Сыртқы акушерлік зерттеудің бірінші тәсілі. Бірінші тәсілдің көмегімен жатырдың тұру биіктігін және жатыдың түбінде орналасқан ұрықтың бөлшегін анықтайды. Ол үшін акушер екі қолдың алақанымен жатыр түбіне қояды.
Сыртқы акушерлік зерттеудің екінші тәсілі. Екінші тәсілмен жатырдағы ұрықтың орналасуын, позициясын және түрін анықтайды. Акушер екі қолын жатыр түбінен оң және сол қабырғаларына қарай түсіреді де, ақырындап қолдың алақаны мен саусақтар арқылы басып, бір жағынан ұрықтың арқасын , екінші жағынан ұрықтың ұсақ бөлшектерін ( қолдарын, аяқтарын) анықтайды. Бұл тәсіл жатырдың тонусы мен оның қозғыштығын, жатырдың жұмыр байламдарының қалыңдығы мен ауыршаңдығын және орналасуын анықтауға көмектеседі.
