Пікір Жинақта көптеген қазақ тіліндегі материалдар бар. Егер де материал орыс не ағылшын тілінде жазылған болса, онда бір аңдатпасы (аннотация) міндетті түрде қазақша келтіріледі. Қазақшаға шын мәнінде мемлекеттік тіл тұрғысынан дұрыс қарап отырған мақалалар мен баяндамалар жинағына бірінші рет куәгер болып отырмын. Әркім осы профессор Дәуренбек Әзенұлы Әубәкірдей тілімізге кәсіби ортада мән беріп, қиын-сыйын деп сылтауратпай талап биігінен көрініп бақса, онда қазақ тілі анда болмай жатыр, мында бола алмай жатыр деп даурығудың да қажеті болмасына мен кәміл сенемін. Профессор Әубәкірдің өзі сол үш тілдің қайсы болмасын мақала, еңбектерін жаза береді, бәріміз солай дағдылана беруіміз абзал.
