Алматы облысында бұл кесел тау шатқалында жəне ұсақ, жұмыр тасты қабат жақын орналасқан топырақта кездеседі. Күннің ыссы мезгілінде өсімдікке су жетіспеген жағдайда ауру дамиды. Сондай-ақ, агротехникалық шараларды (бұталау, сирету, шырпу жə- не т.б.) уақтысында жүргізбеу аурудың қарқынды дамуына əсерін тигізеді. Жапырақ астынан тікелей күн көзіне шығып қалған жеміс шоғыры да солуы мүмкін. Ыстық ауа райында топырақ ылғалы- ның жетіспеуінен ауру жаппай дамиды.
