Курстық жұмысты безендіру дайын мәтіндерді бөлімдерге енгізуден басталады. Әр бөлімнен соң қорытынды жасалады. Теория мен практика қорытындылары кіріспеде жазылады.
Кіріспе – ғылыми жұмыстың компьтермен жазылған 2 – 3 парақтан тұратын алғы сөзі. Кіріспеде курстық жұмыстың үш бөліміне қысқаша сипаттама беріледі.
Автор бірінші сөйлемнен бастап тақырыбының өзектілігін, Қазақстан Республикасының мектептерінің қажеттіліктеріне сайлығын, ірі зерттеу бағдарлама, тақырыптармен байланысын, зерттеу жұмысының мақсат, міндеттерін, жұмысының практикаға пайдасын, тәжірибе жүргізілген мектептің, әдебиеттердің зерттеу әдістерінің қысқаша сипаттамасын, қорғауға ұсынатын пікірлерін, мәселе туындап тұрған жұмыс үлескелерін,
оны қандай құралдармен шешкенін, зерттеу жаңалығын, алынған нәтиженің мектеп жұмысының сапасын көтеруге қосқан үлесін, зерттеу жұмысының құрылымының дұрыстығын оқырманды қызықтыратындай, қысқаша етіп жазу керек.
Кіріспенің талапқа сайлығын тексеру үшін В.В.Краевскийдің сызбасын пайдалануға болады.