1-Дәріс. «Қазақ тілін оқыту әдістемесі» пәнінің зерттеу нысаны, мақсаты мен міндеттері
Қазақ тілін оқыту – мақсатты үдеріс
жүктеу/скачать 26,26 Kb.
|
1 Дәріс. ҚТОӘ ғылымының зерттеу нысаны мен пәні
Қазақ поэзиясының құлагері, бухгалтерия есеп 1, 22-23 2-1 Адам анатомиясы Өтесінов Ж.Ө Б-22-2-2
| Қазақ тілін оқыту – мақсатты үдеріс. Кез келген пәнді оқытудың басты мақсаты, әдіс, тәсілдері, мазмұны мен міндеттері қоғам талабынан туындап, ұдайы өсіп, жаңарады. Оқыту танымдық үдеріспен тығыз байланысты. Ол оқушы бойындағы білімге деген қызығушылықтың ұдайы өсіп, дамып отыруынан байқалады. Оқушы қоршаған орта (табиғат, қоғам) туралы және адам дамуының негізгі заңдылықтары жайлы біліммен қаруланады. Оқытудағы басты мақсат – Қазақстан Республикасының бүгінгі даму деңгейі мен болашақ бағытын анықтауды, әлемдік өркениетке жетудің жолын айқындауды қамтамасыз ететін білімді де мәдениетті, білікті де саналы дара тұлға тәрбиелеу. Бұл мақсат ұлттық мұраны жете меңгерген; ана тілінің сөздік қорын игерген; адамзатқа ортақ рухани құндылықтардың мәнін түсінетін; өз ұлты мен тілін қастерлейтін, жері мен елін қадірлейтін; Отанын сүйетін, дүниетанымы кең, ізденгіш, іскер, еңбекқор, зиялы ұрпақ қалыптастыруды көздейді. Мұндай тәрбиелі ұрпақ, тіл, әдебиет, тарих секілді рухани құндылықтарға негізделген пән сабақтарында білім беру мен оқу үдерісін дұрыс ұйымдастыру нәтижесінде қалыптасады. Осы тұрғыдан келгенде, әсіресе, ана тілі білімді де білікті дара тұлға қалыптастырудың қайнар көзі, арнасы ретінде адам мен адамды, ұлт пен ұлысты түсінісуге, пікірлесуге жетелейтін құрал болып табылады.
Тіл – адамзаттың ерекше болмысын, күрделі табиғатын аңғартатын, жаратылысы өзгеше құбылыс. Демек, бүгінгі адамзаттың жас буыны келешектің арқа сүйер иесі болу үшін бүкіл адами құндылықтарды игеруі ләзім. Оқушы дүние тануда бұрын ғылымда белгілі болған, зерттеліп дәлелденген жаңалықтарды, заңдылықтар мен тұжырымдарды тіл арқылы игереді. Тілді қолдана отырып ғылым негіздерін меңгереді, ғылым тарихымен, оның әдістерімен танысады, ұлы ғалымдардың өмірі мен қызметі жайлы ақпарат алады, таным өрісін кеңейтеді. Сөйтіп, осынау өзгермелі қоғамда өмір сүруге, өздігінен әрекет етуге, өздігінен ізденуге, өздігінен білім алуға, өз бойындағы қабілеттерді жұмсауға үйренеді. Бұл оқытудың мақсатты жүргізілуінің түпкі нәтижесі болып саналатындықтан, пәннің білім мазмұнында өз орнын алады. жүктеу/скачать 26,26 Kb. Достарыңызбен бөлісу:
|