Зерттеу тапсырмасы – орындалу мерзімі жеткілікті дәрежеде дәл белгіленген зерттеу әрекеттерінің қарапайым ойластырылған комплексі. Зерттеу тапсырмасының зерттеу тақырыбының нақты шеңберінде ғана мәні болады.
Категория – зерттелетін объектінің ішкі, елеулі жақтары мен қатынастары ашылатын логикалық ойлаудың формасы.
Тұжырымдама – зерттеудің мақсаты мен міндетін анықтаудағы және оны жүргізудің жолдарын көрсетудегі көзқарастар жүйесі, негізгі ой.
Қысқаша хабарлама – ғылыми зерттеу немесе тәжірибелік, құрылымдық (конструкторлық) жұмыстардың қорытындысында алынған нәтижелердің қысқаша мазмұны жөніндегі ғылыми құжат.
Тірек сөздер – ғылыми құжаттың немесе оның білімін ең толық және өзіндік мазмұның ерекшелігін сипаттайтын сөздер мен сөз тіркестерінің топтары.
Зерттеу әдісі – жаңа білім алу үшін ескі білімді пайдаланудың тәсілі. Ғылми деректерді алудың құралы болып табылады.
Достарыңызбен бөлісу: |
