Сабақ өткізу үшін. №3 тақырып "Қазіргі заманғы жалпы әскери ұрыс негіздері"

С. Аманжолов атындағы ШҚУ әскери кафедрасының студенттерімен жалпы тактика пәні бойынша сабақ өткізу үшін.

Ұрыс сәттілігіне оған қатысқан әскерлердің өздері, олардың моральдары, жаттығулары мен қару-жарақтары қатты әсер етеді. Алайда, жеткілікті мөлшерде әскери күштер мен материалдық құралдардың болуы жеңістің өзі келеді дегенді білдірмейді.

Жалпы әскери ұрыс, күш-жігері бір оймен және жоспармен біріктірілген және мақсаты, уақыты мен орны бойынша келісілген құрлық әскерлерінің түрлері мен тектері және қарулы күштердің басқа түрлерімен, құрамаларының бөлімдері қатысатын жалпы әскери ұрыс. Қарсыласты жеңу қарудың барлық түрлерінің отымен, күшті соққылармен, қатысушы әскерлердің (күштердің) белсенді шешуші әрекеттерімен, жеке құрам күштерінің күш-жігерімен жүзеге асырылады.
Ұрыс – соғысушы тараптар жауынгерлерінің, бөлімшелері (ұшақ, кеме) мен бөлімдерінің ұйымдасқан қарулы қақтығысы. Ол жеңіске жетудің бірден-бір жолы және қарсыласты жою не тұтқындау, сондай-ақ маңызды аудандарды (нысандарды, шептерді) басып алу мен ұстап тұру мақсатында жүргізіледі.

Қазіргі заманғы ұрыс жалпы әскери болып табылады. Оған әуе қорғаныс күштері, ұтқыр әскерлер, құрлық әскерлерінің бөлімдері мен бөлімшелері, сонымен бірге теңіз жағалау бағыттары қимылдарында – шекара қызметіндегі теңіз дивизия кемелері және әскери-теңіз күштері қатысады.

Қазіргі заманғы ұрыс ядролық қару және жеңіліске ұшыратудың басқа да құралдарын немесе тек әдеттегі қару-жарақтар қолданып жүргізілуі мүмкін. Қарсыласты талқандау және ұрыста жеңіске жету, қарудың барлық түрлерінің қуатты соққылары, ұрысқа қатысушы бөлімдер мен бөлімшелердің белсенді және шешуші қимылдары, жауынгердің моральдық және дене күштерінің шектік төзімділігі нәтижесінде мүмкін болады.