Өз туған жеріңе деген сүйіспеншілігіңді ең алдымен отбасыңа арнамай тұрып, барша әлемді сүю мүмкін емес. М.Шаханов

Әкем Торегелдиев Құралбек 1906-жылы аталмыш ауылдың қарапайым отбасында дүниеге келген. Ата-анасының тәрбиесінде өскен ол кісі кейін келе өмір ағыммымен 1941- жылы соғысқа аттанады. “ Ердің көркі елімен, Отан көркі жерімен.”- деген ұлы сөздегідей, соғыста Отан алдындағы борышын адал атқарып күреседі. 1944-жылы жарақат алып денсаулығына байланысты елге оралады. Соғыстан кейінгі өмірін анамыз Құлқаныспен табысып 1959- жылы жанұя құрудан бастайды. Анамыз алтын құрсақ көтеріп, құдайдың берген сегіз перзентін дүниеге әкеле-ді.Әкеміз сыры бар денсаулығына байланысты егін , мал шаруашылығымен айналысып жанұясын ел қатарынан кем қылмаған. Ұлы Жеңістің 65 жылдығына орай әке-міздің ерлігі еленіп ауданан төс белгімен марапатталса, 2010-жылы Оңтүстік Қазақстан әкімдігінің тарапынан ұйымдастырылған “Даңқ” мемориалында әкеміздің аты-жөні жазылды. Бұл да болса Отан алдын-да жасалған ерліктің ешқашан ұмытылмайтындығының белгісі . Бірақ,.Сол соғыста алған жарақат күшейіп, ақыры тұңғыш қызы Шолпанды ұзатқан соң қалғандары әлі есі кіре қоймаған балғын шақтарында ана қолына аманат етіп тапсырып, өзі өмірден 1982- жылдың 2- мамырында өте барды. Амал не, тағдыр жазуы, көнгеннен басқа шара жоқ . Балапан жүрек әке мейірімін қанша сағынсада келтіре алмай,амалсыз көз жасына ерік беріп қала берді. Отағасының табыстаған перзенттерін жеткізуде анамыз белді бекем буып, бағытты бұрылыссыз тіке өмір жолына салды. Кездескен әрбір қиыншылықтарды қайыспай көтере біліп, перзенттері үшін аянбай қызмет етті.«Жас кезімде бейнет бер, Қартайғанда зейнет бер.»- деген нақылды ұстанымға алған анамыздың қазіргі таңда еңбегі жанып перзенттерінің барлығы бір- бір отбасының, бір- бір мамандық иелері. Осы тұста отбасының ауыртпалығын қайыспай көтеріп ерліктің еренін істеген анама өз жүрек жарды балалық махаббатымды өлең жолдарымен ұсынып отырған жайым бар.

Жан әкешіме арнау

Үлгі болған өнегелі ұрпаққа,

Еркелетіп, сүйеніште болдың- ау.

Түсіндік-ау мұның бәрін кештеу тым,

Қайталанбас тұлға едің әлемде.

Әлі есімде балғын бала шағымда,

Сол тәтті кез, ұмытылар ма, естен бір.

«Әпкешім» деп иығына салып-ап,

Отырушед еркелетіп жан әкем.

Бала едік көп нәрсеге мән бермес,

Білмедікте сағым болар сәттерді.

Сезе алдым ғой, әке мейірімін бірақ-та,

Өміріме жететін ғып талғажау.

Жан әкеме сұм соғыстың зардабы,

Салған сызат жан жараға айналып.

Анашыма аманат қып біздерді,

Кете барды мәңгілікке жырақтап.

Кім ойлайды ?Әкем мәңгілік кетер деп,

Кім ойлайды? Аңсап, зарығып күтем деп.

Жүрек аңсап , сағынсада талай рет,

Амал қанша жан әкемді қайтарман.

Шаршағанда күйбең тірлік қамымен,

Күлімсіреп жан әкемнің бейнесі.

Қайсарлығың, батылдығың қайда?- деп,

Келіп тұрады демегендей күш беріп.

Содан білем ,ерте өтіп кетседе,

Қиналғанда демеп жүрер жан әкем.

Бар қолымнан келетіні қазіргі,

Әруағына дұға арнап отырам.

Асқар тау әке ақылшы,

Отбасының байлығы.

Көңіліне қаяу салмай ешқашан,

Бағалайық теңдесі жоқ байлықты.

АНА
Мен өз анаммен мақтана алам,

Есейдім мен, есейді перзенттерің,

Өмір ағым еркелетер әр тарап,

Апа, өміріме нәр берген шуағымсың,

Түсінбедік еркеліктің назымен,

Бар өмірін перзенттінің бақытына арнаған,

Сол ерліктің жемісі ғой анашым,

Бәрі жақсы, бірақ шіркін кәрілік,

Тұла бойың тұнып тұрған тәрбие,

Дүниеде аналардың бәрі асыл,

Қазақ халқы бала бойындағы ерекше қабілетті, ата тегі арқылы қонған та-биғи дарынды өтежоғары бағалаған. Дәстүрлі өнер әулет мақтанышы ғана емес, ол барша халық игілігі болып саналған. Әңгімемді тақырыптың келесі кейіпкеріне бұрсам. “Анаға қарап қыз өсер, атаға қарап ұл өсер”- деген мақалды бейне біздің отбасыға арнап айтқан дерсің қазекем.Өйткені отбасының төртінші перзенті Торегелдиев Жақсыбай жылдар өте келе әке жолын қуып1981- жылы Отан алдындағы борышын орындауға әскерге шақырылған ол, сол кездегі Кеңес әскерінің жауынгері ретінде Ауған соғысынан бір- ақ шығады. Отан алдындағы борышын адал орындап елге белгіленген уақыттан алты айға кешігіп аман-сау оралады. Осы кешіккен алты ай уақыт ішіндегі тілгіленген ана жүрегінің қасіретін бүгінде сөзбен айтып жеткізу мүмкін емес.Әлі есімде анамыз таңның атысынан , күннің батысына дейін көшедегі үлкен қара талдың түбіндегі орындықта отырып екі көзі күнұзақ жолға телміре қараумен болатын, ас батпайтын, әңгімелеспейтін, бар тілеуі Құдайдан баласы елге аман-есен, аяқ-қолы бүтін болып оралуы еді. Біраз кешіксе де ана тілегі қабыл болып, баласы аман-есен елге оралды. “Жаным- арымның садақасы, Малым- жанымның садақасы”-дегендей, қуанған ана бір сиырын сатып ағайын-туыс, жамағатқа той жасап қуанышын бөліскен. Сол кездегі әрбір сәт қазір көз алдымда сақталуда, шымырлаған жүрек шаншымай еске алу мүмкін еместігін сезініп қолыма қалам алып отырған жайым бар. Мұндай қасіретті адам баласы басына түскенде ғана сезіне алады. Бүгінгі ұрпақ қасірет шегіп, қан кешіп қиындықпен келген бейбіт өмірдің бағасын біліп , қадірін түсінуі тиіс.Менің бұл әңгімемді оқығандар мүмкін сынайтын да болар, бірақ мұншама ерлікті көріп, біліп, сезініп тұрып жазбасам әке рухы алдындағы перзенттік борышымды орындамағандығым, аға батырлығын ардақтамағандығым болып есептелер еді.Қазіргі таңда ағам Торегелдиев Жақсыбай Шымкент қаласындағы №47 “Т.Тәжібаев” атындағы мектеп гимназиясында көп жылдан бері ұстаз болып қызмет атқаруда. «Білім беру ісінің үздігі» сыйлығының иегері. Өмір жолына тоқталып өтсем, ең алдымен анасының баға жетпес ұлы, жұбайына асыл жар, бір ұл,екі қыз тәрбиелеп отырған аяулы әке, сонымен қатар тек бауырларына ғана емес бүкіл еліне құрметті азамат.Ауған соғысындағы ерлігін ескеріп өзі оқыған мектеп,қазіргі “М.Оразалиев” атындағы мектепте АӘД бөлмесіне аты беріліп кейінгі ұрпақ ерлігін әрдайым мақтан тұтып жүр.Осы тұста ағама деген жүрекжарды өлең шумақтарымды ұсынсам.

АҒАМА

Мына өмірде қымбатсың.

Бауларым ішінен,

Ең ақылшым, қамқоршым.

Кішкентайдан «аға» деп иілгенбіз,

Артық қимыл жасамай үйренгенбіз.

Қанша қатал болсада мейірімін,

Қиналғанда қамқор боп білдіретін.

Бауыр түгіл Отанын жау қолынан,

Ерлік жасап Ауғанда қорғадыңыз.

Кейінгі ұрпақ үлгі алып, мақтан етер,

Қазағымның бір туар еріненсіз.

Тізбектеліп күндер өтер жылжып аққан,

Ғұмырың білім жолмен сабақтасқан.

Бүгінгі мерейлі күн құтты болсын,

Еңселі 50 жасқа аяқ басқан!!!