Оқушылар сабақта сандық оқу материалдарымен жеке немесе топтарда жұмыс істей алады. Бірақ мұғалім бұл кезде оқушылардың сұрақтарына жауап беру немесе тапсырманы шешу жолдарын талқылау арқылы процеске араласып отырады.
Мұғалім оқушыларға белгілі бір тақырыптарды үйден оқып келіңіздер деп тапсырма бере алады. Мысалы, twigbilim. kz немесе imektep.kz. сайттарынан видео көру деп алсақ болады. Ал осы тақырып бойынша туындаған сұрақтарды сыныпта немесе бейнеконференция кезінде талқылауға мүмкіндік бар.
Әр оқушы өзіне ыңғайлы оқу қарқынын таңдай алады және өз сыныптастарынан оқуда артта қалып қалмайды.
Ата-аналар баласын оқытуға белсенді түрде қатыса алады және оқу мақсаттарына үйде жетуге көмектеседі.
Мұғалім бөлімге немесе тоқсанға жиынтық бағалау жасау үшін Online Mektep тапсырмаларын қолдана алады.
Мұғалім қажетті БЖБ мен ТЖБ тапсырмаларын дайын базадан таңдап алуына немесе өткен материалды және жиынтық бағалаудың ерекшеліктерін ескере отырып, өз тапсырмасын жасауына да болады.
