Мәмбеев Сабыр Әбдірәсілұлы 1928 жылы туған. 1953 жылы
Ленинградтағы И. Е. Репин атындағы кескіндеме, мүсін және сәулет
өнері институтын бітірген.
С. Мәмбеевтің өмір құбылыстарын көркем түрде қабылдауы
шығармаларындағы бояу түстерінің жарасымынан, мейлінше
нәзік әрі әсем құрылымынан айқын көрінеді. Ол өмір шындығын
бояулар дүниесі арқылы бейнелейді. С. Мәмбеев шығармаларының
ерекшелігі оның суреттеріндегі сезім тазалығынан бояу түстерінің
нәзік жарасымынан, ұлттық сипатының айқындығынан анық көрінеді.
Мысалы, «Киіз үй жанында» атты шығармасы суретші талғамының
биік те нәзіктігімен және орындау шеберлігінің жоғарылығымен
ерекше көз тартады. С. Мәмбеевтің әрбір картинасы терең зерттеу
нәтижесінде туған, ұлттық бояулар үндестігін тапқан, нәзік сезіммен
жазылған шығармалар болып табылады. Ол - живописьтің қыр-сырын
терең меңгерген лирик суретші.
