Сабақ №1 Өсімдіктер жасушасының физиологиясы және биохимиясы. Ферменттердің белсенділігін зерттеу әдістері

2. «Ферменттер» тақырыбы бойынша тапсырманы орындау.

Ферменттер катализатор ретінде: 1) термодинамикалық заңдар бойынша мүмкін емес реакцияларды тудырмайды; 2) қайтымды химиялық процестің алға және кері реакцияларының жылдамдығын арттырады; 3) химиялық өзгеріссіз қалады; 4) өте аз мөлшерде олар субстраттардың пропорционалды емес үлкен массасын түрлендіруге қабілетті.

Температураға және рН реакцияға байланысты инвертаза белсенділігін анықтау әдісі.

Инвертаза ферменті немесе сахараза (или β-фруктофуранозидаза), сахарозаның глюкоза мен фрук­тоза гидролиз реакциясын катализдейді:

С₁₂Н₂₂О₁₁ + Н₂О → С₆Н₁₂0₆ + С₆Н₁₂0₆

сахароза инвертаза фруктоза глюкоза

Егер Фелинг ерітіндісіне глюкозаның тобына жататын құрамында редукциялы қанттар бар (яғни бос альдегид тобы бар) ерітіндіні тамшылатып қосса, онда ерітіндінің көк түсі сарғыш қызыл түске айналады, өйткені мыс тотығы тұнба түзіп, мыстың шала тотығына дейін тотықсызданады.

Инвертаза ферментінің субстраты — сахароза редукциялы қасиет көрсете алмайды, ол кезде гидролиздің бір өнімі ретінде глюкоза Фелинг ерітіндісінде мыс тотықсыз қалпына келтіреді.

Осы әдіспен, инвертаза неғұрлым белсенді болса, соғұрлым глюкоза көп жиналады және мыс тотығының мысты шала тотығына айналуы тез жүреді. Бұл инвертазаның белсенділігін анықтау үшін қолданылады.