4.3 Қондырғыны суреттеу 4.2 - суретінде көрсетілген қондырғы электр пеші мен Р333-деген көпірден тұрады. Электр пешінің 4-бұрышты корпусы болаттан жасалып, коррозияға төзімді бояумен боялған. Корпустың ішінде алмалы-салмалы шахта футеровкасы орналасқан, ол өте жеңіл шамоттан жасалған да, жеңіл салмақты шамоттан жасалған аспаға бекітілген. Шахта қабырғасы мен қаптаманың арасындағы кеңістік жылу изоляциялық материалмен толтырылған. Аспа мен қаптама табанының арасында асбесттен жасалған төсемше бар.
Жылытқыш элементтер ретінде бір-біріне қарама-қарсы қабырғаларға орналасқан корбарунді стерженьдер (оқтаушалар) қолданылады. Шамоттан жасалған электр пешінің қақпағында жұмыс кеңістігіне термометр салатын және өткізгіштер жүргізетін тесік орналасқан.
Температура 1200° С болғанда корборундті стержендердің кедергісі тез қосылады да соның әсерінен ток күші өсіп, стержендер істен шығуы мүмкін. Сондықтан температура максимал болған кезде, токты жиі-жиі бақылап тұру керек.
1- электр пеші ШП-1, 2-Р333 – көпір, 3- контакті винт, 4- термометр, 5- үлгі өткізгіш, 6- жеткізу өткізгіштер 4.2 – сурет. Өткізгіштердің ρ және TК ρ өлшейтін қондырғының сұлбасы
4.4 Жұмыс тапсырмасы 4.4.1 Жеткізу өткізгіштерді қысқаша тұйықтап, оның Rжө кедергісін өлшеуіш көпірмен өлшеу.
4.4.2 Линейка мен микрометрдің көмегімен сыналып жатқан өткізгіштің ұзындығы l мен диаметрін анықтау.
4.4.3 Жеткізу өткізгіштеріне сыналып жатқан өткізгішті жалғап, олардың бөлме температурасындағы қосынды кедергісін анықтау R . Сыналатын өткізгіштің кедергісі мынаған тең
меншікті кедергі 4.1 формуласымен анықталады. Өлшеудің проценттік қателігін анықтау.
4.4.4 Сыналушы өткізгішті қыздыру пешіне салып, оның қосынды кедергісін 160°-қа жеткенше әрбір 20° С сайын өлшеу. Қыздыру пешінің элементіндегі кернеуді - Uп ток - In 9А-дан аспайтындай етіп ұстап тұру керек. Сол температуралардағы ЭҚК – лардың мағынасын анықтаймыз. Нәтижелерді 4.1- кестесіне орналастырамыз (2,3,6,7 графалар).
