Қоғамдық құрылыс. Жаңа тас дәуірінде жер өңдеудің пайда болуы әйелдер еңбегінің ауқымын кеңейте түсті. Олардың тамақ жасау, балаларды тәрбиелеу сияқты жұмыстарына жаңа міндеттер оны қамбаға тасыды. Жүннен, жануарлар терісінен, өсімдік талшықтарынан киім тоқып, тікті. Сонымен қатар олар балшықтан дән, сүт, су сақталатын үлкен ыдстар жасады. Ана-отбасының ұйытқысы, бүкіл салт-дәстүрдің сақтаушысы болды.Әйелдердің еңбегі ауқымының кеңеюі олардың қоғамда жетекші орын алғандығын көрсетті. Қоғамдағы тұңғыш ұйым-аналық ру деп аталды. Аналық ру адамдары ана жағынан туыс болып есептелді. Балалар ана руының қатарына жатты. Аналық ру кезінде өндірістік еңбек құрал-жабдықтарына қауымдық меншік сақталды. Ру мүшелері бірге өмір сүрді. Ру ішінде болатын барлық мәселелерді ру кеңесі шешіп отырды.
