ЕМІ - Емдеу күрделі. Бедеулік көп факторлардың әсер етуінен, олардың үдемелі ықпал етуінен болады. Емдеу айқындалған бедеулік себептерін жоюға бағытталады - кәсіби зияндылық ортасынан кету, еңбек жағдайын өзгерту, жыныс қызметіне ықпал ететін дәрі-дәрмекгерді жою, инфекция ошақтарын санациялау, зиянды әдеттерден бастарту. Кейбір жағдайларды, осы шарттарды орындағанның өзі сперматогенезді қалпына келтіреді.
- Инфекциялық қабынуды антибактериальды емдеу алдында, эякулятты немесе простата сөлін егу қажет. ПТР (полимеразды тіркеу реакциясы), РИФ (иммундық флуоресценция реакциясы) әдістерін қолданып, жасуша ішіндегі инфекцияларды (хламидий, микоплазма, уреаплазма, герпес, цитомегаловирус) анықтау қажет. Антибиотиктермен емдеу кезінде жыныс қатынасы болмауы немесе презерватив қолдануы қажет. Емнің нәтижелілігін емдеу мерзімі соңынан 8-10 апта өткенде тексеріп бағалайды.
Достарыңызбен бөлісу: |
