Жетік білуі керек: түрлі жастағы, жыныстағы, спорттық біліктілігі тұлғаларды үйрету мен жаттықтыруда түрлі маңызды міндеттерді, тәсілдерді іске асыруда;
Дене шынықтыру мен спорт бойынша оқытуда, тәрбиелеуде, сауықтыруда және спорттық жаттығулар бойынша инновациялық технологияларды;
Дене күш және спорттық дайындықты оңтайландыру мәселелерінде сыртқы ортаның табиғи жағдайларын, педагогикалық, медициналық-биологиялық бақылауды тиімді пайдалануды;
Түрлі жастағы, жыныстағы спортшылардың денсаулығын ғылыми негіздеу, жоспарлау, бақылау және дене тәрбиесі процесін, спорттық дайындық деңгейін (дене, әдіс, тәсілдік, психологиялыө және қызметтік) басқару, сыртқы ортаның түрлі жағдайларындағы спорттық біліктілігіндегі ерекшеліктерін;
Ағзаның қор мүмкіндіктерін жетілдіру әдістері мен тәсілдерінде дене жұмысына қабілеттілігін оңтайландыру арқылы ағзаның бейімделу тетіктеріне зиян келтірмей жоғары спорттық нәтижелерге қол жеткізуді;
Дене шынықтыру қозғалысының түрлі буындарында жұмыс жүргізуді;
Көпшілік жұмыстарын іске асыру; дене шынықтыру мен спортты дамытуды жоспарлау; дене шынықтыру мен спорт бойынша ғылыми және бағдарламалық-әдістемелік қамтамасыздықтың дамуын іске асыруды;
Салауатты өмір салты мен дене шынықтыру және спортпен шұғылдануды насихаттауды;
Дене шынықтыру мен спортты басқарудың түрлі деңгейінде ғылыми тұрғыда менеджмент пен маркетингті ұйымдастыруды.
Оқу-жаттығу сабақтары мен жарыстарды өткізуді үйренумен қатар мектептегі дене шынықтыру сабақтарын өткізу үйретіледі. Студенттердің мамандық шеберліктері мектептегі педагогикалық және спорттық мекемелердегі жаттықтырушылық тәжірибеден өту кезінде үйретіледі. Семинарлық сабақтарда студенттер үй тапсырмаларын және өзіндік жұмыстарды орындау арқылы хабарлар дайындап тиісті бағаларын алады. Жоғарыда көрсетілген сабақ түрлерінен басқа студенттермен олардың спорттық шеберліктерін арттыру мақсатында қосымша жаттығу сабақтары өткізіледі. Студенттердің өзіндік жұмыс түрлеріне оқулықтармен жұмыс, реферат, курстық, дипломдық жұмыстарды жазу, жаттығу жоспарларын дайындау, күнделік жазу, ғылыми-зерттеу жұмыстарына қатысу, спорттық жарыстарды көру, талдау, қоғамдық жұмыстарға араласу т.б. жатады. Курстық жұмыстарды қорғау мамандық саласына байланысты орындалады.
Студенттердің білімін және спорттық шеберліктерін тексеру сынақ және емтихан түрлерінде оқу жоспарларында бекітілген мерзімдерде қабылданады.
Жергілікті жердің табиғат ерекшеліктеріне және құрал-жабдықтармен қамтамасыз етілуіне байланысты оқу орны бағдарламаға қосымша өзгерістер енгізулеріне болады.
