Сабақ №1: Балалар әдебиеті мәнерлеп оқу практикумымен Сұрақтар мен тапсырмалар
жүктеу/скачать 43,68 Kb.
|
Тәжірибелік сабақтарға әдістемелік нұсқау
Жақсылық пен жамандық
| Тәжірибелік жұмыс:
Торғай мен адам Өткен заманда бір саясатшы тор құрып қойса, торына кішкене бір торғай түсіп қалыпты. Торғайды адам қолына ұстап үйіне апара жатса, торғай тілге келіп былай депті: – Мен кішкене торғаймын, союға жарамаймын, қапасқа салсаң құсалықпен өлемін. Мені еркіме қоя бер, кең дүниеге жібер. Ақысына сізге екі ауыз ақыл айтайын, – депті. – Кәне, ақылыңды айт, – депті адам. – Жарайды, бір ауызын қолыңда, бір ауызын жерге түскен соң айтайын. Өйткені қос қолдап қысып тұрғанда, өкпем қысылып ештеңе айта алмаймын, – депті торғай. Аңшы босатыпты. Бірінші – өткен іске өкінбе, екінші – көзбен көрмей сенбе! – депті. Торғай анадай жерге қонып отырып: – сен ештеңені білмедің, менің бөтегемде жұдырықтай гауһар бар еді, – дейді. Адам қонып отырған торғайды ұстауға тұра ұмтылыпты. Торғай әр жерге ұшып қонып ұстатпайды. Адам қуып қоймаған соң, адамға былай дейді: «Менің жаңағы айтқан өсиетіме түсінбепсің, өзің ақылыңа салшы, менің өзім жұдырықтай жоқпын, менің бөтегеме ондай зат қалай сыяды? Бұл бір. Екінші – мен саған ұстатпаймын, қанатым бар. Сондықтан өткен іске өкінбе» – деп ұшып кетті. 1.Мәтінде қандай нақыл сөз айтылған? А. Қапасқа салсаң құсалықпен өлемін Б. Өткен іске өкінбе, көзбен көрмей сенбе! В. Менің бөтегемде жұдырықтай гауһар бар еді. Г. Менің жаңағы айтқан өсиетіме түсінбепсің, өзің ақылыңа салшы, менің өзім жұдырықтай жоқпын, менің бөтегеме ондай зат қалай сыяды? 2.Адамның торғай айтқан нақыл сөзді ұқпағанын қайдан білуге болады? А. Адам торғайды жіберіп қойды Б. Адам торғайды қуа жөнелді В. Адам торғайдың сөзіне сеніп қалды Г. Торғайдың сөзіне алданып қалды 3. Адам қандай? Мінездеме бер? Дәлелде. _____________________________________________________________________________________________________________________________________________________________________________________ 4.Торғай Адамның нақыл сөзді ұққан-ұқпағанын қалай тексеріп көрді? Үзінді келтір. _____________________________________________________________________________________________________________________________________________________________________________________ 5.Торғай адамға неге ұстатпады? А. Ағашта қонып отырды Б. Торғай жүгіргіш В. Торғай босап кетті Г. Торғайдың қанаттары бар 6. Мәтін арқылы автор қандай идея айтқысы келді. Өз сөзіңмен жаз. _____________________________________________________________________________________________________________________________________________________________________________________ 7.Берілген мәтіннің жанры қандай? А. Ертегі Б. Аңыз В. Мысал Г. Мақал 8.Мына пікірлердің қайсысы мәтін оқиғасының қорытындысына сәйкес келеді? А. Торғай өз ақылының арқасында ажалдан құтылды Б. Адам ақымақ болған соң торғайды қуды В. Торғай адамды ақылды еткісі келді Г. Өткен іске өкінбеу керек жүктеу/скачать 43,68 Kb. Достарыңызбен бөлісу:
|