Аллостерлік орталық. Фермент молекуласы, әдетте, ырықсыз күйде болады. Жасуша ішінде кездесетін кез келген кіші молекулалы заттар (дәрумендер, олардың туындылары, металл иондары және т. б.) фермент молекуласының белгілі бір бөлігіне әсер еткенде ол күшейеді. Ырықтандырушы заттар – аллостерлік эффектор, ал олар әсер ететін нәруыздағы полипептидтік бөлім – аллостерлік орталық.
Аллостерлік орталық нәруыздың катализдік қызметін атқаратын ү.р.қ. және т.р.қ. деңгейлерінің қалыптасуын қамтамасыз етеді. Аллостерлік орталыққа әсер ететін заттарды екі топқа бөледі —активаторлар және ингибиторлар.
