Қазақстан Республикасы Білім және ғылым министрі

Қазақстан Республикасы

Қазақстан Республикасы

№ 115 бұйрығына 188-2-қосымша

Бастауыш білім беру деңгейінің 1-4-сыныптарына арналған «Ақпараттық-коммуникациялық технологиялар» пәнінен жаңартылған мазмұндағы үлгілік оқу бағдарламасы
1- тарау. Жалпы ережелер
1. «Информатика» пәні бойынша оқу бағдарламасы Қазақстан Республикасы Үкіметінің 2012 жылғы 23 тамыздағы № 1080 қаулысымен бекітілген Мемлекеттік жалпыға міндетті білім беру стандартына (бастауыш, негізгі орта, жалпы орта білім) сәйкес әзірленген.

2. «Информатика» пәнін оқып үйренудің мақсаты - оқушыларды оқыту мен күнделікті өмірде тиімді пайдалану үшін қазіргі заманғы ақпараттық технологиялармен жұмыс жасауда ойлау, робототехника, базалық білімдер, дағдылар мен дағдыларды есептеу дағдыларын қалыптастыру.

3. Негізгі міндеттері:

1) білім алушыларға компьютер туралы, қазіргі заманғы цифрлық құрылғылар және олардың қоғамдағы рөлі туралы бастапқы ақпараттар беру;

2) ақпараттық-коммуникациялық технологияларды пайдалана отырып, білім алушыларда әртүрлі нысандарда ойлау, робототехника, іздеу, жинау, өңдеу, сақтау және беру дағдыларын қалыптастыру;

3) әртүрлі бағдарламалық қосымшалар арқылы білім алушылардың өз идеяларын ұсыну қабілеттерін көтермелеу;

4) байланыс, ақпарат алмасу және ынтымақтастық үшін ақпараттық және коммуникациялық технологияларды пайдалануда ынталандыру;

5) білім алушыларды компьютермен қауіпсіз жұмыс істеу ережелері мен авторлық құқықтарды құрметтеуді үйрету.