10-бөлім. «ТАЗА ЖЕҢІС» берілуі мен оған қатысты жағдайлар. 1. Шабуылдаушы балуан кез келген айла тəсіл арқылы (тыйым салынбаған) қарсыласын бір жауырынымен кілемге тигізе отырып, тоқтаусыз екінші жауырына қарата жыққан жағдайда беріледі;
2. Шабуылдаушы балуан кез келген айла тəсіл арқылы (тыйым салынбаған) қарсыласын екі жауырынымен кілемге тигізген жағдайда беріледі;
3. «ТАЗА ЖЕҢІС» ұпайы – кілем жетекшісіне бағытталып, төрешінің қолы (алақан саусақтары аралығы жабылған күйде) тік жоғары көтеріліп көрсетіледі;
4. «ТАЗА ЖЕҢІС» болған жағдайда белдесу уақыты сол жерден аяқталып, тиесілі балуанға жеңіс беріледі;
11- бөлім. «Əдіс нəтижесіз» көрсетілуі жəне оған қатысты жағдайлар. 1. «Əдіс нəтижесіз» – кілем жетекшісіне бағытталып, төрешінің қолы бел тұсына дейін көтеріліп, алақан бағыты төмен қараған күйі екі қолды қайшылап көрсетеді;
2. Балуан шабуылдау кезінде қарсыластың ықпалынсыз əдісті жалғастыра алмай қалған жағдайда ішіне түссе, тізесі тисе, қолы (шынтақ, алақан, иық) кілемге тиіп екі балуанның қимыл əрекеттері сонымен тоқтағанда көрсетіледі;
3. Шабуылдаушы балуан əдісті жасау кезінде бір не екі тізесі тиюі арқылы қарсыласты ұпайға түсетіндей жағдай жасағанда көрсетіледі.
