Инженер-химиктер шағын «микроқұрттардан» медициналық бақылау (мониторинг) жүйелерін жасады

Массачусет технологиялық институты мен Солтүстік шығыс университетінің ғалымдары қан құрамындағы натрий немесе қант деңгейі сияқты биомедициналық көрсеткіштердің бақылау жүйесін өңдеп шығарды (7.4-сурет). Бұл жүйе, мысалы диабет ауруымен ауыратындарға өз терісінің белгілі бір ауданына қарап, қандағы глюкоза деңгейін тексеруге мүмкіндік беретін имплантацияланаты құрылғыларды жасауға көмектеседі. Белгілі бір химиялық заттармен толтырылған микробөлшектерге бос микроскопиялық сфераларға негізделген биомедициналық күйлер мониторингі немесе белгілі бір мүшелерге препараттарды таңдамалы түрде жеткізу үшін арналған жүйелер бірнеше зерттеу топтарымен өңделіп шығарылды. Әдеттегі микробөлшектер сфера формасына ие болса, жаңа бөлшектер ұзын түтікшелер түрінде болады. Бұрын қолданылған микросфералар диаметрімен салыстырғанда аз диаметрге ие болғандықтан, түтікшелер ішіндегісі қан немесе ағза ұлпасына өте жақын орналасады. Мұндай жағдайларда бөлшектер оларды қоршайтын үлпекте орналасқан белгілі бір химиялық заттарға оңай әсер береді. Салыстырмалы үлкен ұзындық микротүтікшелерге енгізу орнына жақсы бекуіне мүмкіндік береді, бұл ұзақ мониторинг жүргізу үшін қажет. Мұндай жүйе бірнеше ай бойы жұмыс істейді.