Мүшелер жүйесі бойынша сұрастыру (қосымша сұрастыру)

Анамнездің соңғы бөліміне мүшелер (органдар және жүйелер) бойынша сұрастыру жатады. Бұл бөлімде адам организміндегі ең маңызды мүшелердің қызметі жөнінде мәліметтер жиналады. Органның функциясының бұзылуына қарап оның ауру ерекшеліктерін табуға болады. Сондықтан да әр ағзаның ауруына тән шағымдар мен анамнездік белгілерді міндетті түрде тексеру керек.

Сұрастыру методының диагностикалық маңызы орасан зор. Сұрастару ежелгі метод болса да, оны жетілдіруге Г. А. Захарьиннің еңбегі зор. Француз клиницисі Юшардың айтуы бойынша Захарьин сұрастыруды «өнер деңгейіне дейін көтерді». Қазіргі қолданылып жүрген сұрастыру жүйесін ұсынған Г.А.Захарьин. Захарьиннің тағы бір еңбегі-оның ұсынысы бойынша Россияда бірінші болып диагностика кафедрасы ашылды.