бұл мүмкін емес: жобаның өмірлік циклінің
әртүрлі кезеңдерінде тапсырмаларды орындауға әртүрлі адамдар қатысады.
Жалпы, олар жоба командасы деп аталады.
Жобадағы адамдарды басқару мен қалыпты желілік басқару арасында
айырмашылық бар. Жобалық топ мүшелерінің әрқайсысының әдетте
өздерінің бағынатын менеджерлері болады және олар сіздің жобаңызға
қатысы жоқ басқа тапсырмаларды қоя алады.Сіз олармен жоба аясында ғана
жұмыс жасайсыз, жобаның аяқталуымен сіздің командамен жұмысыңыз да
аяқталады. Дегенмен, соған қарамастан, сіз команданы басқара білуіңіз
керек, оның мүшелерін ынталандырып, оларға бағыт-бағдар бере білуіңіз
керек. Ол үшін әр топ мүшесі жоба аясында нені және қандай мерзімде
аяқтауы керектігін нақты анықтау қажет. Сонымен қатар, олардың
әрқайсысының тікелей жетекшісінің тапсырмаларын орындап қана қоймай,
сіздің жобаңызда шынымен жұмыс істейтінін қамтамасыз ету қажет.
Әңгімелесуден бастау керек, әр топ мүшесімен оның жобаға қатысуын және
оның осы үдерістегі көшбасшылық рөлін талқылау керек.
