Научно-методический журнал Серия: Естественно-технические науки. Социальные и экономические науки. Филологические науки
жүктеу/скачать 4,81 Mb. Pdf көрінісі
|
2-сан 2023 (1-серия)
| Yusupov Qonısbay Abılovich
Yusupov Qonısbay Abılovich – 1964-jılı 1-avgustta Shımbay rayonı ―Taza jol‖ awılında pedagog shańaraǵında tuwılǵan. 1981-jılı Shımbay rayonlıq 15-sanlı ulıwma orta bilim beriw mektebin ayrıqsha bahalar menen pitkergen. 1986-jılı Nókis mámleketlik universiteti filologiya fakultetiniń qaraqalpaq tili hám ádebiyatı bólimin tamamlap, 1986-2003-jılları Shımbay rayonlıq 15- sanlı mekteptiń muǵallimi, oqıw isleri boyınsha direktor orınbasarı bolıp isledi. 1998-2001-jılları NMPInıń izleniwshisi bolıp izertlewler alıp barıp, 2002-jılı 3-mayda «Qaraqalpaq ádebiyatında Aydos biy obrazı» degen temada dissertaciyalıq jumısın tabıslı qorǵap filologiya ilimleriniń kandidatı boldı. 2003-jıldan baslap Berdaq atındaǵı Qaraqalpaq mámleketlik universitetiniń oqıtıwshısı, doktorantı (2006-2009), docenti (2011), kafedra baslıǵı (2011-2017) lawazımlarında miynet etti. 2021-jılı ―Akademiyalıq liceylerde qaraqalpaq ádebiyatın oqıtıw metodikası‖ degen temada doktorlıq dissertaciya jumısın jaqlap pedagogika ilimleriniń doktorı (DSc) ilimiy dárejesin, 2023-jılı 1-aprelde Ózbekstan Respublikası Joqarı Attestaciya Komissiyası tárepinen professor ilimiy ataǵın alǵan. Házirgi kúnde ―Qaraqalpaq ádebiyatı‖ kafedrasınıń professorı lawazımında islep atır. Alımnıń avtorlıǵında ―Қарақалпақ тили ҳəм əдебияты бойынша тест сынаўлары‖ (1994), «Баянлар топламы» (1995), «Педагогикалық практика» (2011), «Питкериў қəнигелик жумыслары» (2011), «Қəнигелик пəнди оқытыўда инновацион технология», (2015), «Камал Мəмбетовтиң өмири ҳəм дөретиўшилигин үйрениў усыллары», (2017), «Ш.Сейтов прозасын таллаў усыллары» (2017), «Академиялық лицейлерде қарақалпақ əдебиятын сабақтан тыс жумыслар арқалы үйрениўдиң илимий методикалық мəселелери», (2018), «Qaraqalpaq ádebiyatın oqıtıw metodikası» (2018), «Академиялық лицейлерде қарақалпақ əдебиятын оқытыў методикасы» (монография, 2019), «Академик лицейларда қорақалпоқ адабиѐтини ўқитиш методикаси (pedagogika fanlari doktori (DSc) dissertaciyasi avtoreferati) (2021), «Kórkem shıǵarmalardıń mazmunıń úyreniw metodikası» (2021), «Qánigelik hám pedagogikalıq ámeliyat» (2021), «Arnawlı pánlerdi oqıtıw metodikası» (2022), «Qaraqalpaq ádebiyatın oqıtıw texnologiyaları» (2022) degen atamadaǵı sabaqlıq, monografiya, oqıw hám metodikalıq qollanbaları baspadan járiyalandı. Ilimpaz ádebiyattanıw ilimi hám oqıtıw metodikasınıń áhmiyetli máselelerine baylanıslı 220dan aslam ilimiy teoriyalıq hám metodikalıq miynetler, sonnan 2 monografiya, 3 sabaqlıq, 10 oqıw qollanba, 200 den aslam ilimiy maqala (16 ilimiy maqalası Scopus hám Web of science bazasında shet el jurnalllarında, 36 tezisi xalıqaralıq konferenciya toplamlarında), 5 gúwalıqtıń avtorı. Q.A.Yusupov Qaraqalpaqstan Respublikası Joqarǵı Keńesiniń ―Húrmet jarlıǵı‖ (1992, 1997) hám ―Ózbekstan xalıq bilimlendiriw aǵlası‖ (1992, 1997) kókirek nıshanları menen sıylıqlanǵan. Pedagogika ilimleriniń doktorı, professor Yusupov Qonısbay Abılovich óz qánigeligi boyınsha ilimiy mektep qáliplestirip, 5 erkin izleniwshige ilimiy basshılıq etip atır. Ol 16 magistrlik dissertaciya hám 50 den aslam pitkeriw qánige- lik jumıslarına basshılıq etti. жүктеу/скачать 4,81 Mb. Достарыңызбен бөлісу:
|