Қарқаралы аудандық модельді балалар кітапханасының 16 қыркүйек 16 қараша аралығында «Көк сандықтың саяхаты»

Саяхаттың келесі бөлігі кітапханамызда селодағы №43,5 мектеп жәнеде интернат үйі оқушыларымен өтті. Әдетте жаңа жылда аяз атаның дорбасынан сыйлық күтіп үйреніп қалған балалар бұл жолы көк сандықтың ішінде не бар екен деген таңданыспен қарады. Алдымен көк сандықтың тарихына қысқаша тоқталып өткеннен кейін, сырға толы көк сандықты балалар кітапхана әдіскері Жанар Төлеутайқызмен бірге ашып, көк сандықтың тұсауын кесті, осындай игі шара туралы балаларға айта келе, тоқсандық демалыстарын қызықты етіп өткізудің бірден – бір таптырмас жолы рухани байлықтың киелі ордасы кітапхнаға келген жас оқырмандарға алғысын білдіріп, қанаттарың талмасын, оқуда озатта ойлы , саналы азамат болып өсіңдер деп жүрек жарды лебізін жеткізді. Ендігі кезекте кок сандықтың ішінен шыққан 37 кітаптың ішінен «Әлем балалар әдебиеті» сериясымен жарық көрген Жюль Вернның «Он бес жасар капитан», Шарль Перро мен Ағайынды Гриммдердің әлемді тамсандырған тамаша ертегілері , Даниэль Дефоның «Робинзон Крузо» атты шығармаларына шолу жасалды, жазушылардың өмірі мен шығармашылығына тоқалып, жоғарыда айтылған кітаптардың қысқаша мазмұны айтылды, балалардың арасынан аталмыш шығармаларды оқыған Зейнел Мағжан, Қабыл Балнұр сынды оқушылар өз ойларын ортаға салып, оқығандағы алған әсерлерімен басқа жиналған балалармен бөлісті. Аталған үш шығарма да бүгінгі таңда оқушылардың қызғушылығын тудырып отырған сұранысқа ие туындылардың бірегейі болғандықтан іріктеп алып ,тоқталуды жөн санадық. Жалпы сандықтан шыққан кітаптардың ішінен өздеріне таныс емес кітаптармен танысып шығып, сандықтың саяхаты барысында алып оқитындарын айтып, қызығушылық танытып, белсенділік көрсетті.